ಶಿಷ್ಯ ಕಂಡ ಗುರು ವಾತ್ಸಲ್ಯ

ಗುರು ಶಿವನಾದರ್ಶ ಪುತ್ರ ವಾತ್ಸಲ್ಯ! (ಉ)
-ರು ಪ್ರ್ಯೀಂದಿತ್ತ ಸಂಭಾವನಾ ವಾತ್ಸಲ್ಯ!
ಶಿವನದಿವನಿ ಗಿತ್ತದ್ದಾ ವಾತ್ಸಲ್ಯ! (ಅ)
-ವನಿವನೆಂಬಾ ಪ್ರೇಮಭಾವಾ ವಾತ್ಸಲ್ಯ!
ನಾನವಗೆರಗಿದ್ದನ್ಯೋನ್ಯ ವಾತ್ಸಲ್ಯ!
ದಯಾದೃಷ್ಟ್ಯಾನುಗ್ರಹವನಾವಾತ್ಸಲ್ಯ! (ಸ್ಪ)
-ರ್ಶ ಹಲಗೆಯಿಂದ ಮಾಡಿದ್ದಾವಾತ್ಸಲ್ಯ!
ಪುತ್ರನುದ್ಧಾರಕ್ಕೆ ಅಪ್ಪನಾ ವಾತ್ಸಲ್ಯ!
ತ್ರಯಂಬಕಪ್ಪನಿಗೆನ್ನಲ್ಲಾ ವಾತ್ಸಲ್ಯ!
ವಾದಬಿಟ್ಟು ಮೌನ್ಯಾಗಿದ್ದದ್ದಾ ವಾತ್ಸಲ್ಯ! (ಉ)
-ತ್ಸವಪೂರ್ತಿ ಮುಂದಕ್ಕೆಂದದ್ದಾ ವಾತ್ಸಲ್ಯ! (ಬಾ)
-ಲ್ಯ, ನಿರಂಜನಾದಿತ್ಯಗಿನ್ನೂ ವಾತ್ಸಲ್ಯ!!!

ಭರತ, ಇಳಿತ ಸಮುದ್ರಕ್ಕಂತೆ!

ರಸ, ವಿರಸಗಳ್ಮನಸ್ಸಿಗಂತೆ!
ತಮಸ್ಸು, ಬೆಳಕು ದಿವಸಕ್ಕಂತೆ!
ಇನಯ, ತನಯ, ಸಂಸಾರಕ್ಕಂತೆ! (ಒ)
-ಳಿತು, ಕೆಟ್ಟುದು ಬದ್ಕು, ಬಾಳಿಗಂತೆ!
ತರಣಿ, ಚಂದ್ರ ಮರ್ಗಗನಕ್ಕಂತೆ!
ಸಮಯಾ ಸಮಯ ದರ್ಶನಕ್ಕಂತೆ!
ಮುನಿ ಋಷಿಗಳು ತಪಸ್ಸಿಗಂತೆ!
ದ್ರವ, ಘನ ಮಾಯಾ ಪ್ರಕೃತಿಗಂತೆ!
ಕಂತೆ, ಬೊಂತೆಗಳೆಲ್ಲಾ ಸಂತೆಗಂತೆ! (ಅಂ)
-ತೆ, ನಿರಂಜನಾದಿತ್ಯ ಸರ್ವಕ್ಕಂತೆ!!!

ಮಂಗಳ ಮಹಾ ಮಾಘ ಸ್ನಾನ!

ಗಣಕೆ ಪಾದ ತೀರ್ಥ ಸ್ನಾನ! (ಅ)
-ಳತೆಯಿಲ್ಲದ ಪುಣ್ಯ ಸ್ನಾನ!
ಮಲಹರ ವಿಮಲ ಸ್ನಾನ!
ಹಾಲು, ತುಪ್ಪ ಎರೆದ ಸ್ನಾನ!
ಮಾಘದ ಪಂಚಾಮೃತ ಸ್ನಾನ!
ಘಮ, ಘಮ ವಾಸನಾ ಸ್ನಾನ!
ಸ್ನಾಯು ಬಲವರ್ಧನ ಸ್ನಾನ! (ಘ)
-ನ, ನಿರಂಜನಾದಿತ್ಯ ಸ್ನಾನ!!!

ನಂದನಂದನ, ನಂದನಂದನ, ನಂದನಂದನಾ! (ಜೈ)

ನಂದನಂದನ, ನಂದನಂದನ, ನಂದನಂದನ ನಂದನಂದನಾ!
ಮನದ ಮಲ ತೊಳೆಯ ಬಾರೋ, ನಂದನಂದನ!”
ನರನಂತೆ ಮಾಡಲೆನ್ನ ಬಾರೋ, ನಂದನಂದನ!”
ದರಿದ್ರ ಕುಚೇಲಾಗಿಹೆ ಬಾರೋ, ನಂದನಂದನ!”
ಮದ ಮತ್ಸರ ಮರ್ದಿಸೆ ಬಾರೋ, ನಂದನಂದನ!”
ಲಕ್ಷ್ಯ ನೀನೊಬ್ಬನಾಗಿಹೆ ಬಾರೋ, ನಂದನಂದನ!”
ತೊರೆಯಲಾರೆ ನಾನಿನ್ನ ಬಾರೋ, ನಂದನಂದನ! (ಹ)”
-ಳೆಯ ಬಂಧ ನೆನೆದು ಬಾರೋ, ನಂದನಂದನ! (ಬ)”
-ಯಕೆ ಮಾಯೆಗಿಲ್ಲದಿಹೆ ಬಾರೋ, ನಂದನಂದನ!”
ಬಾರದಿರೆ ರಾಧೆಯಾಣೆ! ಬಾರೋ, ನಂದನಂದನ! (ಬಾ)”
-ರೋ, ನಿರಂಜನಾದಿತ್ಯ ನೀ ಬಾರೋ ನಂದನಂದನ!”

ಸತ್ಯನಾರಾಯಣ ಪ್ರಸಾದವಿಂದಯ್ಯಾ! (ಅ)

-ತ್ಯಪಾರ ಪ್ರೇಮಿ ಸತ್ಯನಾರಾಯಣಯ್ಯಾ!
ನಾರದಾದಿಗಳೆಲ್ಲಾ ಪೂಜಿಪರಯ್ಯಾ! (ಆ)
-ರಾಮವಿದೆಲ್ಲರ ದೈವೀ ಸುಖಕಯ್ಯಾ!
ಯಶವಿದರಿಂದಹುದು ಲೋಕಕಯ್ಯಾ! (ಹ)
-ಣಕಾಗಿದ ಆಚರಿಸಬಾರದಯ್ಯಾ!
ಪ್ರಗತಿ ಪರಮಾರ್ಥಿಗಿದರಿಂದಯ್ಯಾ!
ಸಾಯುಜ್ಯ ಸಿದ್ಧಿಯನವ ನೀವನಯ್ಯಾ! (ಆ)
-ದರಾತಿಥ್ಯವಿವಗತಿ ಪ್ರೀತಿಯಯ್ಯಾ! (ನಾ)
-ವಿಂದಾ ಪ್ರಸಾದದಿಂದ ಪಾವನರಯ್ಯಾ!
ದಯಯಿದಾ ದತ್ತಗುರು ಚಿತ್ತವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನಾರಾಯಣಯ್ಯಾ!!!

ಭವಿಷ್ಯ ಕೇಳಿ ಭಕ್ಷಿಸುವರೇನಯ್ಯಾ?

ವಿಚಾರ ಮಾಡಿ ವಿಷಾದಿಪರೇನಯ್ಯಾ? (ಭಾ)
ಷ್ಯ ಓದಿ ಹಾದಿ ತಪ್ಪಿದರಾಗದಯ್ಯಾ!
ಕೇಳಿ, ಹೇಳಿ ಕೆಲಸಗಳಲ್ಲವಯ್ಯಾ! (ಗಾ)
-ಳಿಯಂತೆ ಸ್ವಕರ್ಮ ಸಾಗುತಿರಲಯ್ಯಾ!
ಭವಭಯ ಕಳೆಯಲೀ ದಾರಿ ಅಯ್ಯಾ! (ಸಾ)
-ಕ್ಷಿಯಾಗಿ ಗುರು ಇರುತಿರುವನಯ್ಯಾ! (ಹ)
-ಸು ಹಾಲುಣಿಸುವುದು ಕರುವಿಗಯ್ಯಾ!
ವರ ವಿಶ್ವಾಸ, ಪೂರ್ಣವಿರಬೇಕಯ್ಯಾ! “(ಹ)
-ರೇ ರಾಮ” ಮಂತ್ರವ ಜಪಿಸುತಿರಯ್ಯಾ!
ನಡೆ, ನುಡಿಗಳೆಲ್ಲಾತನಿಗಾಗಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ರೀತಿ ಇದಯ್ಯಾ!!!

ಗುರು ಸೊರ್ವೋತ್ತಮನಿಗೆ ನಮಸ್ಕಾರ! (ಉ)

-ರು ಭಯ, ಭಕ್ತಿಯಿಂದ ಈ ನಮಸ್ಕಾರ!
ಸಚರಾಚರ ಪೂರ್ಣಗೀ ನಮಸ್ಕಾರ (ಸ)
-ರ್ವೋತ್ತಮ ಸರ್ವೇಶ್ವರಗೀ ನಮಸ್ಕಾರ! (ದ)
-ತ್ತ ಗುರು ಸಾರ್ವಭೌಮಗೀ ನಮಸ್ಕಾರ!
ಮನಸಿಜಾರಿ ಶಿವಗೀ ನಮಸ್ಕಾರ!
ನಿರ್ವಿಕಲ್ಪ ಸ್ಥಿತನಿಗೀ ನಮಸ್ಕಾರ! (ಬ)
-ಗೆ, ಬಗೆ ವಿಶ್ವರೂಪಗೀ ನಮಸ್ಕಾರ!
ನರ, ಸುರ ವಂದ್ಯನಿಗೀ ನಮಸ್ಕಾರ! (ನಾ)
-ಮ, ರೂಪಾತೀತಾದಗೀ ನಮಸ್ಕಾರ!
ಸ್ಕಾಂದ ಪುರಾಣೇಶ್ವರಗೀ ನಮಸ್ಕಾರ! (ಹ)
-ರ, ನಿರಂಜನಾದಿತ್ಯಗೀ ನಮಸ್ಕಾರ!!!

ಬ್ರಹ್ಮಾನಂದ ವಿಶ್ವೇಶ್ವರಯ್ಯಾ! (ಬ್ರ)

-ಹ್ಮಾ, ವಿಷ್ಣು, ಶಿವ, ಏಕವಯ್ಯಾ!
ನಂಬಿಗೆ ವ್ಯರ್ಥವಾಗದಯ್ಯಾ!
ದತ್ತ ನಿನ್ನೊಳಗಿಹನಯ್ಯಾ!
ವಿಚಾರವಿನ್ನೂ ಸಾಗಲಯ್ಯಾ!
ಶ್ವೇತ, ಪೀತಾಂಬರಲ್ಲವಯ್ಯಾ! (ಅ)
-ಶ್ವ, ರಥಾದಿಗಳಿಲ್ಲವಯ್ಯಾ! (ಅ)
-ರಸರರಸನಿವನಯ್ಯಾ (ಅ)
-ಯ್ಯಾ ನಿರಂಜನಾದಿತ್ಯನಯ್ಯಾ!!!

ಅವರವರಿಷ್ಟದಂತವರವರಯ್ಯಾ!

ವರ ಗುರುವಿಗಾಗಿಹರಾರಿಹರಯ್ಯಾ?
ರಸದೂಟ ಬೇಕೆಲ್ಲರಿಗೆ ನಿತ್ಯವಯ್ಯಾ!
ವನವಾಸವೆಂದರೆ ಹಿಂಜರಿವರಯ್ಯಾ!
ರಿವಾಜು, ಮುಲಾಜು, ಆರದು, ಆರಿಗಯ್ಯಾ (ಅ)
-ಷ್ಟವಸರದಾಸಕ್ತಿ ಈಗಿಲ್ಲ ಕಾಣಯ್ಯಾ!
ದಂಗೆ, ದರೋಡೆಗಳಿಗೇ ಕಾಲವಿದಯ್ಯಾ!
ತನ್ನಂತೆಲ್ಲರಿಗೂ ಸುಖ, ದುಃಖಗಳಯ್ಯಾ!
ವಳಗೊಂದು, ಹೊರಗೊಂದಾದರಾಗಯ್ಯಾ!
ರಗಳೆ ಹೂಡಿ ರಾಜ್ಯಭಾರ ಬೇಡವಯ್ಯಾ!
ವರಧರ್ಮ, ಕರ್ಮಬುದ್ಧಿ ಇರಬೇಕಯ್ಯಾ!
‘ರಘುಪತಿ ರಾಘವ ರಾಜಾರಾಮ’ನ್ನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಗಿದು ಹಿತವಯ್ಯಾ!!!

ನಾಟ್ಯವಾಡಿ ನಟಿಸಬೇಡ ಭಜನೆಯಲಯ್ಯಾ! (ನಾ)

ಟ್ಯಮಾಡಿ ನಟರಾಜೇಶ್ವರ ನೀನಾಗಬೇಕಯ್ಯಾ!
ವಾರಿಜಾಕ್ಷಿ, ಕಾಮಾಕ್ಷಿ ಆಗ ಒಲಿಯುವಳಯ್ಯಾ! (ಆ)
-ಡಿ, ಹಾಡಿ ಕುಣಿದಾಡಿ ಒಡಲ ಬಿಡಬೇಕಯ್ಯಾ!
ನಶ್ವರದ ಇಂದ್ರಿಯ ಸುಖಕೆ ನಾಟ್ಯವಲ್ಲಯ್ಯಾ! (ಧಾ)
-ಟಿ, ರಾಗ, ತಾಳ ಭಾವಭರಿತವಿರಬೇಕಯ್ಯಾ!
ಸರ್ವೇಶ್ವರನ ಸಾರೂಪ್ಯಾನಂದ ವಿದರಿಂದಯ್ಯಾ!
ಬೇಕಿನ್ನೇನು ಇದಕಿಂತುತ್ತಮ ಪ್ರಸಾದವಯ್ಯಾ! (ಆ)
-ಡಲೇನೀ ಆನಂದವನನುಭವಿಸಬೇಕಯ್ಯಾ!
‘ಭಜಗೋವಿಂದಂ, ಭಜಗೋವಿಂದೆ’ಂದು ಭಜಿಸಯ್ಯಾ!
ಜರಾ, ಜನ್ಮ, ದುಃಖಗಳೆಲ್ಲಾ ನಿವಾರಣೆಯಯ್ಯಾ!
ನೆಲ, ಹೊಲ, ಮನೆ ಮಠವೆಲ್ಲಾ ಬಂಧನವಯ್ಯಾ! ‘(ಅ)
-ಯಮಾತ್ಮಾ ಬ್ರಹ್ಮ’ ಸ್ಥಿತಿಗಿದುತ್ತಮದಾರಿಯಯ್ಯಾ!
ಲಕ್ಷ್ಯವಿದೊಂದೇ ಗುರು ದತ್ತಾತ್ರೇಯಗಿಷ್ಟವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಗುರು ದತ್ತಾತ್ರೇಯ ನಯ್ಯಾ!!!

ಹಾಲಹಲ ವಿಷಪಾನ ಗೈದ ಶಿವ

ಲಾಭವಾಯ್ತುದರಿಂದೆಲ್ಲರಿಗೆ ಶಿವ!
ಹರಗುರು ಶಂಕರ ಗೌರೀಶ ಶಿವ!
ಲಯಪತಿ, ಪಶುಪತಿ, ಸಾಂಬ ಶಿವ!
ವಿಷಕಂಠ, ಶ್ರೀಕಂಠನಾಭಂಟ ಶಿವ!
ಷಣ್ಮುಖ ವೀರನುತ್ಪತ್ತಿದಾತ ಶಿವ!
ಪಾಪಹರ, ತಾಪಹರ, ಯೋಗಿ ಶಿವ!
ನಟನ ವಿಖ್ಯಾತ ನಟರಾಜ ಶಿವ! (ಆ)
-ಗೈಕ್ಯವಿವನಲಿದ್ದರೆ ಸದಾ ಶಿವ!
ದತ್ತಾತ್ರೇಯಾವಧೂತನೀ ತ್ಯಾಗಿ ಶಿವ!
‘ಶಿವಾಯ ನಮಃ ನಮಃಶಿವಾಯ’ ಶಿವ!
ವರುಗುರು ನಿರಂಜನಾದಿತ್ಯ ಶಿವ!!!

ಸ್ಥೂಲದಲಿದ್ದಿಲ್ಲದಂತಿರುವುದೆಂತಯ್ಯಾ? (ಅ)

-ಲಕ್ಷ್ಯ ವಿಷಯಗಳಿಗಾದರಹುದಯ್ಯಾ!
ದಶೇಂದ್ರಿಯ ವ್ಯಾಪಾರ ನಿಂತರಹುದಯ್ಯಾ! (ಅ)
-ಲ್ಲಿಲ್ಲೆಲ್ಲೆಲ್ಲೇನಿಹುದೆಂದಿದ್ದರಹುದಯ್ಯಾ! (ಸ)
-ದ್ದಿಲ್ಲದೆ ಎಲ್ಲೆಂದರಲ್ಲಿದ್ದರಹುದಯ್ಯಾ! (ಅ)
-ಲ್ಲದೊಲ್ಲದಾಸೆ ಇಲ್ಲದಿದ್ದರಹುದಯ್ಯಾ!
ದಂಭ, ದರ್ಪಗಳಿರದಿದ್ದರಹುದಯ್ಯಾ!
ತಿಥಿ, ವಾರ, ಎಣಿಸದಿದ್ದರಹುದಯ್ಯಾ!
ರುಚಿ, ಅರುಚಿ ಇರದಾದರಹುದಯ್ಯಾ! (ಆ)
ವುದಕೂ ಮನಸಂಟದಿದ್ದರಹುದಯ್ಯಾ! (ಅ)
-ದೆಂದಿದೆಂದೆಂಬುದಿಲ್ಲದಿದ್ದರಹುದಯ್ಯಾ!
ತನ್ನ ತಾನರಿತು ಅಂತಿದ್ದರಹುದಯ್ಯಾ! (ಅ)
-ಯ್ಯಾ, ನೋಡಿದ ನಿರಂಜನಾದಿತ್ಯನಲಯ್ಯಾ!!!

ಗರ್ಭದೊಳಗಿನ ಪಿಂಡ ಬೆಳೆಯುವ ವಿಧಾನ ವಿಚಿತ್ರ!

ಗ-ರ್ಭ ಧರಿಸುವುದೊಂದವನ ಸೃಷ್ಟಿಯ ಪರಮ ವಿಚಿತ್ರ!
ಅ-ದೊಳಗೆ ದಿನಕೊಂದು ರೀತಿ ಬೆಳೆವುದತ್ಯಂತ ವಿಚಿತ್ರ!
ಅ-ಳವಡುವುದಿದನು ಮನಸಿಗೆ ನಿಲುಕದ ವಿಚಿತ್ರ!
ಆ-ಗಿನಂತೆ ಈಗಿಲ್ಲ, ಈಗಿನಂತೆ ಮತ್ತಿಲ್ಲವೆಂಬ ವಿಚಿತ್ರ!
ಅ-ನವರತರಿಯದಂತೆ ಸೃಷ್ಟಿ, ಸ್ಥಿತಿ ಲಯದ ವಿಚಿತ್ರ!
ಪಿಂಡಾಂಡ, ಬ್ರಹ್ಮಾಂಡದೊಳಗಿನ ಕೆಲಸಕಾರ್ಯ ವಿಚಿತ್ರ!
ಅ-ಡಗಿ ಸರ್ವದರೊಳಗಿರುವ ಸ್ವಾಮಿಯಮೇಲೆ ವಿಚಿತ್ರ!
ಬೆಳೆಸಿ, ಬೆಳಗಿಸಿ, ಮುಳುಗಿಸುವಂಥಾ ರೀತಿ ವಿಚಿತ್ರ!
ಹ-ಳೆಯದು ಹೊಸದಾಗುವುದವ ನಿಷ್ಟವೆಂಬುದು ವಿಚಿತ್ರ!
ಯುಗ, ಯುಗದಲ್ಲೊಂದು ವಿಧವಾದ ನಾಟಕ ವಿಚಿತ್ರ!
ವರವ್ಯಾಸನೆಂದಂತವನಾದ್ಯಂತ ಅರಿಯದ ವಿಚಿತ್ರ!
ವಿಮಲಗುರು ನಿರಂಜನನ ನಂತಾವತಾರ ವಿಚಿತ್ರ!
ಧಾಳಿಯಾಗುತಿದೆ ಬಾಳು ಅಜ್ಞಾನಂದಿಂದಿದೆಂಥಾ ವಿಚಿತ್ರ!
ನಶಿಸುವುದೀ ಕಾಯವಿಂದೋ ನಾಳೆಯೋ? ತಿಳಿಯೆ ವಿಚಿತ್ರ!
ವಿನಯದಿಂದವಗೆ ಶರಣಾದರರಿವುದೀ ವಿಚಿತ್ರ!
ಚಿದಾನಂದ ಗುರು ಶಿವಾನಂದ ಸಂದೇಶವಿದು ವಿಚಿತ್ರ
ತ್ರಯಲೋಕನಾಥ ಸದ್ಗುರು ನಿರಂಜನಾದಿತ್ಯ ವಿಚಿತ್ರ!!!

ವಿಭೂತಿ ಶೋಭಾ ಲಲಾಟ!

ಭೂಕೈಲಾಸ ಪತಿಗಾಟ! (ಅ)
-ತಿ, ಆನಂದವಿದು ನೋಟ!
ಶೋಕದೂರ, ನೀಲಕಂಠ (ಅಥವಾ ಹರಕಾಟ)!
ಭಾಗ್ಯವೆಲ್ಲರಿಗೀ ಪಾಠ!
ಲಯ ಶಿವನಿಗೊಂದಾಟ! (ಹಾ)
-ಲಾಹಲ ವಿಷಪಾನಾಟ! (ಆ)
-ಟ, ನಿರಂಜನಾದಿತ್ಯಾಟ!!!

ಶಂಕರ ಶಂಕರ ಶಿವ ಶಿವಶಂಭೋ! (ಶಿವ)

ಶಂಕರ ಶಂಕರ ಶಿವ ಶಿವ ಶಂಭೋ!
ಹರಿ, ಹರ, ಬ್ರಹ್ಮಾ ಶಿವಶಂಭೋ!
ರಿಪುಕುಲ ಕಾಲಾ ಶಿವಶಂಭೋ! (ಅ)
-ಹರ್ನಿಶಿಭಜಿಸೋ ಶಿವಶಂಭೋ!
ರತಿಪತಿನಾಶಾ ಶಿವಶಂಭೋ!
ಬ್ರಹ್ಮಾನಂದಸಿದ್ಧಾ ಶಿವಶಂಭೋ! (ಬ್ರ)
-ಹ್ಮಾಇಂದ್ರಾದಿ ವಂದ್ಯ ಶಿವಶಂಭೋ!
ಶಿವಾನಂದ ನಾಮಾ ಶಿವಶಂಭೋ!
ವರಗುರುರಾಜಾ ಶವಶಂಭೋ!
ಶಂಕರ, ಶಂಕರ ಶಿವಶಂಭೋ! (ಶಂ)
-ಭೋ! “ಶ್ರೀ ನಿರಂಜನ” ಶಿವಶಂಭೋ!!!

ನಿರಂಜನನ ಪೂಜಾರಿ ಕೃಷ್ಣನಮ್ಮಾ!

ರಂಗನ ಭಕ್ತಿ, ವಿಶ್ವಾಸಚಲಮ್ಮಾ!
ಜಗದ್ವಂದ್ಯ ಕೃಷ್ಣನದರಿಂದಲಮ್ಮಾ
ನಯ, ವಿನಯದಲಿ ಆದರ್ಶನಮ್ಮಾ!
ನಗು, ನಗುತ ಮಾಡುವ ಕರ್ಮವಮ್ಮಾ!
ಪೂಜೆ ಕುಚೇಲನಿಗಾಸಕ್ತಿಯಿಂದಮ್ಮಾ!
ಜಾದುಗಾರನಿವನೆಂದನ್ನಲೇಕಮ್ಮಾ? (ಅ)
-ರಿತರಿವನಂತರಂಗ ಧನ್ಯರಮ್ಮಾ!
ಕೃಷ್ಣಾ! ಕೃಪೆ ಮಾಡೆನುತಿರ ಬೇಕಮ್ಮಾ! (ಉ)
-ಷ್ಣ ಶೀತಗಳಿವನಿಗಲಕ್ಷ್ಯವಮ್ಮಾ! (ಅ)
-ನವರತ ನಿರಂಜನ ಜಪವಮ್ಮಾ! (ಅ)
-ಮ್ಮಾ! ಸಾರೂಪ್ಯ ನಿರಂಜನಾದಿತ್ಯನಮ್ಮಾ !!!

ಸುಂದರ ಘನಶ್ಯಾಮ ಸುಂದರ! (ಮಂ)

-ದರಾದ್ರಿ ಗಿರಿಧರ ಸುಂದರ! (ವ)
-ರ ಮುರಲೀಧರತಿ ಸುಂದರ! (ಅ)
-ಘಹರ ರಾಧಾವರ ಸುಂದರ!
ನತಜನರುದ್ಧಾರ ಸುಂದರ!
ಶ್ಯಾಮ ಗೋಪ ಕುಮಾರ ಸುಂದರ!
ಮದ, ಮತ್ಸರದೂರ ಸುಂದರ! (ವ)
-ಸುಂಧರಾ ಪ್ರಿಯಕರ ಸುಂದರ! (ಸು)
-ದರ್ಶನ ಚಕ್ರಧರ ಸುಂದರ! (ವ)
-ರ, ನಿರಂಜನಾದಿತ್ಯ ಸುಂದರ!!!

“ಕಿರಿಯರಿಗೆಲ್ಲಾ ಕಿರಿಯನು ನಾನಯ್ಯಾ ”? (ಅ)

-ರಿತಿದನಳವಡಿಸಲು ಸುಖವಯ್ಯಾ!
ಯತ್ನವಿದಾಗಿ ನಿತ್ಯಶಾಂತಿ ನೋಡಿರಯ್ಯಾ! (ಆ)
-ರಿಗೂ ಹಿರಿತನದಹಂಕಾರ ಬೇಡಯ್ಯಾ!
ಗೆಳೆಯರಗೆಳೆಯಾರ್ಕನೆಂತಿಹನಯ್ಯಾ!? (ಅ)
-ಲ್ಲಾಡದಿದ್ದು ಕರ್ಮನಿಷ್ಠನಾಗಿಹನಯ್ಯಾ!
ಕಿರಿತನ, ಹಿರಿತನ ವಿದೆಯೇನಯ್ಯಾ! (ಅ)
ರಿತರಿದೇ ಮಾರ್ಗದರ್ಶಕವೆಂಬೆನಯ್ಯಾ! (ಆ)
-ಯ, ವ್ಯಯದಧಿಕಾರ ಸ್ಥಿರವಲ್ಲವಯ್ಯಾ!
ನುಡಿದಂತೆ ನಡೆಯುವವನಾಗಿರಯ್ಯಾ!
ನಾಮ ಶಿವಗುರುವಿನದು ಜಪಿಸಯ್ಯಾ!
ನನ್ನದೆಂಬುದನೆಲ್ಲಾ ಮರೆತುಬಿಡಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಗಿದೊಪ್ಪಿಗೆಯಯ್ಯಾ!!!

ತೋಡಿದ ಭಾವಿಗೆ ಜಲವೇ ಸಾಕ್ಷಿ! (ಹಿ)

-ಡಿದ ಕರ್ಮಕ್ಕದರ ಸಿದ್ಧಿ ಸಾಕ್ಷಿ!
ದಶೇಂದ್ರಿಯದಾಟಕ್ಕಾ ಸ್ಥಿತಿ ಸಾಕ್ಷಿ!
ಭಾನುವಿನುದಯಕ್ಕೆ ಬಾನೇ ಸಾಕ್ಷಿ!
ವಿಚಾರಿ ಎಂಬುದಕ್ಕಾ ಬಾಳೇ ಸಾಕ್ಷಿ! (ಮಿ)
-ಗೆ ಉಂಬವಗವನ ರೋಗ ಸಾಕ್ಷಿ!
ಜಲಜವರಳಿದಕಳಿ ಸಾಕ್ಷಿ! (ಶೀ)
-ಲಗಳಿಗೆ ನಡೆ, ನುಡಿಯೇ ಸಾಕ್ಷಿ!
ವೇಷ, ಭಾಷೆಗಳಿಗಾದೇಶ ಸಾಕ್ಷಿ!
ಸಾಗುವಳಿಗದರ ಬೆಳೆ ಸಾಕ್ಷಿ! (ಈ)
-ಕ್ಷಿ! ನಿರಂಜನಾದಿತ್ಯ ಸರ್ವಸಾಕ್ಷಿ!!!

ವಾರಿಜಾಂಬಕಿ ರಾಧಾರಮಣ ಗೋವಿಂದ! (ಗಿ)

-ರಿಧರ ಗೋಪಾಲವನಮಾಲಾ ಗೋವಿಂದ!
ಜಾಂಬವತೀ ಕಲ್ಯಾಣ ಆನಂದ ಗೋವಿಂದ!
ಬಲರಾಮಾನುಜಾನಂದ ಕಂದ ಗೋವಿಂದ!
ಕಿರುಕುಳ ಕಂಸನನು ಕೊಂದ ಗೋವಿಂದ!
ರಾಸಲೀಲಾ ಆನಂದ ಮುಕುಂದ ಗೋವಿಂದ!
ಧಾರಣ, ಧ್ಯಾನ ಭಜನಾಂದ ಗೋವಿಂದ! (ಸಾ)
-ರಥಿಯರ್ಜುನ ವೀರನಾನಂದ ಗೋವಿಂದ!
ಮಲ ನಿರ್ಮೂಲದಾ ಗೀತಾನಂದ ಗೋವಿಂದ! (ಗು)
-ಣ, ಗಣ, ಪರಿಪೂರ್ಣತ್ಯಾನಂದ ಗೋವಿಂದ!
ಗೋ, ಬ್ರಾಹ್ಮಣ, ಧರ್ಮ ಹಿತಾನಂದ ಗೋವಿಂದ! (ಗೋ)
-ವಿಂದ, ಗೋವಿಂದ, ಗೋಕುಲಕಂದ ಗೋವಿಂದ!
ದಯಾನಂದ ನಿರಂಜನಾದಿತ್ಯ ಗೋವಿಂದ!!!

ಧ್ಯಾನ ಮಾಡಮ್ಮಾ ಅಮ್ಮನ ರೂಪ,ಗುಣ ನೋಡಮ್ಮಾ (ನ)

-ನಗೂ, ನಿನಗೂ ಭೇದವೇಕೆಂದವಳ ಕೇಳಮ್ಮಾ!
ಮಾನವಿಯಾಗಿ, ದಾನವಿಯಾಗಿರುವುದೇಕಮ್ಮಾ? (ಆ)
-ಡದೇ ನೀ ಮೌನವಾಗಿರಬಾರದಿದ ಹೇಳಮ್ಮಾ! (ಅ)
-ಮ್ಮಾ! ಭೇದಾ ಬೇದಕ್ಕೆಲ್ಲಾ ಗುಣತ್ರಯ ಕಾರಣಮ್ಮಾ!
ಅಮ್ಮನರೂಪ, ಗುಣಗಳ ನರಿಯ ಬೇಕಮ್ಮಾ! (ಅ)
-ಮ್ಮನಾಗಿ, ಅಪ್ಪನಾಗಿ ಸರ್ವಸ್ವವಾಗಿಹಳಮ್ಮಾ!
ನಶ್ವರ ದೇಹಮೋಹ ನಿನ್ನಂತವಳಿಗಿಲ್ಲಮ್ಮಾ!
ರೂಪಗಳವಳಿಗನಂತ ಮಾಯಾಲೀಲೆಗಮ್ಮಾ! (ಆ)
-ಪತ್ತು, ವಿಪತ್ತು, ಸಂಪತ್ತುಗಳಾಕೆಗಲಕ್ಷ್ಯಮ್ಮಾ!
ಗುಣಾತೀತ ಸಹಜಸ್ಥಿತಿ ನಿತ್ಯವಳದಮ್ಮಾ! (ಬ)
-ಣಗು ವಿಷಯೇಂದ್ರಿಯ ವ್ಯಾಮೋಹವಳಿಗಿಲ್ಲಮ್ಮಾ!
ನೋವು, ಸಾವಿನ ದೇಹ ನಿಜರೂಪವಲ್ಲವಮ್ಮಾ! (ತ)
-ಡಮಾಡದಿದನಳವಡಿಸಿ ಅವಳಾಗಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯನರ್ಧನಾರೀಶ್ವರನಮ್ಮಾ!!!

ಭಾಮಾರಮಣ ಬಾರಯ್ಯ!

ಮಾರಮಣ ಮೈದೋರಯ್ಯಾ!
ರಜಾನುಗ್ರಹ ಮಾಡಯ್ಯಾ!
ಮನಕೆ ಶಾಂತಿ ಬೇಕಯ್ಯಾ! (ಹ)
-ಣ ಕಾಸೆನಗೆ ಬೇಡಯ್ಯ!
ಬಾಳು ಗೋಳಾಗಿಹುದಯ್ಯಾ! (ವ)
-ರ ಗುರುದೇವ ನೀನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಯ್ಯಾ!!!

ಧನ್ಯ ನಿನ್ನಿಂದ ನಾನಾಗಬೇಕಯ್ಯಾ (ಅ)

-ನ್ಯಗತಿ ನನಗಿನ್ಯಾರಿಲ್ಲವಯ್ಯಾ!
ನಿನ್ನಾನಂದವೆನ್ನದಾಗಿರಲಯ್ಯಾ! (ನ)
-ನ್ನಿಂದ ನೀನು ಬೇರೆಯಾಗದಿರಯ್ಯಾ!
ದತ್ತ ನಾ ನಿನ್ನ ನಂಬಿಲ್ಲವೇನಯ್ಯಾ!
ನಾಳೆ ಗೀಳೆ ಮಾತು ಸಾಕು ಮಾಡಯ್ಯಾ!
ನಾಮ ಜಪ ಬಿಟ್ಟಿರುವೆನೇನಯ್ಯಾ!
ಗಗನಮಣಿ ಸಾಕ್ಷಿ ಇದಕಯ್ಯಾ!
ಬೇಕಿನ್ನೇನು ಭೂಮಿಯಲೆನಗಯ್ಯಾ?
ಕನಿಕರ ತೋರಿ ಬರಬೇಕಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನೆಂದಿರಯ್ಯಾ!!!

ಸುಖವಾದ ನಿದ್ದೆಯಿಂದ ನಾನೆದ್ದೆ! (ಸು)

-ಖವಿದೇ ಸದಾ ಇರಲೆನುತಿದ್ದೆ!
ವಾಸುದೇವನ ಲೈಕ್ಯವಾಗಿದ್ದಿದ್ಟೆ! (ಭೇ)
-ದ ವಿಲ್ಲದಾನಂದದಲಿ ನಾನಿದ್ದೆ!
ನಿಶ್ಚಲದ ನಿರ್ವಿಕಲ್ಪದಲಿದ್ದೆ! (ಎ)
-ದ್ದೆನಗೇನಾಗಬೇಕೆಂದಿರುತಿದ್ದೆ! (ಬಾ)
-ಯಿಂದಿದನಾಡಲರಿಯದಂತಿದ್ದೆ!
ದಶೇಂದ್ರಿಯ ಸಂಬಂಧವಿಲ್ಲದಿದ್ದೆ!
ನಾಳೆಗೇನೆಂದಳದೆ ಸುಮ್ಮನಿದ್ದೆ!
ನೆನಪುಗಳಿಲ್ಲದವನಾಗಿದ್ದೆ! (ಇ)
-ದ್ದೆ! ನಿರಂಜನಾದಿತ್ಯನಾಗೀಗೆದ್ದೆ!!!

ವಿಕಲ್ಪವಿಲ್ಲದಲ್ಲಿರುವ ಗುರುದೇವ!

ಕಲ್ಪನೆಯ ಪ್ರೀತಿ ಬೇಡಂಬ ಗುರುದೇವ! (ಅ)
-ಲ್ಪ ವೆಂಬುದಿಲ್ಲ ಭಕ್ತಿಗೆಂಬ ಗುರುದೇವ!
ವಿಶ್ವಾಸ ಅಚಲಬೇಕೆಂಬ ಗುರುದೇವ! (ಅ)
-ಲ್ಲ ಸಲ್ಲದಾಚಾರವೇಕೆಂಬ ಗುರುದೇವ!
ದರ್ಶನ ಪ್ರದರ್ಶನಲ್ಲೆಂಬ ಗುರುದೇವ (ಅ)
-ಲ್ಲಿಲ್ಲೆಲ್ಲೆಲ್ಲಿರುವೆ ನಾನೆಂಬ ಗುರುದೇವ! (ಕ)
-ರುವ ತಾಯಿ ಮರೆಯದೆಂಬ ಗುರುದೇವ!
ವರಿಸಿ ವಂಚಿಸದಿರೆಂಬ ಗುರುದೇವ!
ಗುರು ಪರಮೇಶ್ವರನೆಂಬ ಗುರುದೇವ! (ಅ)
ರುಹಿದನು ಶಿವನಿಂತೆಂಬ ಗುರುದೇವ!
ದೇಶ, ಕಾಲಾತೀತವನೆಂಬ ಗುರುದೇವ! (ಅ)
-ವ ನಿರಂಜನಾದಿತ್ಯನೆಂಬ ಗುರುದೇವ!!!

ವಿಜಯ ಶಾಂತಿಗೆ ಹಿತವಚನ

ಜರಾಜನ್ಮ ನಾಶಕ್ಕಾಗೀ ವಚನ! (ಭ)
-ಯ ಹರವಿದನುಭವ ವಚನ! (ಅ)
-ಶಾಂತಿಹರ ಗೀತಾಮೃತ ವಚನ! (ಅ)
-ತಿ ವಿಶಾಲಾಮೂಲ್ಯ ಪ್ರಿಯ ವಚನ! (ಬ)
-ಗೆವಗೆ ವಿಚಾರಾಗರ ವಚನ!
ಹಿರಿಯರನುಭವದ ವಚನ!
ತರಣಿ ಕಿರಣಾನಂದ ವಚನ!
ವರ ಬ್ರಹ್ಮಾನಂದಕಿದು ವಚನ!
ಚರಾಚರಾತ್ಮ ಶ್ರೀರಾಮ ವಚನ! (ಘ)
-ನ ನಿರಂಜನಾದಿತ್ಯನ ವಚನ!!!

ಮನೋಗತವ ನೀ ಬಲ್ಲೆ! (ಏ)

-ನೋಲ್ಲೆಂದರಾನೇನು ಬಲ್ಲೆ?
(ಏನೋ, ಒಲ್ಲೆ, ಎಂದರೆ, ಆನು, ಏನು)
ಗತಿ, ಸ್ಥಿತಿ ನೀನು ಬಲ್ಲೆ!
ತನಯ ನಾನೇನು ಬಲ್ಲೆ? (ಆ)
-ವರಿಸುತೆಲ್ಲಾ ನೀ ಬಲ್ಲೆ!
ನೀನಾಗದಾನೇನು ಬಲ್ಲೆ?
ಬಲವಿತ್ತರಾನೂ ಬಲ್ಲೆ! (ಎ)
-ಲ್ಲೆ ನಿರಂಜನಾದಿತ್ಯಲ್ಲೆ!!!

ಲೀಲಾಮೂರ್ತಿ ನಿರಂಜನಾದಿತ್ಯ!

ಲಾಭದಾಯಕ ನಿವನಾದಿತ್ಯ!
ಮೂಜಗದೊಡೆಯ ನೀತಾದಿತ್ಯ! (ವ)
-ರ್ತಿಪ ಸದಾನಂದದಿಂದಾದಿತ್ಯ!
ನಿತ್ಯ ಬ್ರಹ್ಮಾನಂದ ರೂಪಾದಿತ್ಯ!
ರಂಗನಾಥ, ಲೋಕನಾಥಾದಿತ್ಯ!
ಜಲಜಭವಾದಿ ವಂದ್ಯಾದಿತ್ಯ!
ನಾಮ, ರೂಪಕೆಲ್ಲಾಧಾರಾದಿತ್ಯ!
ದಿವ್ಯ ತೇಜೋರಾಶಿ, ಶಕ್ತಾದಿತ್ಯ! (ಆ)
-ತ್ಯಮೋಘನೀ ನಿರಂಜನಾದಿತ್ಯ!!!

ಮಾಯಾ ಕಟ್ಟಳೆ ಬಟ್ಟಲ ಬಾಳೂಟ!

ಯಾರಟ್ಟರೇನಿದರಲ್ಲೇ ಆ ಊಟ!
ಕಟ್ಟಳೆ ಬಟ್ಟಲಿಗಿಕ್ಕುವಾ ಊಟ! (ಅ)
-ಟ್ಟ ಹಾಸತ್ಯಾಚಾರಗಳ ಹಾಳೂಟ! (ಹ)
-ಳೆಯ, ಹಳಸಿದ, ಮೊಸ್ರನ್ನದೂಟ!
ಬಳಲಾಟ ಹೊಟ್ಟೆಯುಬ್ಬರದೂಟ! (ಅ)
-ಟ್ಟ ಮಾಯೆಗಿದೊಂದು ವಿಹಾರದೂಟ!
ಲಕ್ಷ್ಯ ಮನ ಮರೆತುಂಬುವ ಊಟ!
ಬಾಯಿ, ಕೈಗಳ ಪ್ರದರ್ಶನದೂಟ! (ಹಾ)
-ಳೂಟ, ಗೋಳೂಟ, ಕಟ್ಟಳೆ ಬಾಳೂಟ! (ಊ)
-ಟ, ನಿರಂಜನಾದಿತ್ಯಗಿದೊಂದಾಟ!!!

ಸಂಚಾರ ವಿಚಾರಕ್ಕಾಗಿ ಕೂತಿಲ್ಲವಯ್ಯಾ! [ಆ]

-ಚಾರನುಷ್ಠಾನಕ್ಕಾಗೀಗಿಲ್ಲಿರುವುದಯ್ಯಾ! (ವ)
-ರ ಗುರುವಿಗೆ ಕಾಶೀಯಾತ್ರೆ ಬೇಕೇನಯ್ಯಾ?
ವಿವೇಕದಿಂದೀಗಿನ ಕೆಲಸ ಮಾಡಯ್ಯಾ!
ಚಾಪೆ ಹಾಸಿರುವುದಾಯಾಸ ಶಾಂತಿಗಯ್ಯಾ!
ರಮಿಸಲಿ ಮನಸು ಸನ್ನಿಧಿಯಲಯ್ಯಾ! (ವಾ)
-ಕ್ಕಾಯ, ಮನಸೊಂದಾಗಿ ಧ್ಯಾನನಿಸುತ್ತಿರಯ್ಯಾ! (ಆ)
-ಗಿನ, ಮುಂದಿನದು ಯೋಚಿಸಬಾರದಯ್ಯಾ!
ಕೂಲಿ ಸಿಗದಶ್ರದ್ಧೆ ಕೆಲಸಕಯ್ಯಾ!
ತಿಳಿದಿದನು ಬುದ್ಧಿವಂತನಾಗಿರಯ್ಯಾ! (ಎ)
-ಲ್ಲರನು ಮೆಚ್ಚಿಪ ಹುಚ್ಚುತನ ಸಾಕಯ್ಯಾ!
ವರಮೂಲ್ಯ ಕಾಲ ವ್ಯರ್ಥ ಮಾಡಬೇಡಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನ ನೋಡಿ ಬಾಳಯ್ಯಾ!!!

ನನ್ನನ್ನು ದೇವರೆನಿಸಿದ ಶಕ್ತಿ ನಿಮ್ಮದಮ್ಮಯ್ಯಾ! [ಅ]

-ನ್ನವಿಕ್ಕಿ, ಪೂಜಿಸಿ ದೇವತ್ವವಿತ್ತವರ್ನೀವಮ್ಮಯ್ಯಾ! (ಸ)
-ನ್ನುತಾಂಗ ಶ್ರೀರಂಗನೆಂದು ಭಜಿಪವರ್ನೀವಮ್ಮಯ್ಯಾ!
ದೇವನಾಗಿ ಶೋಭಿಪುದು ನಿಮ್ಮ ಭಕ್ತಿಯಿಂದಮ್ಮಯ್ಯಾ!
ವರ ಮಹಾಮಹಿಮೆ ನಿಮ್ಮ ಜಪದಿಂದಲಮ್ಮಯ್ಯಾ! (ಆ)
-ರೆನಗಾಪ್ತರಿಹರು ನಿಮ್ಮಿಂದಧಿಕ ಹೇಳಮ್ಮಯ್ಯಾ!
ನಿಶಿದಿನ ನಿಮಗಾಗಿಹುದೆನ್ನ ಚಿಂತೆಯಮ್ಮಯ್ಯಾ!
ಸಿರಿತನದಾಸೆ ನಿಮ್ಮಲ್ಲಿಲ್ಲದಾಗಿಹುದಮ್ಮಯ್ಯಾ!
ದತ್ತನೆಂದರೆ ನಿಮ್ಮ ಪಂಚಪ್ರಾಣನೆಂಬಿರಮ್ಮಯ್ಯ!
ಶರಣ ಭಾವ ನಿಮ್ಮದತಿಶ್ಲಾಘನೀಯವಮ್ಮಯ್ಯಾ! (ಭ)
-ಕ್ತಿಯಲಿ ಕುಯುಕ್ತಿ ಬೆರೆಸುವವರ್ನೀವಲ್ಲಮ್ಮಯ್ಯಾ!
ನಿಮ್ಮ ಗುರುಭಕ್ತಿಯಿಂದ ನೀವೆಲ್ಲಾ ಪೂಜ್ಯರಮ್ಮಯ್ಯಾ! (ಅ)
-ಮ್ಮಯ್ಯಾ! ನಿಮ್ಮ ನರಜನ್ಮ ಪಾವನವಾಯಿತಮ್ಮಯ್ಯಾ!
ದರ್ಶನ ಮಾತ್ರದಿಂದೆಲ್ಲಾ ಕಷ್ಟ ಪರಿಹಾರಮ್ಮಯ್ಯಾ! (ಅ)
-ಮ್ಮಯಾ



! ಎಲ್ಲೆಲ್ಲೂ ನಿಮ್ಮಂಥವರಿರಲಮ್ಮಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಕೃಪೆಯ ಪಾರವಮ್ಮಯ್ಯಾ!!!

ದೇವರ ನೋಡಲಿ ಕ್ಯಾವಾಶ್ರಮವಾದರೇನಯ್ಯಾ?

ವರ ಸನ್ಯಾಸಾಶ್ರಮವೇ ಬೇಕೆಂದಿಲ್ಲ ತಮ್ಮಯ್ಯಾ!
ರಘುವರನುರುತರ ಭಕ್ತಿ ಪ್ರಾಮುಖ್ಯವಯ್ಯಾ!
ನೋಟ, ಕೂಟ ಜಂಝೂಟವೆಲ್ಲಾ ಮನಸಿನದಯ್ಯಾ!
ಡಮರುಧರ ಶಿವನದಾವಾಶ್ರಮ ಹೇಳಯ್ಯಾ!
ಲಿಪ್ತನಾಗಿರದಿದ್ದರೆ ಮಾಯೆಗದೇ ಸಾಕಯ್ಯಾ! (ಯಾ)
-ಕ್ಯಾತುರವಾಗಿ ಬಟ್ಟೆ ಬದಲಾಯಿಸಬೇಕಯ್ಯಾ?
ವಾದ, ಭೇದ ಬಿಟ್ಟು ಗುರುಶಿವನ ಭಜಿಸಯ್ಯಾ!
ಶ್ರಮ ನಿವಾರಣೆ ಮನಸನ್ಯಾಸಿಯಾದರಯ್ಯಾ!
ಮದ, ಮತ್ಸರಾದ್ಯರಿಗಳನು ನೀನು ಗೆಲ್ಲಯ್ಯಾ (ಯಾ)
-ವಾಗಲೂ ವಿಷಯೇಂದ್ರಿಯಗಳಿಂದ ಬೇರಿರಯ್ಯಾ!
ದತ್ತ ದಿಗಂಬರಗಾರು ಸನ್ಯಾಸ ವಿತ್ತರಯ್ಯಾ? (ಯಾ)
-ರೇನಿತ್ತರೂ ಶ್ರದ್ಧಾ, ಭಕ್ತಿ ನಿನಗಿರಬೇಕಯ್ಯಾ!
ನರ, ನಾರಿಯರೆಲ್ಲರಿಗೂ ಇದನ್ವಯವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಗೆಲ್ಲಾಶ್ರಮ ಪ್ರಿಯವಯ್ಯಾ!!!

ಆರು ತಿಂಗಳ ಮಾತು ಈಗೇತಕಯ್ಯಾ? (ಆ)

-ರು ಅರಿವರಾಗೇನಾಗುವುದೆಂದಯ್ಯಾ?
ತಿಂದರೀಗೀಗಿನ ಹಸಿವೆ ಶಾಂತಯ್ಯಾ! (ಆ)
ಗಣೌತಣದ ಪುರಾಣವೀಗೇಕಯ್ಯಾ? (ಅ)
-ಳವಡಿಸಿಕೊಳ್ಳೀಗಿನ ಬಾಳನಯ್ಯಾ!
ಮಾಡೀಗಿಂದ ಶ್ರೀಗುರು ಸೇವೆಯನಯ್ಯಾ!
ತುರೀಯ ಸ್ಥಿತಿ ಬಂದಾಗ ಬರಲಯ್ಯಾ!
ಈರ್ಷ್ಯಾಸೂಯೆ ಮೊದಲೀಗ ಹೋಗಲಯ್ಯಾ!
ಗೇಣು ಹೊಟ್ಟೆ ಬಟ್ಟೆಗಾಗಿದೇತಕಯ್ಯಾ!
ತತ್ವಚಿಂತನೆ ಮಾಡದಿರಬೇಡಯ್ಯಾ!
ಕಷ್ಟ ನಷ್ಟಗಳಿಗಳಬಾರದಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಳುವನೇನಯ್ಯಾ!!!

‘ಸತ್ಯ’ದಿ ನೆಲಸಲದೇ ಮೋಕ್ಷವಯ್ಯಾ! (ಅ)

-ತ್ಯಮೂಲ್ಯವಾದಿದುವೇ ಆ ಬ್ರಹ್ಮವಯ್ಯಾ!
ದಿನ, ನಿಶಿ ಜಗವೆಲ್ಲಾ ಅದೇ ಅಯ್ಯಾ!
ನೆನೆ! “ನಾ” “ನೀ” ಅದರಲಡಕವಯ್ಯಾ! (ಮ)
-ಲರಹಿತವಾಗಲು ದ್ವೈತವಿಲ್ಲಯ್ಯಾ!
ಸಕಲಕೂ ‘ನಾ’ ಆಧಾರವಲ್ಲೇನಯ್ಯಾ!
ಲಕ್ಷ್ಯ ‘ನಾ’ ಆಗೆ ಮಾಯೆ ಅಲಕ್ಷ್ಯವಯ್ಯಾ!
ದೇಶ, ಕಾಲ ಆದಿದೆಂಬುದಿಲ್ಲವಯ್ಯಾ!
“ಮೋಕ್ಷ” ವೃತ್ತಿ ಮನಕಿಲ್ಲದಾದಾಗಯ್ಯಾ! (ಅ)
-ಕ್ಷಯಾತ್ಮನೇ ನಾನೂ, ನೀನೂ ಎಲ್ಲವಯ್ಯಾ!]
ವರ ವಿಶ್ವೇಶ್ವರನವ ಸಾಕ್ಷಿ ಅಯ್ಯಾ! (ಅ)
ಯ್ಯಾ! ನಿರಂಜನಾದಿತ್ಯ ದತ್ತ ತಾನಯ್ಯ!!!

ಶಿವರಾತ್ರಿ ಒಳಗಿನ ಮಾತೇನಯ್ಯಾ?

ವರಗುರು ಶಿವನಾದರ್ಶವಿಂದಯ್ಯಾ!
ರಾಕ್ಷಸೀ ವಿಷ ಕುಡಿದನವನಯ್ಯಾ!
ತ್ರಿಶೂಲಿ ಲೋಕೋದ್ಧಾರಕಾರಕನಯ್ಯಾ!
ಒರಟಾಟ ಇವನಿಗೆ ಆಗದಯ್ಯಾ! (ಆ)
-ಳವಿವನದರಿಯಲಸಾಧ್ಯವಯ್ಯಾ!
ಗಿರಿಜಾರಮಣ ಸದಾಶಿವನಯ್ಯಾ!
ನಲಿಸಲಿವನ ಭಜಿಸಿರಯ್ಯಾ!
ಮಾಯಾಧೀಶ, ಶಿವ, ಯೋಗಿರಾಜನಯ್ಯಾ!
ತೇಜೋಮಯ ಊರ್ಧ್ವರೇತನಿವನಯ್ಯಾ!
ನಡೆ, ನುಡಿ, ಭಾವ ಭಕ್ತಿ ಪ್ರಿಯನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾತನೆಂಬೆನಯ್ಯಾ!!!

ಮಾತಾ, ಪಿತರು ಪ್ರತ್ಯಕ್ಷ ದೇವರಪ್ಪಾ!

ತಾವುಣದೇ ಮಕ್ಕಳಿಗಿಕ್ಕುವರಪ್ಪಾ! (ಪಾ)
-ಪಿಗಳಾದರೂ ಪ್ರೀತಿಸುತಿಹರಪ್ಪಾ!
ತಪ್ಪಿ ನಡೆದರೂ ಕ್ಷಮಿಸುವರಪ್ಪಾ! (ಕ)
-ರುಣೆಯವರದಪಾರವಾದುದಪ್ಪಾ!
ಪ್ರತಿ ಮಾತವರಿಗಾಡ ಬಾರದಪ್ಪಾ! (ಅ)
-ತ್ಯಗತ್ಯ ಅವರ ಆಶೀರ್ವಾದವಪ್ಪಾ! (ಅ)
-ಕ್ಷರಶಾ ಪಾಲಿಸವರ ಮಾತನಪ್ಪಾ! (ಅ)
-ದೇ ಮಕ್ಕಳೇಳಿಗೆಗೆ ಆಧಾರವಪ್ಪಾ! (ಅ)
-ವರಿವರ ಮಾತಿನಂತಿರ ಬೇಡಪ್ಪಾ! (ಅ)
-ರಸನಾದರೂ ತಾಯಿಗೆ ಮಗನಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯ ಪುತ್ರರತ್ನಪ್ಪಾ!!!

ಬೆಳಕಾಗುತಿದೆದ್ದು ನೋಡು! (ಒ)

-ಳಗಿನ ಮುಸ್ರೆ ಶುದ್ಧ ಮಾಡು!
ಕಾಲು, ಕೈ, ತೊಳೆದು ಬಂದಾಡು!
ಗುರು ಗುಣಗಾನವ ಹಾಡು!
ತಿಥಿ, ವಾರವೇಕೀಗ ಕೂಡು!
ದೆವ್ವ ಓಡುತಲಿದೆ ನೋಡು! (ಉ)
-ದ್ದುರುಟು ಮಾತು ಸಾಕು ಮಾಡು!
ನೋಡಿ, ಕೂಡಿ, ಸಂತೋಷಪಡು! (ಇ)
-ಡು, ನಿರಂಜನಾದಿತ್ಯಗೀಡು!!!

ಎಲ್ಲಾ ನನ್ನಿಂದ ನೀನಾಗು ನನ್ನಂದ! (ಸ)

ಲ್ಲಾಪವಿನ್ನೇತಕೆನುತಾಗು ನನ್ನಂದ!
ನಡೆ ನನ್ನಂತಾಗುತಾಗು ನನ್ನಂದ! (ನ)
-ನ್ನಿಂದನ್ಯ ನೆನೆಯದಾಗು ನನ್ನಂದ! (ಅ)
-ದಕಾಸೆಗಳ ಬಿಟ್ಟಾಗು ನನ್ನಂದ!
ನೀರುಗುಳ್ಳೆ ಬಾಳೆಂದಾಗು ನನ್ನಂದ!
ನಾಮ, ರೂಪ ಸಾಕೆಂದಾಗು ನನ್ನಂದ!
ಗುರು ಶಿಷ್ಯರೊಂದೆಂದಾಗು ನನ್ನಂದ! (ಅ)
-ನಧಿಕಾರಿಯಲ್ಲೆಂದಾಗು ನನ್ನಂದ! (ನ)
-ನ್ನಂದ, ನಿನ್ನಂದವೆಂದಾಗು ನನ್ನಂದ! (ಆ)
-ದರ್ಶ, ನಿರಂಜನಾದಿತ್ಯ ನನ್ನಂದ!!!

ನಿರಂಜನಾದಿತ್ಯನಾಪದ್ಬಂದು!

ರಂಗನಾಥ ಸಾಕ್ಷಿ ಇದಕಿಂದು!
ಜನ ಭರ್ತಿ ಗಾಡಿ ಬಂತಿದೊಂದು!
ನಾಮ ಸ್ಮರಿಸುತ್ತಿದ್ದೊಬ್ಬನೊಂದು!
ದಿಟ್ಟಿಸೆ ಚಕ್ರ ಉರುಳಿತ್ತೊಂದು! (ಅ)
-ತ್ಯತಿಶಯ ಕಂಡರೆಲ್ಲರಿಂದು!
ನಾಶವಾಗುವುದು ತಪ್ಪಿತೆಂದು!
ಪರವಶನಾಗಿ ಬಂದನಿಂದು! (ಸ)
-ದ್ಬಂಧ ಸದಾ ಇರಲೆಂದಾ ಬಂಧು! (ಸಾ/ಬಂ)
-ದು, ನಿರಂಜನಾದಿತ್ಯಾಪದ್ಬಂಧು!!!

ಅಂಬರಾ! ಹೇ! ದಿಗಂಬರಾ! (ದಿವ್ಯಾಂ)

-ಬರಾ ಗುರು ದಿಗಂಬರಾ!!
ರಾತ್ರಿ ದಿನ ಏಕಾಂಬರಾ!!
ಹೇತು ನಾಥ ವಿಶ್ವಂಭರಾ!! (ಆ)
-ದಿ, ಮಧ್ಯ, ಅಂತ್ಯ ವಿದೂರಾ!
ಗಂಗಾ ಜಲಧಾರಾಪಾರಾ!!
ಬಹು ಬಲ, ಧೀರಾ, ವೀರಾ (ಆ)
-ರಾ ನಿರಂಜನಾಂಗಾಂಗಾರಾ!!!

ಅಮ್ಮಯ್ಯ! ಚಿರಕಾಲ ಬಾಳು ತಮ್ಮಯ್ಯಾ!

(ಅ)-ಮ್ಮ, ಅಪ್ಪ, ನರಹರಿ ಗುರು ತಮ್ಮಯ್ಯಾ!
(ಅ)-ಯ್ಯಾ! ಭಜಿಸವನ ಸತತ ತಮ್ಮಯ್ಯಾ!
ಚಿತೆಗೊಡ್ಡುವೀದೇಹನಿತ್ಯ ತಮ್ಮಯ್ಯಾ!
ರಕ್ತಬಲವೆಲ್ಲಾ ಕ್ಷಣಿಕ ತಮ್ಮಯ್ಯಾ!
ಕಾಲಚಕ್ರ ತಿರುಗುತಿದೆ ತಮ್ಮಯ್ಯಾ!
(ಅ)-ಲಕ್ಷ್ಯ ಮಾಡಬೇಡೊಡೆಯನ ತಮ್ಮಯ್ಯಾ!
ಬಾರಿ ಬಾರಿಗವಗೆ ಬಾಗು ತಮ್ಮಯ್ಯಾ!
(ಆ)-ಳು, ಕಾಳು ಮಾತ್ರವೇ ಬಾಳಲ್ಲ ತಮ್ಮಯ್ಯಾ!
ತನ್ನಂತೆ ಎಲ್ಲರನು ನೋಡು ತಮ್ಮಯ್ಯಾ!
(ಸ)-ಮ್ಮತವಿತ್ತು ಸರಿಯಬೇಡ ತಮ್ಮಯ್ಯಾ!
(ಅ)-ಯ್ಯಾ! ನಿರಂಜನಾದಿತ್ಯಮ್ಮಯ್ಯ ತಮ್ಮಯ್ಯಾ

ಅಕ್ಕಯ್ಯಾ ಸಕ್ಕರೆಯಾಗಿರಕ್ಕಯ್ಯಾ (ಅ)

-ಕ್ಕ ಪಕ್ಕಕೆ ಚೊಕ್ಕವಾಗಿರಕ್ಕಯ್ಯಾ! (ಕೈ)
-ಯ್ಯಾರೆ ಸೇವೆಯಾಗುತಿರಲಕ್ಕಯ್ಯಾ!
ಸತ್ಯವಂತರ ಸಂಘ ಮಾಡಕ್ಕಯ್ಯಾ! (ಅ)
ಕ್ಕರೆಯಲಾತ್ಮಭಾವ ಬೇಕಕ್ಕಯ್ಯಾ (ಕ)
-ರೆಯದೆಲ್ಲೂ ಹೋಗಬಾರದಕ್ಕಯ್ಯಾ!
ಯಾವುದೂ ಅಪ್ಪನೊಪ್ಪಿದರಕ್ಕಯ್ಯಾ! (ರಾ)
-ಗಿ ಗೋಧಿ ಹಸನಾಗಬೇಕಕ್ಕಯ್ಯಾ!
ರಗಳೆ ಮಾಡದಿರಬೇಕಕ್ಕಯ್ಯಾ! (ಸ)
-ಕ್ಕರೆರುಚಿ ನಾಮಜಪಕಕ್ಕಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ನಿನ್ನಕ್ಕಯ್ಯಾ!!!

ಅಣ್ಣಯ್ಯಾ! ಸದ್ಗುಣಿಯಾಗಣ್ಣಯ್ಯಾ! (ಅ)

-ಣ್ಣಗೆ ಸಣ್ಣತನ ಬೇಡಣ್ಣಯ್ಯಾ! (ಆ)
-ಯ್ಯಾ! ಕರ್ತವ್ಯನಿಷ್ಠನಾಗಣ್ಣಯ್ಯಾ!
ಸರಳ ಸ್ವಭಾವಿಯಾಗಣ್ಣಯ್ಯಾ (ಸ)
-ದ್ಗುಣದಿಂದೆಲ್ಲಾ ಜಯವಣ್ಣಯ್ಯಾ! (ಮ)
-ಣಿಯಬೇಕು ಶ್ರೀಪಾದಕ್ಕಣ್ಣಯ್ಯಾ!
ಯಾರಲ್ಲೂ ವಿರೋಧ ಬೇಡಣ್ಣಯ್ಯಾ
ಗಗನಮಣಿಯಾದರ್ಶಣ್ಣಯ್ಯಾ! (ಬ)
ಣ್ಣ ಬಣ್ಣದುಡುಪು ಬೇಡಣ್ಣಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಅಣ್ಣಯ್ಯಾ!!!

ಒಂದಾಗಿರಬೇಕಕ್ಕಮ್ಮಪ್ಪಣ್ಣಂದಿರೆಲ್ಲಾ! [ಆ]

-ದಾಯ, ನಷ್ಟಕ್ಕೆ ಸಮಭಾಗಿಗಳಾಗ್ಯೆಲ್ಲಾ!
ಗಿಡುಗನಂತೆ ಕಿತ್ತು ತಿನ್ನಬೇಡಿರೆಲ್ಲಾ!
ರಘುಪತಿ ರಾಘವನ ಭಜಿಸಿರೆಲ್ಲಾ!
ಬೇಸರ ಹೋಗ್ವುದಿದರಿಂದರಿಯಿರೆಲ್ಲಾ!
ಕಥೆ ಹೇಳಿ, ಕೇಳಿ ಹರಟದಿರಿ ಎಲ್ಲಾ! (ಕ)
-ಕ್ಕಸದ ಸಂಸಾರ ಯಾರಿಗೂ ಸುಖವಿಲ್ಲಾ! (ಒ)
-ಮ್ಮತದಿಂದ ಭಕ್ತಿ ಸೇವೆ ಮಾಡಬೇಕೆಲ್ಲಾ! (ಆ)
-ಪ್ಪನಾಸ್ತಿಗೆ ಅಧಿಕಾರಿಗಳಾಗಿರೆಲ್ಲಾ! (ಹ)
-ಣ್ಣಂಗಳಕ್ಕೆಸೆದು ಸಿಪ್ಪೇಕುಣ್ಣುವಿರೆಲ್ಲಾ?
ದಿನ, ರಾತ್ರಿ ಹೀಗಾಗಿ ಬಾಳು ಹಾಳಾಯ್ತಲ್ಲಾ! (ಕ)
-ರೆದಿಕ್ಕಿದರೂ ಉಣ್ಣದೆ ಗುದ್ದಾಟವಲ್ಲಾ! (ಬ)
-ಲ್ಲಾ, ನಿರಂಜನಾದಿತ್ಯನಲೈಕ್ಯರಾಗೆಲ್ಲಾ!!!

ನಾನೆಲ್ಲರ ಅಡಿಗೆಯವನಮ್ಮಾ!

ನೆನೆದಲ್ಲಿ ಸದಾ ಇರುವೆನಮ್ಮಾ! (ಒ)
-ಲ್ಲದರುಚಿಯೂಟವಿಕ್ಕೆ ನಾನಮ್ಮಾ! (ಆ)
-ರ ಸಂಭಾವನೆಯೂ ಬೇಡೆನಗಮ್ಮಾ!
ಅಹಂಕಾರಕಾಳು ನಾನಾಗಿಲ್ಲಮ್ಮಾ (ಅ)
-ಡಿಗಡಿಗಾರೂ ಹೇಳಬೇಕಿಲ್ಲಮ್ಮಾ (ಬ)
-ಗೆ ಬಗೆ ಭಕ್ಷ್ಯದೇಕರಸಾನ್ನಮ್ಮಾ! (ಬಾ)
-ಯ ಮುಚ್ಚಿ ತಿಂದರತಿಹಿತವಮ್ಮಾ!
ವರ ಗುರುದತ್ತನೆನ್ನೊಳಗಮ್ಮಾ! (ಅ)
-ನವರತೆಲ್ಲರಿಗೆನ್ನೂಟವಮ್ಮಾ! (ಅ)
-ಮ್ಮಾ! ಪಾಚಕ ನಿರಂಜನಾದಿತ್ಯಮ್ಮಾ!!!

ಮನಸಿನ ಹಂಬಲ ಕುತೂಹಲ!

ನರೇಶ್ವರಗೆ ಕೀರ್ತಿ ಕುತೂಹಲ! (ಹ)
-ಸಿವೆಗನ್ನ ಕಾಣುವ ಕುತೂಹಲ!
ನನ್ನನರಿಯಲೆನ್ನ ಕುತೂಹಲ!
ಹಂಗೇಕೆಂದರಿಯುವ ಕುತೂಹಲ!
ಬಲವದೆಂತೆಂದೆಂಬ ಕುತೂಹಲ! (ನ)
-ಲವಿಂದಪ್ಪುದೆಂತೆಂಬ ಕುತೂಹಲ!
ಕುಲಧರ್ಮವರಿವ ಕುತೂಹಲ!
ತೂರಿ, ಹರಿಯಲಿದೆ ಕುತೂಹಲ!
ಹರಿ, ಹರರೆಲ್ಲೆಂಬ ಕುತೂಹಲ! (ಬಾ)
-ಲ, ನಿರಂಜನಾದಿತ್ಯ ಕುತೂಹಲ!!!

ಏನಾಡಿದರೇನು ಫಲವಯ್ಯಾ?

ನಾನಾಡಿದರದಾಗಬೇಕಯ್ಯಾ (ಆ)
-ಡಿ ವ್ಯರ್ಥವಾದರೆ ಏನಾಯ್ತಯ್ಯಾ? (ಅ)
-ದಕಾಗಿರುವೆನು ಸುಮ್ಮನಯ್ಯಾ!
ರೇಶ್ಮೆ ಬಟ್ಟೆಯುಟ್ಟರಾಯ್ತೇನಯ್ಯಾ? (ಅ)
-ನುದಿನಾತ್ಮ ಚಿಂತನೆ ಮಾಡಯ್ಯಾ!
ಫಲವಿದಕೆ ನಿತ್ಯಾನಂದಯ್ಯಾ! (ಮ)
-ಲ ಮನದಿಂದ ಹೋಗಬೇಕಯ್ಯಾ!
ವರಗುರುಕೃಪಾಶ್ರಯವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಸಾಕ್ಷ್ಯಯಾ



!!!

ಬಡವನ ಗೊಡವೆ ಒಡೆಯನದಪ್ಪಾ! (ಆ)

-ಡದೇ ಅವನ ರಕ್ಷಣೆ ಮಾಡುವನಪ್ಪಾ!
ವಸುಧೇಶನ ರೀತಿ ವಿಚಿತ್ರ ಕಾಣಪ್ಪಾ!
ನಡೆವುದೆಲ್ಲಾವನಿಷ್ಟದಂತೆ ನೋಡಪ್ಪಾ!
ಗೊಡ್ಡಾಕಳಾದರೂ ಹಾಲು ಕೊಡುವುದಪ್ಪಾ! (ಮ)
-ಡದಿ, ಮಕ್ಕಳ ವ್ಯಾಮೋಹವನಿಗಿಲ್ಲಪ್ಪಾ!
ವೆಗ್ಗಳದ ಭೋಗ, ಭಾಗ್ಯ ಬೇಡೆಂಬನಪ್ಪಾ!
ಒದ್ದಾಡಬೇಡಿದರಲೆಂಬನವನಪ್ಪಾ! (ನ)
-ಡೆಯ ಬೇಡಿ ಮುಳ್ಳುದಾರಿಯಲೆಂಬನಪ್ಪಾ! (ಸಾ)
-ಯದಾತ್ಮ ಸ್ಥಿತಿಗೇರಬೇಕೆನ್ನುವನಪ್ಪಾ!
ನರಹರಿಯ ಭಜನೆ ಮಾಡಿರೆಂಬನಪ್ಪಾ!
ದತ್ತನಿದರಿಂದ ತೃಪ್ತನಾಗುವನಪ್ಪಾ! (ಅ)
-ಪ್ಪಾ ನಿರಂಜನಾದಿತ್ಯನೇ ಒಡೆಯನಪ್ಪಾ!!!

ಭಜನವಾಹಿನೀ ಸ್ನಾನ ಪಾನಾರೋಗ್ಯ!

ಜನ್ಮಾಂತರದ ಪಾಪ ಹರಿದಾರೋಗ್ಯ!
ನರಳುವ ಘೋರ ಭವರೋಗಾರೋಗ್ಯ!
ವಾಸುದೇವ ಪಾದತೀರ್ಥವಿದಾರೋಗ್ಯ!
ಹಿತವಿದೆಲ್ಲಾ ಬಾಲ, ವೃದ್ಧಾರೋಗ್ಯ!
ನೀಚ, ಉಚ್ಚ ಭೇದವಿಲ್ಲದೆಲ್ಲಾರೋಗ್ಯ!
ಸ್ನಾನ, ಪಾನವಿದೆಲ್ಲಾಕಾಲಕ್ಕಾರೋಗ್ಯ!
ನರಹರಿ ಪ್ರಿಯ ಪ್ರಹ್ಲಾದನಾರೋಗ್ಯ!
ಪಾನಗೈದ ಧ್ರುವ ಚಿರಾಯುರಾರೋಗ್ಯ!
ನಾರದ ಸದಾ ಮುಳುಗಿದ್ದು ಆರೋಗ್ಯ!
ರೋಗಹರ, ಯೋಗಕರ ವಿದಾರೋಗ್ಯ (ಭಾ)
-ಗ್ಯ ನಿರಂಜನಾದಿತ್ಯಗಿದೇ ಆರೋಗ್ಯ!!!

ಜಯ ಭಾರತ ಕೊಟ್ಟ ಬಾಹು ಬಲ! (ನ)

-ಯ, ವಿನಯದಿಂದ ತುಂಬಿದ ಬಲ!
ಭಾಗ್ಯವಿದು ಭೂಮಂಡಲಕೆ ಬಲ! (ಅ)
-ರಸಿ ಬಂದನುಗ್ರಹಿಸುವ ಬಲ! (ಮ)
-ತ ಸರ್ವ ಸಮನ್ವಯಕೆಂಬ ಬಲ!
ಕೊಟ್ಟುದನಿಟ್ಟುಕೊಂಬುದೆಲ್ಲಾ ಬಲ! (ಅ)
-ಟ್ಟಹಾಸವಿಲ್ಲದಿಷ್ಟ ಭಾವ ಬಲ!
ಬಾಲಕ ಜಗಕೆ ನಾನೆಂಬ ಬಲ!
ಹುಸಿ, ಮೋಸವಿಲ್ಲದಮಲ ಬಲ!
ಬಲ ಮಹಾಬಲ ಶ್ರೀಗುರು ಬಲ! (ಬಾ)
-ಲ ನಿರಂಜನಾದಿತ್ಯ ಸರ್ವಬಲ!!!

ಪ್ರಸಾದ ಲಾಭದ ದಿನ ಸುದಿನ!

ಸಾದರ ಪೂರ್ಣವಾದಿದಾಸುದಿನ!
ದಯಾಮಯನಾನಂದದಾ ಸುದಿನ! (ಬ)
-ಲಾ ಬಲ, ತಾರಾಬಲದಾ ಸುದಿನ!
ಭಜನೆ ಭಾವಾವೇಶದಾ ಸುದಿನ! (ಅ)
-ದನಿರೀಕ್ಷಿತವಾದುದಾ ಸುದಿನ!
ದಿನ ರಾತ್ರಿ ಬೇಕೆಂಬುದಾ ಸುದಿನ! (ಜ)
-ನ ಗಣಕ ಮಂಗಳದಾ ಸುದಿನ!
ಸುದಿನ ಆದಿನ ಸದಾ ಸುದಿನ! (ನ)
-ದಿಯಾಗಿ ಹರಿಯಲಿದಾ ಸುದಿನ! (ಘ)
-ನ ನಿರಂಜನಾದಿತ್ಯೆಂದಾ ಸುದಿನ!!!

ಕಲಸನ್ನ ಪ್ರೇಮಿಗೆ ಕ್ಷೀರಾನ್ನ ರುಚಿಸದಯ್ಯಾ! (ಅ)

-ಲಸಗಾರಗೆ ಕೆಲಸ ಹಿಡಿಸುವುದೇನಯ್ಯಾ!
ಸತತ ಸಂಸಾರ ಸುಖಕಾಗಿ ಒದ್ದಾಟವಯ್ಯಾ! (ಅ)
ನ್ನ, ಬಟ್ಟೆ, ಆಟ, ನೋಟ ಜೀವನವಾಗಿಹುದಯ್ಯಾ!
ಪ್ರೇಮವೆಲ್ಲಾ ವಿಷಯ ಸುಖಕೆ ಆಗಿಹುದಯ್ಯಾ!
ಮಿಗಿಲೆನಿಪ ಆತ್ಮಸುಖ ಮರೆತಿಹರಯ್ಯಾ!
ಗೆಜ್ಜೆ ಕಟ್ಟ ನಾಟ್ಯವಾಡುವುದೊಂದಭ್ಯಾಸವಯ್ಯಾ!
ಕ್ಷೀರಾಬ್ಧಿವಾಸನೊಲಿಮೆಗಾದರದಿರಲಯ್ಯಾ!
ರಾತ್ರಿ, ಹಗಲು ಹರಿನಾಮ ಹಾಡಿ ಕುಣಿಯಯ್ಯಾ! (ಅ)
-ನ್ನಲಾಗದಿದನು ವ್ಯರ್ಥ ಕಾಲಕ್ಷೇಪವೆಂದಯ್ಯಾ!
-ರುಚಿಯರಿತರೆ ಸಾಯುಜ್ಯ ಸಿದ್ಧಿಸುವುದಯ್ಯಾ!
ಚಿಗುರು ಗರಿಕೆ ಸವಿ ಚಿಗರೆ ಬಲ್ಲುದಯ್ಯಾ!
ಸಟೆಗಾರನಿಗೆ ದಿಟ ರುಚಿಸಲಾರದಯ್ಯಾ!
ದರ್ಶನ ಮಹಾಪ್ರಸಾದವೆಂದಾರು ಬಲ್ಲರಯ್ಯಾ? (ಅ)
-ಯ್ಯಾ! ನಿರಂಜನಾದಿತ್ಯೆಲ್ಲವ ಬಲ್ಲನಯ್ಯಾ!!!

ತರುವವರೂ ನೀವೇ ಹೊರುವವರೂ ನೀವೇ! (ತಿ)

-ರುಮಲೇಶನ ಲೀಲೆ ಎನ್ನುವವರೂ ನೀವೇ! (ಭಾ)
-ವ ಭಕ್ತಿ ಬಹುಕಾಲದಿಂದ ತುಂಬಿದ್ದೂ ನೀವೇ! (ಭಾ)
-ವವದೇ ಮಹಿಮೆಯಾದುದ ಕಂಡದ್ದೂ ನೀವೇ! (ಆ)
-ರೂ, ಬೇರೆಯಾರೂ ಕಾರಣರಲ್ಲ? ಎಲ್ಲಾ ನೀವೇ!
ನೀಡುವವರೂ ನೀವೇ ಬೇಡುವವರೂ ನೀವೇ!
ವೇಷ, ಭಾಷೆಗಳು ಹೇಗಿದ್ದರೇನೆಲ್ಲಾ ನೀವೇ!
ಹೊಸ ಹೊಸ ಯೋಜನೆಗಳ ಮಾಳ್ಪುದೂ ನೀವೇ! (ಉ)
-ರು ಪ್ರಯೋಜನ ಹೊಂದಿ ಕುಣಿದವರೂ ನೀವೇ! (ಭಾ)
-ವ ಸಾಗರದಲ್ಲಿ ಬಿದ್ದೊದ್ದಾಡ್ವವರೂ ನೀವೇ!
ವರ ಗುರುಕೃಪಾ ಭಿಕ್ಷೆಕೇಳ್ವವರೂ ನೀವೇ! (ಆ)
-ರೂಢರಾಗಿ ನಿತ್ಯಾನಂದದಲ್ಲಿಪ್ಪುದೂ ನೀವೇ!
‘ನೀ’ ‘ನಾ’ ನೊಂದಾದ ವಿಶಾಲ ವಿಶ್ವವೆಲ್ಲಾ ನೀವೇ!
ವೇದ ವೇದ್ಯ ನಿರಂಜನಾದಿತ್ಯ ಗುರು ನೀವೇ!!!

ದೇವರಿಗೆ ಶರಣಾಗದಿನ್ಯಾರಿಗಮ್ಮಾ? [ಅ]

-ವರಿವರ ಬಾಗಿಲ ಹಂಬಲವೇಕಮ್ಮಾ? (ಆ)
-ರಿಹರನ್ಯರು ನಿನ್ನ ಸಂತೈಸಲಿಕಮ್ಮಾ? (ಹ)
-ಗೆತನ ಸಾಧಿಸಿ ಮೋಸ ಮಾಡುವರಮ್ಮಾ!
ಶರಣಾರಿಗಾದರೂ ಕರುಣೆ ಇಲ್ಲಮ್ಮಾ! (ವ)
-ರ ಗುರು ಒಬ್ಬನೇ ಕಾಯುವವ ಕಾಣಮ್ಮಾ! (ತಾ)
-ಣಾ ಶ್ರೀ ಹರಿಯ ಸಾಯುಜ್ಯ ನಿಶ್ಚಿಂತೆಯಮ್ಮಾ!
ಗತಿ ಅವನಾಜ್ಞೆಯಂತೆ ಇರಬೇಕಮ್ಮಾ! (ಅ)
-ದಿದ್ದರೆ ಯಾವುದರ ಭಯವೂ ಇಲ್ಲಮ್ಮಾ!
ನ್ಯಾಯವೇ ಪರಮೇಶ್ವರನ ಧ್ಯೇಯವಮ್ಮಾ! (ದಾ)
-ರಿ, ಶರಣಾಗತಿ, ಸರಾಗವೆಲ್ಲಕ್ಕಮ್ಮಾ!
ಗರ್ವವೇನೇನೂ ಇಲ್ಲದೆ ಇರಬೇಕಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯ ಹೀಗಿಲ್ಲವೇನಮ್ಮಾ???
-ಮ್ಮಾ! ನಿರಂಜನಾದಿತ್ಯಗೆ ಶರಣಾಗಮ್ಮಾ!!!

ನಿರ್ವಿಕಲ್ಪ ಶಿವ ಲಿಂಗಯ್ಯಾ! (ಉ)

-ರ್ವಿಯೆಲ್ಲಾವರಿಸಿಹುದಯ್ಯಾ!
ಕರ, ಚರಣವಿಲ್ಲವಯ್ಯಾ! (ಕ)
-ಲ್ಪನಾ ಮನ ನಿರ್ನಾಮವಯ್ಯಾ!
ಶಿವ ನಿತ್ಯ ನಿರ್ಮಲನಯ್ಯಾ!
ವರ ಗೌರಿದರೊಳಗಯ್ಯಾ! (ಆ)
-ಲಿಂಗನಕಿದಾನಂದವಯ್ಯಾ!
ಗತಿ, ಸ್ಥಿತಿ, ಚ್ಯುತಿ ಇಲ್ಲಯ್ಯಾ! (ಅ)
-ಯ್ಯಾ ನಿರಂಜನಾದಿತ್ಯದಯ್ಯಾ!!!

ಲಿಂಗ, ನಾಮ, ರೂಪಾತೀತಮ್ಮಾ! [ಆ]

ಗಬೇಕೈಕ್ಯ ಇದರಲಮ್ಮಾ!
ನಾಗಾಭರಣ ಪ್ರಾಣಮ್ಮಾ!
ಮನಕಿದಾಮೋದ ಕಾಣಮ್ಮಾ!
ರೂಪಾ ರೂಪ ಇದರಿಂದಮ್ಮಾ! (ಅ)
-ಪಾರ್ಥ ಮಾಡಿ ಕೆಡಬೇಡಮ್ಮಾ!
ತೀರ್ಥ ಪ್ರಸಾದ ತಗೊಳ್ಳಮ್ಮಾ!
ತತ್ವ ಚಿಂತನೆ ಸಾಗಲಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯದಮ್ಮಾ!!!

ಜೈ ಗುರು ಮಹಾದೇವ!

ಗುರುವೀರನಾ ದೇವ! (ಕ)
-ರುಣಾಕರನಾ ದೇವ!
ಮನೋಲಯನಾ ದೇವ!
ಹಾತೊರೆವೆ ‘ನಾ’ ದೇವ!
ದೇವ, ಶಿವನಾ ದೇವ! (ಅ)
-ವ ನಿರಂಜನ ದೇವ!!!

ಭವ, ಭಯಹರ, ಹರ ಮಹ ಗುರುದೇವ!

ವರ ಭವಾನೀಪ್ರಿಯ ಶಂಕರ ಗುರುದೇವ!
ಭಕ್ತಿ ಮುಕ್ತಿಪ್ರದಾಯಕ ಶಿವ ಗುರುದೇವ!
ಯತಿಪತಿ, ಉಮಾಪತಿ, ಗತಿ ಗುರುದೇವ!
ಹರ ದಕ್ಷಾಧ್ವರ ಸಂಹರ ಶ್ರೀ ಗುರುದೇವ!
ರತಿಪತಿಹರ, ಗಿರಿನಾಥ ಗುರುದೇವ!
ಹರ, ಶಿವಶಂಕರ, ಈಶ್ವರ ಗುರುದೇವ!
ರಘುವರ, ಗುರು ಪ್ರಿಯಕರ ಗುರುದೇವ!
ಮನ ನಿರ್ಮಲ ಮಹಾಬಲ ಶ್ರೀ ಗುರುದೇವ!
ಹಾರ ಮುಂಡಮಾಲಾಧರ ಹರ ಗುರುದೇವ!
ಗುರುಗುಹಗತಿಹಿತಪಿತ ಗುರುದೇವ! (ವ)
-ರುಣೇಂದ್ರಾದಿ ವಂದ್ಯ ನಟರಾಜ ಗುರುದೇವ!
ದೇವ, ಜೀವ ಭಾವೈಕ್ಯ ಬೋಧಕ ಗುರುದೇವ!
ವರ ನಿರಂಜನಾದಿತ್ಯನಾಪ್ತ ಗುರುದೇವ!!!

ಅಪ್ಪನೆಂದಪ್ಪಿ ತಪ್ಪಬಾರದಯ್ಯಾ! [ಅ]

-ಪ್ಪಣೆಯಾದಂತೆ ನಡೆಯಬೇಕಯ್ಯಾ!
ನೆಂಟ, ಭಂಟನೆಲ್ಲಾ ಅವ ತಾನಯ್ಯಾ! (ಆ)
-ದರಿಪವಗಸಡ್ಡೆ ಸಲ್ಲದಯ್ಯಾ! (ಒ)
-ಪ್ಪಿ, ತಪ್ಪಿದರದು ಅಶ್ರೇಯಸ್ಸಯ್ಯಾ! (ಆ)
-ತನನುರಾಗ ಹೋಗಬಾರದಯ್ಯಾ! (ಅ)
-ಪ್ಪ, ಶಿವ ಸ್ವರೂಪವೆಂದರಿಯಯ್ಯಾ!
ಬಾಯಿ ಬೆಲ್ಲದಿಂದೇನು ಸುಖವಯ್ಯಾ! (ಕ)
-ರ ಚರಣವನಿಗಾಗಿರಲಯ್ಯಾ! (ಆ)
-ದ ಮಾತಿನ ಕಥೆ ಈಗೇತಕಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ನಮ್ಮಪ್ಪಯ್ಯಾ!!!

ಆಜ್ಞಾಪಾಲನೆ ಜಪ ತಪವಮ್ಮಾ!

ಜ್ಞಾನ, ಧ್ಯಾನಕಿದತ್ಯಗತ್ಯವಮ್ಮಾ! (ಅ)
-ಪಾಯವಿದಿಲ್ಲದಿರೆ ತಪ್ಪದಮ್ಮಾ!
ಲಘುವಾಗಿದ ಭಾವಿಸಬೇಡಮ್ಮಾ!
ನೆನಪಿನಿಂದ ಆಜ್ಞೆ ಪಾಲಿಸಮ್ಮಾ!
ಜಪವಿದಕಿಂತ ದೊಡ್ಡದಲ್ಲಮ್ಮಾ!
ಪತಿ ಮಾತು ಬಿಟ್ಟಾವ ತಪವಮ್ಮಾ?
ತನಯನುನ್ನತಿ ಪಿತನಿಂದಮ್ಮಾ! (ಅ)
-ಪಚಾರವನಿಗಾಗ ಬಾರದಮ್ಮಾ!
ವರ್ತಿಸಬೇಕವನಿಷ್ಟದಂತಮ್ಮಾ! (ಅ)
-ಮ್ಮಾ ನಿರಂಜನಾದಿತ್ಯನಾಜ್ಞೆಯಮ್ಮಾ!!!

ಅಹಂಕಾರಕ್ಕೆ ಪ್ರಸಾದವಿಲ್ಲಮ್ಮಾ!

ಹಂಗಿಸಿದರೆ ಇದು ಸಿಗದಮ್ಮಾ!
ಕಾದಿದ್ದವರಿಗಿದು ಲಭ್ಯವಮ್ಮಾ (ಅ)
-ರಸಿ ಬಹರಿದಕೂರೂರಿಂದಮ್ಮಾ!
ಕ್ಕೆಲಸವಿದಕೆಂತ ಬೇರೇನಮ್ಮಾ!
ಪ್ರಯತ್ನವಿಲ್ಲದೇನೂ ಸಿಗದಮ್ಮಾ!
ಸಾಬರೂ ಸಾಧುಗಳಿದರಿಂದಮ್ಮಾ!
ದತ್ತನಿಗಾವ ಭೇದವೂ ಇಲ್ಲಮ್ಮಾ!
ವಿಚಾರವಿದನರಿತು ಬಾಳಮ್ಮಾ! (ಅ)
-ಲ್ಲದೊಲ್ಲದ ವಿವಾದ ಬೇಡವಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯ ಪ್ರಸಾದಮ್ಮಾ!!!

ರಾಮಲಿಂಗವೇನಯ್ಯಾ?

ಮನೋ ನಾಶಾರಾಮಯ್ಯಾ!
ಲಿಂಗವದಕಿಲ್ಲಯ್ಯಾ!
ಗತಿ, ಸ್ಥಿತಿಯೊಂದಯ್ಯಾ!
ವೇಷ ಅಲಕ್ಷ್ಯವಯ್ಯಾ!
ನಯನೊಳಮುಖಯ್ಯಾ! (ಅ)
-ಯ್ಯಾ! ನಿರಂಜನದಯ್ಯಾ!!!

ಬೇಕುಗಳನೊಕ್ಕಲಿಕ್ಕಿದಾ ಭಾವಕ್ಕೆ ಶರಣು!

ಕುಲ ಶೀಲಗಳೆಣಿಸದಾ ಭಾವಕ್ಕೆ ಶರಣು!
ಗಮನಾಗಮನರಿಯದಾ ಭಾವಕ್ಕೆ ಶರಣು! (ಒ)
-ಳಗೆ, ಹೊರಗೆಂಬುದಿರದಾ ಭಾವಕ್ಕೆ ಶರಣು!
ನೊಸಲ ಲಿಪಿಯೆಂದಳದಾ ಭಾವಕ್ಕೆ ಶರಣು! (ಉ)
-ಕ್ಕದ, ಸೊಕ್ಕದ ಸಹಜದಾ ಭಾವಕ್ಕೆ ಶರಣು! (ಉ)
-ಲಿಯದಳಿಯದಾನಂದದಾ ಭಾವಕ್ಕೆ ಶರಣು! (ಮು)
-ಕ್ಕಿ ಕಕ್ಕಿ ಬಿಕ್ಕೆಳಿಕೆ ಹೋದಾ ಭಾವಕ್ಕೆ ಶರಣು!
ದಾನಿ, ದೀನ, ‘ನೀ’ ‘ನಾ’ ಎನದಾ ಭಾವಕ್ಕೆ ಶರಣು!
ಭಾಗ್ಯ, ಭೋಗ್ಯ ಬೇಕೆಂದೆನದಾ ಭಾವಕ್ಕೆ ಶರಣು!
ವರ ಗುರುಪಾದೈಕ್ಯವಾದಾ ಭಾವಕ್ಕೆ ಶರಣು! (ಅ)
-ಕ್ಕೆ ಜಗಕೆ ಕಲ್ಯಾಣವೆಂದಾ ಭಾವಕ್ಕೆ ಶರಣು!
ಶಕ್ತಿಯಿದೇ ಸರ್ವೇಶನೆಂದಾ ಭವಕ್ಕೆ ಶರಣು!
ರಮೇಶ, ಉಮೇಶರಿದೆಂದಾ ಭಾವಕ್ಕೆ ಶರಣು! (ಕಾ)
-ಣು! ನಿರಂಜನಾದಿತ್ಯನದಾ ಭಾವಕ್ಕೆ ಶರಣು!!!

ಎಲ್ಲವನು ಕೊಡುವವನವನಲ್ಲಾ! (ಅ)

-ಲ್ಲಹಮ್ಮುದು ಸುಭಾನಲ್ಲ ತಿಳಿಯಲ್ಲಾ! (ಅ)
-ವ, ಇವ, ಶಿವ, ಕೇಶವ ಎಲ್ಲಾನಲ್ಲಾ! (ಅ)
-ನುಮಾನವಿದರಲೇನೂ ಇಲ್ಲವಲ್ಲಾ! (ಅ)
-ಕೊ

, ಇಕೋ, ಬಂದು ಹೋದೆಂಬುದಿಲ್ಲವಲ್ಲಾ!
ಡುಮುಡುಂ ಡಕ್ಕಾಕರೆ ಬೇಕಿಲ್ಲವಲ್ಲಾ!
ವರ ಗುರುಕೃಪೆ ಸದಾ ಇರಲಲ್ಲಾ! (ಅ)
-ವನಿಗಾಗೀ ಬಾಳೆಲ್ಲಾ ಕಳೆಯಲಲ್ಲಾ!
ನನ್ನ ನಿನ್ನದೆಂಬುದಿದೆಲ್ಲಾ ಸುಳ್ಳಲ್ಲಾ! (ಜ)
-ವನ ಹಂಗು ಅವನಿಗೇನಿಲ್ಲವಲ್ಲಾ!
ನಮಿಸಿ ಶರಣಾಗಿರಾ ಪಾದಕೆಲ್ಲಾ! (ಅ)
-ಲ್ಲಾ! ನಿರಂಜನಾದಿತ್ಯನೊಬ್ಬನೆಲ್ಲೆಲ್ಲಾ!!!

ಪರಮ ವೈರಾಗ್ಯ ವರ ಗುರು ಕೃಪಾ! (ಕ)

-ರ ಚರಣೇಂದ್ರಿಯ ಅಂತರ್ಮುಖ ಕೃಪಾ!
ಮನಸು ಸದಾ ಜಪದಲಿಪ್ಪ ಕೃಪಾ!
ವೈರಾಗ್ಯ ವಿಷಯ ಸುಖಕಿಪ್ಪ ಕೃಪಾ!
ರಾಗ, ದ್ವೇಷರಹಿತ ಸ್ವಭಾವ ಕೃಪಾ! (ಭಾ)
-ಗ್ಯವಧೀನದಲ್ಲಿ ಬಾಳಾವ ಕೃಪಾ!
ವಚನವನ ನಾಮ ಭಜನೆ ಕೃಪಾ!
-ರಣ ಕರ್ತನ ಧ್ಯಾನ ಸತತ ಕೃಪಾ!
ಗುಪ್ತ ನಿರ್ಲಿಪ್ತ ಜೀವನವನ ಕೃಪಾ!
ರುಚಿ ಭಕ್ಷ್ಯವನೀವ ಭಿಕ್ಷಾನ್ನ ಕೃಪಾ!
ಕೃಪಣನಲ್ಲದುದಾರ ಜನ್ಮ ಕೃಪಾ!
ಪಾದ ನಿರಂಜನಾದಿತ್ಯನಿತ್ತ ಕೃಪಾ!!!

ಸಾಬೂನು ನನಗೇಕಮ್ಮಾ?

ಬೂಸ್ಟು ಇನ್ನೂ ಬಂದಿಲ್ಲಮ್ಮಾ! (ಅ)
-ನುಕೂಲಾಗಿದೆ ನೀರಮ್ಮಾ!
ನಷ್ಟ, ಕಷ್ಟ, ಸಾಬೂನಮ್ಮಾ!
ನನ್ನ ಮೈ ನಾಥವಿಲ್ಲಮ್ಮಾ!
ಗೇಲಿ ಸಾಕುಮಾಡಿರಮ್ಮಾ!
ಕರುಣೆಯೊಂದಿರಲಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯಮ್ಮಾ!!!

ಎಣ್ಣೆ ನೀರಿನ್ನೇತಕಮ್ಮಾ? (ಕ)

-ಣ್ಣೆನಗೆ ಚೆನ್ನಾಗಿದಮ್ಮಾ!
ನೀನೇಕೆ ಚಿಂತಿಪುದಮ್ಮಾ? (ಹ)
-ರಿ ಕೃಪೆ ಪೂರ್ಣವಿದಮ್ಮಾ! (ಅ)
-ನ್ನೇನೂ ಅಪದ್ಧ ನಾನಮ್ಮಾ!
ತರಣಿ ರಶ್ಮಿ ಸಾಕಮ್ಮಾ!
ಕಷ್ಟವೆನಗೇನಿಲ್ಲಮ್ಮಾ (ಅ)
-ಮ್ಮಾ! ನಿರಂಜನಾದಿತ್ಯಮ್ಮಾ!!!

ಬೇಕಿಲ್ಲದ ಬಾಳು ಬೇಗ ಮುಗಿಸಪ್ಪಾ (ಬೆ)

-ಬೇಕಿದ್ದಿರಬೇಕಾಗಿದ್ದಿದ್ದರಿಂತೇಕಪ್ಪಾ? (ಎ)
-ಲ್ಲ ಬೇಕುಗಳ ಗಲ್ಲಿಗೇರಸ್ಯಾಯ್ತುಪ್ಪಾ!
ದಯೆದೋರಿನ್ನಾದರೂ ಕರೆದ್ಕೊಳ್ಳಪ್ಪಾ!
ಬಾಳಲಾಗದಿಂತು ಬಹು ದಿನವಪ್ಪಾ! (ಬಾ)
-ಳು ಬೆಳಕಾಗಿ ಬದುಕಿದ್ದೂ ಆಯ್ತಪ್ಪಾ!
ಬೇರಿನ್ಯಾವನುಭವ ಬೇಕೆನಗಪ್ಪಾ?
ಗತಿ, ಸ್ಥಿತಿ, ಚ್ಯುತಿ ನನಗಿನ್ನಿಲಪ್ಪಾ!
ಮುಕ್ತಳಾದೆ ನಿನ್ನನುಗ್ರಹದಿಂದಪ್ಪಾ!
ಗಿರಿಜಾ ಕಲ್ಯಾಣವಾದಮೇಲೇನಪ್ಪಾ?
ಸತ್ಯ ಸಾಯುಜ್ಯ ಸುಖದಲಿರಿಸಪ್ಪಾ (ಅ)
-ಪ್ಪಾ! ನಿರಂಜನಾದಿತ್ಯನೈಕ್ಯ ಸುಖಪ್ಪಾ!!!

ಎಣ್ಣೆ ಮಜ್ಜನಕಣಿಯಾದ ದಿಗಂಬರ ಸ್ವಾಮಿ’ (ಕ)

-ಣ್ಣೆದುರು ನಿಂತಿದ್ದನಾ ಪರಾತ್ಪರ ಗುರುಸ್ವಾಮಿ!
ಮಹಾ ತೇಜಸ್ವಿಯಾಗಿರುತಿದ್ದನಾ ಪೂಜ್ಯ ಸ್ವಾಮಿ! (ಸ)
-ಜ್ಜನನಾಗಿ, ಮೌನಿಯಾಗಿ, ನಗುತಿದ್ದನಾ ಸ್ವಾಮಿ! (ಕ)
-ನಕ ಸುವರ್ಣನಾಗಿ ಶೋಭಿಸುತಿದ್ದನಾ ಸ್ವಾಮಿ!
ಕರ ಚರಣಗಳು ಪುಷ್ಟಿಯಾಗಿದ್ದನಾ ಸ್ವಾಮಿ! (ಅ)
-ಣಿಯಾಗಿದ್ದನಭ್ಯಂಜಾನ ಸ್ನಾನಕಾಗಿ ಆ ಸ್ವಾಮಿ!
ಯಾರ ನೆರವಿಗಾಗಿ ಕಾದಿರದಿದ್ದನಾ ಸ್ವಾಮಿ!
ದತ್ತನವನಲ್ಲದಿನ್ಯಾರಿರಬಹುದಾ ಸ್ವಾಮಿ? (ಅ)
-ದಿದ ನಾಡದವನ ಬಳಿಗ್ಯೆದಿದನೀ ಸ್ವಾಮಿ! (ದಿ)
-ಗಂಬರಗೆ ಸ್ನಾನ ಮಾಡಿಸುವೆನೆಂದನೀ ‘ಸ್ವಾಮಿ’!
ಬಚ್ಚಲ ನಲ್ಲಿ ತಿರುವಲನುವಾದನೀ ಸ್ವಾಮಿ! (ವ)
-ರ ಪ್ರಸನ್ನಾನಂದ ಮುದ್ರೆಯಿಂದ ಇದ್ದನಾ ಸ್ವಾಮಿ!
‘ಸ್ವಾಮಿಗೆ ಸ್ವಾಮಿ’ ಸ್ನಾನ ಮಾಳ್ಪೆನೆಂದಾಗಿಲ್ಲಾ ಸ್ವಾಮಿ! (ಪ್ರೇ)
-ಮಿ ನಿರಂಜನಾದಿತ್ಯನಲೊಂದಾಗಿ ಹೋದಾ ಸ್ವಾಮಿ!!!

ಧರ್ಮ ಕರ್ಮದಿಂದನ್ನವಮ್ಮಾ! (ಮ)

-ರ್ಮವಿದರಿತುಣ ಬೇಕಮ್ಮಾ!
ಕರ್ಮ ಮಾಡದಗ್ಯಾಕೂಟಮ್ಮಾ! (ಧ)
ರ್ಮವಿದಾರ್ಯರ ಮತವಮ್ಮಾ!
ದಿಂಡಾಗಿ ಬೆಳೆಯಲೇಕಮ್ಮಾ?
ದಶೇಂದ್ರಿಯದಾಟ ಸಾಕಮ್ಮಾ! (ಅ)
-ನ್ನ ತಿಂದು, ಬಂಧನ ಬೇಡಮ್ಮಾ! (ಅ)
-ವಧೂತನಿಗಿದು ಗೊತ್ತಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯವಮ್ಮಾ!!!

ಏಕಾಂಗಿಯಾಗಬೇಕೇನಯ್ಯಾ? (ಏ)

-ಕಾಂಗಿಯವನಲೊಂದಾಗ್ಯಯ್ಯಾ!
ಗಿರಿ, ಗುಹೆ ವಾಸದಲ್ಲಯ್ಯಾ! (ಮಾ)
-ಯಾ ದೂರನಾಗಿರಬೇಕಯ್ಯಾ! (ಹ)
-ಗಲಿರುಳಾತ್ಮ ಧ್ಯಾನದಯ್ಯಾ!
ಬೇಸರಕಾಸೆ ಕಾರಣಯ್ಯಾ!
ಕೇಳುತಿದ ಇದ್ದಲ್ಲಿರಯ್ಯಾ!
ನಡೆ, ನುಡಿ ತಿದ್ದಿಕೊಳ್ಳಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾತಯ್ಯಾ!!!

ಪಾವನಾ ಸದ್ಗುರು ಚಿಂತನಾ! (ಅ)

-ವನೆನ್ನಾತ್ಮನೆಂಬ ಚಿಂತನಾ!
ನಾನು, ನೀನೊಂದೆಂಬ ಚಿಂತನಾ!
ಸರ್ವಾಂತರ್ಯಾಮ್ಯೆಂಬ ಚಿಂತನಾ! (ಸ)
-ದ್ಗುರುವೇ ಸತ್ಯೆಂಬ ಚಿಂತನಾ! (ಕ)
-ರುಣಾಕರನೆಂಬ ಚಿಂತನಾ!
ಚಿಂತಾದೂರನೆಂಬ ಚಿಂತನಾ!
ತತ್ವವಿದೇ ಎಂಬ ಚಿಂತನಾ!
‘ನಾ’ ನಿರಂಜನಾದಿತ್ಯಾಂಗ ‘ನಾ’!!!

ಮೋಹನಾ ಮಾಯಾ ಮನೋ ಭಾವನಾ!

ಹರ್ಷವಿದಲ್ಪಕಾಲಾ ಭಾವನಾ!
ನಾಮ, ರೂಪೆಲ್ಲಾ ಭಿನ್ನ ಭಾವನಾ!
ಮಾತು, ಕಥೆ ಅಸತ್ಯ ಭಾವನಾ!
ಯಾತ್ರೆ, ಜಾತ್ರೆ, ಅನಿತ್ಯ ಭಾವನಾ!
ಮನೆ, ಮಠ ವ್ಯಾಮೋಹ ಭಾವನಾ!
ನೋಟ, ಕೂಟ, ಕಪಟ ಭಾವನಾ!
ಭಾನು, ಕೋಟಿ ತೇಜಾತ್ಮ ಭಾವನಾ!
ವರ ಗುರು ಕರುಣಾ ಭಾವನಾ!
‘ನಾ’ ನಿರಂಜನಾದಿತ್ಯ ಭಾವನಾ!!!

ಅದಾಗಿಲ್ಲ, ಇದಾಗಿಲ್ಲೆಂದು ಗೊಣಗಬೇಡ [ಅ]

-ದಾಗ ಆಗಲೆಂಬ ನಂಬಿಗೆಯ ಬಿಡಬೇಡ! (ಆ)
-ಗಿನ ವೇಳೆಗಾದುದನೀಗ ಯೋಚಿಸಬೇಡ! (ನ)
-ಲ್ಲನೆಲ್ಲಾ ಬಲ್ಲನೆಂಬುದಕೆ ಸಂದೇಹ ಬೇಡ!
ಇರಿಸಿದಂತೀಗಿರದತೃಪ್ತನಾಗ ಬೇಡ!
ದಾತ, ನಾಥನವನೆಂಬುದ ಮರೆಯಬೇಡ! (ಭಾ)
-ಗಿಯವನೆಲ್ಲಾ ಸುಖ, ದುಃಖಕಂಜಿಕೆ ಬೇಡ! (ಒ)
-ಲ್ಲೆಂದಧ್ಯಾತ್ಮಾಭಾಸಕ್ಕೆ ಅಶ್ರದ್ಧೆ ಮಾಡಬೇಡ!
ದುರ್ಮದ ಮರ್ದನಕನ್ಯ ದಾರಿ ನೋಡಬೇಡ!
ಗೊತ್ತಿಲ್ಲದಂತಾಗ್ವ ಕೃಪೆ ಕಳಕೊಳ್ಳಬೇಡ! (ಗ)
-ಣ, ಗಣ ಘಂಟೆ ಬಾರಿಸಿದೆಂದೆಣಿಸಬೇಡ!
ಗಮನ ಗುರುವಿನಲಿರಿಸದಿರಬೇಡ!
ಬೇರೆ ವೃತ್ತಿಗೆ ಮನದಲೆಡೆ ಕೊಡಬೇಡ (ಆ)
-ಡ, ನಿರಂಜನಾದಿತ್ಯನೆಂಬಾ ಗುರು ಕೈ ಬಿಡ!!!

ಶ್ರೀರಾಮನೆನ್ನಾರಾಮ ಸ್ಥಾನ (ಆ)

-ರಾಮ ಸ್ಥಾನವದು ಸ್ವಸ್ಥಾನ!
ಮಲರಹಿತಾಶ್ರಯ ಸ್ಥಾನ!
ನೆಲೆಯಿದು ಶಾಂತಿಯ ಸ್ಥಾನ (ಅ)
-ನ್ನಾಹಾರಕ್ಕನ್ನ ಪೂರ್ಣಾ ಸ್ಥಾನ!
ರಾತ್ರಿ, ಹಗಲೆನ್ನದ ಸ್ಥಾನ!
ಮಮಕಾರವಿಲ್ಲದ ಸ್ಥಾನ!
ಸ್ಥಾನ, ಸದ್ಗುರು ಸೇವಾ ಸ್ಥಾನ! (ಘ)
-ನ, ನಿರಂಜನಾದಿತ್ಯಾ ಸ್ಥಾನ!!!

ಆಂಧನಿಗೆ ದರ್ಶನಾನಂದ ಕನಸಿನಲಪ್ಪಾ!

ಧರಣಿಯಲಿ ಗುರು ಲೀಲೆ ವಿಚಿತ್ರ ಕಾಣಪ್ಪಾ!
ನಿರ್ಮಲ ಭಾವದಿಂದ ಸದಾ ಭಜಿಸುವನಪ್ಪಾ!
ಗೆಳೆತನ ಅವನದು ನಿಷ್ಕಾಮ ಭಕ್ತಿಯಪ್ಪಾ!
ದಯೆ ಅಪಾರವಾಗಿ ಕಣ್ಣು ಕುರುಡಾಯ್ತೇನಪ್ಪಾ? (ಸ್ಪ)
-ರ್ಶ ಮಾತ್ರದಿಂದಾತನಿಗೆ ತೃಪ್ತಿಯಾಗುವುದಪ್ಪಾ!
ನಾಮ ಭಜನೆ ಅವನಲಿ ತುಂಬಿರುವುದಪ್ಪಾ! (ಆ)
-ನಂದವಿದರಿಂದ ಆತ ಸದಾ ಸಂತೋಷಿಯಪ್ಪಾ!
ದತ್ತನವನಿಗೆ ಸದ್ಗತಿ ಕೊಡದಿರನಪ್ಪಾ!
ಕಣ್ಣು ಕುರುಡಾದರೂ ಸದ್ಗುಣ ಸಂಪನ್ನನಪ್ಪಾ!
ನಯ, ವಿನಯವನದು ಮಾರ್ಗದರ್ಶಕವಪ್ಪಾ!
ಸಿರಿತನಕಾಸೆ ಪಡುವವನಾತನಲ್ಲಪ್ಪಾ!
ನಡೆ, ನುಡಿಯಿಂದೆಲ್ಲರನೊಲಿಸಿರುವನಪ್ಪಾ!
ಲಕ್ಷ್ಯ ಅವನದು ಸದ್ಗುರು ಪಾದಸೇವೆಯಪ್ಪಾ! (ಅ)
-ಪ್ಪಾ! ನೀನೆಲ್ಲರ ಕಣ್ಣಪ್ಪ ನಿರಂಜನಾದಿತ್ಯಪ್ಪಾ!!!

ಯಾಕೆ ಬೇಕೆಲ್ಲ? ಎಲ್ಲಾ ನೀನಾಗಿರುವಿಯಲ್ಲಾ!

ಕೆಟ್ಟದ್ದು, ಒಳ್ಳೆಯದೆಂಬುದೆಲ್ಲಾ ಇಲ್ಲವಲ್ಲಾ!
ಬೇಕು, ಬೇಡವೆಂದೇನೂ ಅಳುವುದಿಲ್ಲವಲ್ಲಾ!
ಕಿರಿದು, ಹಿರಿದೆಂಬ ಭೇದವೇನಿಲ್ಲವಲ್ಲಾ! (ಅ)
-ಲ್ಲ, ಹೌದೆಂದು ಜಗಳ ಮಾಡುತಲಿಲ್ಲವಲ್ಲಾ!
ಎಲ್ಲಿದ್ದರೇನೆಂದು ಶಾಂತಿಯಿಂದಿರುವೆಯಲ್ಲಾ! (ಎ)
-ಲ್ಲಾ ನೀನಾಗಿರಲಿನ್ನೇನು ಬೇಕೆಂದಿಹೆಯಲ್ಲಾ!
ನೀತಿ, ರೀತಿಗಳೆಲ್ಲಾ ಸರಿಯಾಗಿಹುದಲ್ಲಾ!
ನಾಮ, ರೂಪಾತೀತನಾಗಿರುತಿರುವೆಯಲ್ಲಾ!
ಗಿರಿ, ತರು, ಗುಡಿ, ಗುಡಿಸಿಲೆಂದಿಲ್ಲವಲ್ಲಾ!
ರುಚಿಯರುಚಿಯೆಂಬುದು ನಿನಗೇನಿಲ್ಲವಲ್ಲಾ!
ವಿಧಿ, ನಿಷೇಧಗಳು ನಿನಗೇನಿಲ್ಲವಲ್ಲಾ! ‘(ಅ)
-ಯಮಾತ್ಮಾ’ ಸ್ಥಿತಿ ಸದಾ ನಿನ್ನದಾಗಿಹುದಲ್ಲಾ! (ಎ)
-ಲ್ಲಾ ನಿರಂಜನಾದಿತ್ಯನಾಗಿ ತುಂಬಿಹುದಲ್ಲಾ!!!

ನಾನೇ ನೀನಾಗಲಿಕಾಗಿಲ್ಲಿ ಬಂದೆನಪ್ಪಾ!

ನೇಮ, ನಿಷ್ಠೆ ನನಗೇನೂ ತಿಳಿಯದಪ್ಪಾ!
ನೀನಿರುವುದ ನೋಡಿ ಕಲಿಯುವೆನಪ್ಪಾ!
ನಾನೇನಾಡಿದರೂ ಬೇಸರ ಬೇಡವಪ್ಪಾ!
ಗಗನದಲಿ ನೀನು ನಾನುರ್ವಿಯಲಪ್ಪಾ!
ಲಿಪ್ತ ನಾನು, ನೀನಲಿಪ್ತನಾಗಿಹೆಯಪ್ಪಾ!
ಕಾರಣ ನೀನಾಗಿ ನೆಪ ಮಾತ್ರ ನಾನಪ್ಪಾ!
ಗಿಡ ನೀನು, ನಾನದಕಂಟಿದ ಹಂಬಪ್ಪಾ! (ಬ)
-ಲ್ಲಿದ ನೀನೆನ್ನ ನಿನ್ನಂತೆ ಮಾಡಬೇಕಪ್ಪಾ!
ಬಂಧು ಬಾಂಧವರೆಲ್ಲಾ ಗುರುದೇವನಪ್ಪಾ! (ಅ)
-ದೆನ್ನ ಭಾವದಿಂದ ಅಳಿಸದುಳಿಸಪ್ಪಾ!
ನಮಸ್ಕಾರ ಶ್ರೀಪಾದಕ್ಕೆ ಅರ್ಪಿಪೆನಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯ ನೀನಲ್ಲವೇನಪ್ಪಾ???

‘ನನ್ನದೆಂ’ಬುದನಳಿಸಿ ‘ನಾನೆಂ’ಬುದ ನಿಲಿಸಯ್ಯಾ! (ತ)

-ನ್ನ ತಾನರಿತ ಮೇಲೆ ಅನ್ಯವಿನ್ನೊಂದಿಲ್ಲ ಕಾಣಯ್ಯ! (ಅ)
-ದೆಂತೆನೆ, ನನ್ನದೆಂದಿರದಾಗ ದ್ವೈತವಾಗ್ವುದಯ್ಯಾ!
ಬುದ್ಧಿಯಲಿದನರಿತೆಲ್ಲವೂ ನಾನಾಗಬೇಕಯ್ಯಾ!
ದಶರಥ ರಾಮ ಸರ್ವಾತ್ಮಾರಾಮನಾಗಬೇಕಯ್ಯಾ!
ನರ ನೋಡಿದ ವಿಶ್ವರೂಪದಲ್ಲೆಲ್ಲಾ ಕೃಷ್ಣನಯ್ಯಾ! (ಬ)
-ಳಿಕಾವ ಭಯ, ಮೋಹಗಳೂ ಇರುವುದಿಲ್ಲವಯ್ಯಾ!
ಸಿದ್ಧಿಸಿಕೊಳಬೇಕೀಸ್ಥಿತಿಯ, ಮಿಥ್ಯವ ಬಿಟ್ಟಯ್ಯಾ!
‘ನಾ’ನಾರೆಂದು ನಿರಂತರ ಶೋಧಿಸುತಿರಬೇಕಯ್ಯಾ!
ನೆಂಟ, ಭಂಟ, ತುಂಟ, ಕುಂಟರೆಲ್ಲರ ಆತ್ಮ ನಾನಯ್ಯಾ!
ಬುಧ ಜನಕಿದರಿಯದ ವಿಚಾರವಲ್ಲವಯ್ಯಾ!
ದತ್ತನಿದ ಘಂಟಾಘೋಷವಾಗಿ ಸಾರಿರುವನಯ್ಯಾ!
ನಿತ್ಯದಭ್ಯಾಸ ತಪ್ಪದೇ ಮಾಡ್ಯಪ್ಪನಾಗಬೇಕಯ್ಯಾ! (ಆ)
-ಲಿಸೀ ಗುರುವಚನದಂತಿದ್ದು ನಾನೇ ನೀನಾಗಯ್ಯಾ!
ಸರ್ವ ದೇಶ, ಕಾಲಗಳಲ್ಲಿದೊಂದೇ ಇರಬೇಕಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನಿಂದ ಇದನು ಕಲಿಯಯ್ಯಾ!!!

ನಿತ್ಯ ಸೇವಾದಿತ್ಯ ಸಂಪ್ರದಾಯ! (ಸ)

-ತ್ಯವಂತಗುತ್ತಮ ಸಂಪ್ರದಾಯ!
ಸೇತು ಬಂಧನದ ಸಂಪ್ರದಾಯ!
ವಾಸುದೇವಾನಂದ ಸಂಪ್ರದಾಯ!
ದಿನ ದಿನ ಕೂಲಿ ಸಂಪ್ರದಾಯ! (ಅ)
-ತ್ಯಗತ್ಯ ಶಾಂತಿಗೀ ಸಂಪ್ರದಾಯ!
ಸಂಘಶಕ್ತಿಗೊಳ್ಳೇ ಸಂಪ್ರದಾಯ!
ಪ್ರಯತ್ನೋತ್ಸಾಹಕೀ ಸಂಪ್ರದಾಯ!
ದಾನಿ, ದೀನ, ಸ್ೇಹ ಸಂಪ್ರದಾಯ! (ಜ)
-ಯ! ನಮೋ ನಿರಂಜನಾದಿತ್ಯಾಯ!!!

ನಿತ್ಯಾದಿತ್ಯ ಸೇವಾ ವಿಜಯ!

ತ್ಯಾಗಿಯಾಗುತಾದಾ ವಿಜಯ!
ದಿನಕರನಾದಾ ವಿಜಯ! (ಅ)
-ತ್ಯಮೂಲ್ಯಮೋಘದಾ ವಿಜಯ!
ಸೇರುತಲೊಂದಾದಾ ವಿಜಯ!
ವಾಙ್ಮನೈಕ್ಯವಾದಾ ವಿಜಯ!
ವಿಮಲ ಪದದಾ ವಿಜಯ!
ಜನ್ಮ ಸಾಫಲ್ಯದಾ ವಿಜಯ! (ಜ)
-ಯ! ನಿರಂಜನಾದಿತ್ಯ ಜಯ!!!

ಮೋಡವನು ಹರಿದು ಬಾ ಹೊರಗೆನ್ನ ಸದ್ಗುರುವೇ! (ನೋ)

-ಡದಾನೆಂತಿರಬಹುದೆಂದೆನಗರುಹು ಗುರುವೇ!
ವರ ಪ್ರಸಾದಕಾಗಿ ಕಾದಿರುವೆ ನಾ ಶ್ರೀ ಗುರುವೇ! (ಅ)
-ನುದಿನದ ಸೇವೆ ನಿನ್ನದೆನಗಾಧಾರ ಗುರುವೇ!
ಹರ್ಷವಿಲ್ಲದಾಗಿದೆ ನಿನ್ನ ಕಾಣದಿಂದು ಗುರುವೇ! (ಆ)
-ರಿಹರೆನಗೆ ನಿನ್ನಂಥಾಪ್ತರಿಳೆಯಲ್ಲಿ ಗುರುವೇ?
ದುರಿತಹರ ನೀನೆಂದು ನಾ ನಂಬಿಲ್ಲವೇ ಗುರುವೇ?
ಬಾ, ಬೇಗ ಬಾ, ಜಗದೋದ್ಧಾರ ಸಾರ್ವಭೌಮ ಗುರುವೇ!
ಹೊತ್ತು ಹೋಗುತಿದೆ, ಕತ್ತು ಸುಸ್ತಾಗುತಿದೆ ಗುರುವೇ!
ರಗಳೆ ಮಾಡುವೆನೆಂದು ಸಿಟ್ಟಾಗಬೇಡ ಗುರುವೇ! (ತೆ)
-ಗೆದು ಮುಸುಕನು ತೋರು ಮೋರೆಯನೀಗ ಗುರುವೇ! (ನ)
-ನ್ನ ಪ್ರಾಣ ಸಂಕಟ ನಿನ್ನಾಟವಾಗಿಹುದು ಗುರುವೇ!
ಸರ್ವಕಾರಣಿ ನೀನೆನ್ನ ದಣಿಸಬೇಡ ಗುರುವೇ! (ಸ)
-ದ್ಗುರು ದೇವಾ! ತ್ರಿಮೂರ್ತಿ ಸ್ವರೂಪಾ!! ಬೇಗ ಬಾಗುರುವೇ! (ಗು)
-ರು ನೀ ಮುನಿದರಿನ್ಯಾರು ಕಾಯ್ವರಿಹರು ಗುರುವೇ? (ಅ)
-ವೇಳೆನ್ನದೆ ಬಾಗ ಬೇಗ ನಿರಂಜನಾದಿತ್ಯ ಗುರುವೇ!!!

ಮೋಡದಲ್ಲೂ ನನ್ನ ನೋಡಯ್ಯಾ! [ಮೋ]

-ಡದಲ್ಲಿ ನಾನಿಲ್ಲವೇನಯ್ಯಾ! (ಅ)
-ದದರ ವೇಳೆಗದದಯ್ಯಾ! (ಅ)
-ಲ್ಲೂ, ಇಲ್ಲೂ ನಾನೆಂದರಿಯಯ್ಯಾ!
ನನ್ನನ್ನು ನಿನ್ನಲ್ಲೂ ಕಾಣಯ್ಯಾ! (ನ)
-ನ್ನನ್ನುಳಿದಾವುದೂ ಇಲ್ಲಯ್ಯಾ!
ನೋವು ಸಂಕುಚಿತ ಭಾವಯ್ಯಾ! (ಪ)
-ಡಬಾರದು ಸಂಶಯವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾನಯ್ಯಾ!!!

ಮನಕಿಂತಲೂ ಸೂಕ್ಷ್ಮ ನಾನಯ್ಯಾ!

ನಶಿಸಬೇಕೆಲ್ಲಾ ವೃತ್ತಿಯಯ್ಯಾ!
ಕಿಂಚಿತ್ತಿದ್ದರೂ ದುಃಖ ಕಾಣಯ್ಯಾ!
ತತ್ವವಿದರಿತು ನಾನಾಗಯ್ಯಾ! (ಹಾ)
-ಲೂ ನೀರಿದ್ದರೆ ಅರುಚಿಯಯ್ಯಾ! (ಹಾ)
-ಸೂ, ಹೊಕ್ಕೂ ಒಂದಾಗಿ ಬಟ್ಟೆಯಯ್ಯಾ! (ಸೂ)
-ಕ್ಷ್ಮ ದಾಟಿ ಅತಿ ಸೂಕ್ಷ್ಮನಾಗಯ್ಯಾ!
ನಾಶವಿಲ್ಲದಿದುವೇ ನಾನಯ್ಯಾ! (ಅ)
-ನವರತ ಅಭ್ಯಾಸ ಮಾಡಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನೀತಯ್ಯಾ!!!

ಮೋರೆ ತೋರುವಾಗ ಬೇರೆ ನೋಡುವುದೇಕಯ್ಯಾ? (ಕ)

-ರೆದಾಗ ಬಂದಿಲ್ಲವೆಂದು ಕೋಪವಾಯ್ತೇನಯ್ಯಾ?
ತೋರುವ ಸಮಯ ಕಾಯ್ವ ಸಹನೆ ಬೇಕಯ್ಯಾ! (ಬ)
-ರುವ ಹೋಗುವವರಿಗನಾದರವಿಲ್ಲಯ್ಯಾ! (ಆ)
-ವಾವ ವೇಳೆಗಾಗಬೇಕಾದದ್ದಾಗಬೇಕಯ್ಯಾ!
ಗತಿ ನಿನ್ನದೊಂದೇ ಸಮ ಸಾಗುತಿರಲಯ್ಯಾ!
ಬೇರೆ ಕಡೆ ನೋಡಿದರೆ ಮೋರೆ ಕಾಣದಯ್ಯಾ! (ಅ)
-ರೆ ಕ್ಷಣದಲ್ಲಿ ಅದಲು ಬದಲಾಗ್ವುದಯ್ಯಾ!
ನೋಡುವಾಸೆ ಸದಾ ಕುದಿಯುತಿರಬೇಕಯ್ಯಾ! (ಹು)
-ಡುಗಾಟದ ಕಣ್ಣುಮುಚ್ಚಾಟವಿದಲ್ಲವಯ್ಯಾ! (ಆ)
-ವುದು ಸರ್ವಸ್ವವೋ ಅದೇ ನೆನೆಯುತಿರಯ್ಯಾ!
ದೇಶ ಕಾಲ ಸ್ಥಿತಿಗೆ ಉದಾಸೀನನಾಗಯ್ಯಾ!
ಕರ್ಮ ನಿನ್ನದೆಂತಿದ್ದರೂ ನಡೆಯಬೇಕಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನ ನೆನೆದು ಬಾಳಯ್ಯಾ!!!

ಪಾದ ಪೂಜಿಸುವಾಗದನ್ನೇ ನೋಡಯ್ಯಾ!

ದರ್ಶನ ವದಲಕ್ಷಿಸಬಾರದಯ್ಯಾ!
ಪೂಜೆ ಫಲಿಸಲಿಕಿದಗತ್ಯವಯ್ಯಾ! (ಭ)
-ಜಿಸುತಾ ಪಾದದಲೊಂದಾಗಬೇಕಯ್ಯಾ!
ಸುತ್ತು, ಮುತ್ತು ನೋಡಲಿಕೆ ಬಂದಿಲ್ಲಯ್ಯಾ!
ವಾಡಿಕೆಯ ಕಾಟಾಚಾರ ವ್ಯರ್ಥವಯ್ಯಾ!
ಗತಿ, ಗುರಿಯ ಮರೆಯಬಾರದಯ್ಯಾ!
ದಯೆ, ದಾಕ್ಷಿಣ್ಯಕ್ಕೆ ಬರಲಾರದಯ್ಯಾ! (ಇ)
-ನ್ನೇಕೆನ್ನದೆ ಶ್ರದ್ಧಾ ಭಕ್ತಿ ಹೆಚ್ಚಲಯ್ಯಾ!
ನೋವು, ಸಾವಿನಿಂದ ಕುಗ್ಗಬಾರದಯ್ಯಾ! (ಬ)
-ಡವರ ಬಂಧು ಪರಮಾತ್ಮ ತಾನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಪಾದಗತ್ಯಯ್ಯಾ!!!

ವಿಮಲ ಭಕ್ತಿ ನಿತ್ಯ ಸುಖಕಯ್ಯಾ!

ಮಲವದೆಲ್ಲಾ ಕಾಮ್ಯ ಭಕ್ತಿಯಯ್ಯಾ!
ಲಕ್ಷ್ಯಸಾಯುಜ್ಯವಾಗಿರಬೇಕಯ್ಯಾ!
ಭವಭಯ ನಾಶವಿದರಿಂದಯ್ಯಾ! (ಶ)
-ಕ್ತಿಯಾಟಗಳೆಲ್ಲಾ ಅಲ್ಪಕಾಲಯ್ಯಾ!
ನಿನಗೀ ಚಪಲಬೇಡ ಕಂದಯ್ಯಾ!
ತ್ಯಜಿಸಬೇಕು ವ್ಯಾಮೋಹವನಯ್ಯಾ!
ಸುಗುಣಗಳ ಹೆಚ್ಚಿಸು ನೀನಯ್ಯಾ!
ಖರದೂಷಣ, ಕಾಮ ಕ್ರೋಧವಯ್ಯಾ!
ಕಲಿ ಮಲ ದೂರ ಶ್ರೀರಾಮನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾ ವಿಮಲನಯ್ಯಾ!!!

ಗುಬ್ಬಚ್ಚಿಯ ಪೂರ್ವ ಸಂಬಂಧ! (ತ)

-ಬ್ಬಲಿಯಾಗಿ ಬಂಧ ಸಂಬಂಧ! (ಅ)
-ಚ್ಚಿನಮೆಚ್ಚಿನಾತ್ಮ ಸಂಬಂಧ!
ಯತೀಶನ ಪಾದ ಸಂಬಂಧ!
ಪೂರ್ತಿಯಾಯ್ತು ಗುಬ್ಬಿ ಸಂಬಂಧ! (ಗ)
-ರ್ವಕಿದರಿಯದ ಸಂಬಂಧ!
ಸಂಗಡೋಡಾಡಿದ ಸಂಬಂಧ!
ಬಂದೊಡಲಬಿಟ್ಟ ಸಂಬಂಧ! (ಬಂ)
-ಧ! ನಿರಂಜನಾದಿತ್ಯಾನಂದ!!!

ಅನಂತಮೂರ್ತಿ ಸ್ಥಾಪಕ ಗುರುಮೂರ್ತಿ!

ನಂಬಿ ತನ್ನತಾಗಿರೆಂಬಾ ಗುರುಮೂರ್ತಿ!
ತರಲೆ ಮಾತು ಸಾಕೆಂಬಾ ಗುರುಮೂರ್ತಿ!
ಮೂಜಗದೊಡೆಯ ತಾನಾ ಗುರುಮೂರ್ತಿ! (ಕೀ)
-ರ್ತಿಗಾಶಿಸುವವನಲ್ಲಾ ಗುರುಮೂರ್ತಿ!
ಸಾ





ವರ ಜಂಗಮಾತ್ಮನಾ ಗುರುಮೂರ್ತಿ!
ಪರಮಹಂಸ ಸ್ವರೂಪಾ ಗುರುಮೂರ್ತಿ!
ಕರುಬತಿ ಹೇಯವೆಂಬಾ ಗುರುಮೂರ್ತಿ!
ಗುಡಿಯವನಿಗೆಲ್ಲೆಲ್ಲಾ ಗುರುಮೂರ್ತಿ! (ಇ)
-ರುವನೆಲ್ಲರಲ್ಲಾ ವರ ಗುರುಮೂರ್ತಿ!
ಮೂಳೆ ಮಾಂಸ ಗೊಂಬೆಯಲ್ಲಾ ಗುರುಮೂರ್ತಿ! (ಮೂ)
-ರ್ತಿ ಆ ನಿರಂಜನಾದಿತ್ಯ ಗುರುಮೂರ್ತಿ!!!

ನೀನು ನಾನು ನಾನು ನೀನು! [ಅ]

-ನು ದಿನ ಧ್ಯಾನಿಸು ನೀನು!
ನಾಳೆ ಮಾತು ಬಿಡು ನೀನು! (ಅ)
-ನುಸರಿಸು ನನ್ನ ನೀನು!
ನಾಮಜಪ ಮಾಡು ನೀನು! (ಅ)
-ನುಮಾನಪಡದೆ ನೀನು!
‘ನೀ’ ‘ನಾ’ ನೊಂದೆಂದರಿ ನೀನು! (ನೀ)
-ನು ನಿರಂಜನಾದಿತ್ಯಾನು!!!

ನಿನಗೆ ನೀನು ಗುರುವಾಗಮ್ಮಾ!

ನಶ್ವರ ಸಂಸಾರ ಕನಸಮ್ಮಾ! (ಬ)
-ಗೆದರಿದು ಬರಡೆಮ್ಮೆಯಮ್ಮಾ!
ನೀನಿದ ನಿನಗೆ ಕಲಿಸಮ್ಮಾ! (ಅ)
-ನುದಿನರಿತಭ್ಯಾಸ ಮಾಡಮ್ಮಾ!
ಗುರು ಶಿಷ್ಯ ಭಾವ ನಿನ್ನದಮ್ಮಾ! (ಆ)
-ರು ಹಿತ ನಿನಗೆ ನಿನ್ನಂತಮ್ಮಾ? (ಭ)
-ವಾಬ್ದಿಯಿಂದ ಬಿಡಿಸಿಕೊಳ್ಳಮ್ಮಾ!
ಗಗನಮಣಿ ಆದರ್ಶನಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯನಾಗಮ್ಮಾ!!!

ಸಾಕ್ಷಾತ್ಕಾರ ಆಗಬೇಕೇನಯ್ಯಾ! (ಲ)

-ಕ್ಷಾವಧಿ ವರ್ಷ ಬೇಕಿಲ್ಲವಯ್ಯಾ! (ತ)
-ತ್ಕಾಲಿದಲಿರು ದೇವರಂತಯ್ಯಾ!
ರಮಿಸೀಗವನಲಿ ನೀನಯ್ಯಾ!
ಆಗ ಮತ್ತಿನ ಮಾತು ಬಿಡಯ್ಯಾ!
ಗತ್ಯಾತ್ಮನತ್ತ ತಿರುಗಿಸಯ್ಯಾ!
ಬೇರೆ ಚಿಂತೆಗಳೀಗ ಬೇಡಯ್ಯಾ!
ಕೇಳುವುದೆಲ್ಲಾ ಹೇಳ್ಯಾಯಿತಯ್ಯಾ!
‘ನಮೋ ನಿರಂಜನ’ ಎಂದಿರಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾದ್ಯೇನಯ್ಯಾ???

ಬಂಧನವಿದು ಬಾಹ್ಯ ಮುಖ!

ಧನ ಧಾನ್ಯವೆಲ್ಲಾ ಈ ಮುಖ!
ನಯನಾದಿಂದ್ರಿಯವೀ ಮುಖ!
ವಿಚಾರಿಗಿದು ದುಃಖ ಮುಖ!
ದುರ್ಗತಿಕಾರಕವೀ ಮುಖ!
ಬಾಲ್ಯಾವಸ್ಥೆಗಳೀ ಮುಖ! (ಸ)
-ಹ್ಯವಲ್ಲದಿದಶಾಂತಿ ಮುಖ!
ಮುಕ್ತಿ ಪ್ರದವದೊಳಮುಖ! (ಸ)
-ಖ ನಿರಂಜನಾದಿತ್ಯ ಮುಖ!!!

ಸಚ್ಚರಿತನಿಗಚ್ಚರಿ ಎಂಬುದಿಲ್ಲ! [ಎ]

-ಚ್ಚರತಪ್ಪಿ ಆತ ಮಲಗುವುದಿಲ್ಲ! (ದಾ)
-ರಿ ಬಿಟ್ಟಿನ್ಯ ದಾರಿ ಹಿಡಿಯುವುದಿಲ್ಲ!
ತರಲೆ, ತಂಟೆಗಳ ಮಾಡುವುದಿಲ್ಲ!
ನಿಶ್ಚಲದ ಭಕ್ತಿಯ ಬಿಡುವುದಿಲ್ಲ!
ಗರ್ವದಿಂದನ್ಯರ ಹಿಂಸಿಸುವುದಿಲ್ಲ! (ಮ)
-ಚ್ಚರ ಕಿಚ್ಚಿಗಿಂತನಿಷ್ಟೆಂದವ ಬಲ್ಲ! (ಹ)
-ರಿ ಶರಣರ ಸಂಘ ಬಿಡುವುದಿಲ್ಲ!
ಎಂದಿಗೂ ಪರನಿಂದೆ ಮಾಡುವುದಿಲ್ಲ!
ಬುದ್ಧಿ ಕೆಟ್ಟು ಮೋಹಕಾಳಾಗುವುದಿಲ್ಲ!
ದಿನ, ನಿಶಿ, ಗುರುಧ್ಯಾನ ಮಾಡದಿಲ್ಲ! (ಎ)
-ಲ್ಲ ನಿರಂಜನಾದಿತ್ಯನೆಂದವ ಬಲ್ಲ!!!

ಶಿವಾನಂದನಾರಯ್ಯಾ?

ವಾದವಿಲ್ಲದವಯ್ಯಾ! (ಅ)
-ನಂಗನಂತಕನಯ್ಯಾ!
ದತ್ತನಲೈಕ್ಯನಯ್ಯಾ!
ನಾಮ ಜಪ ಭಕ್ತಯ್ಯಾ!
ರಘುಪತಿಯಾಪ್ತಯ್ಯಾ! (ಅ)
-ಯ್ಯಾ! ನಿರಂಜನನಯ್ಯಾ!!!

ಸರ್ವ ಮಂಗಳಾ ನೀನಮ್ಮಾ! (ಗ)

-ರ್ವ ನಿನಗೇನಿಲ್ಲವಮ್ಮಾ!
ಮಂದಿರ ಶರೀರವಮ್ಮಾ!
ಗತಿ ಶಿವ ಸಾಯುಜ್ಯಮ್ಮಾ! (ಆ)
-ಳಾಗಿಹೆ ಶಿವನಿಗಮ್ಮಾ!
ನೀನೇ ಲೋಕಮಾತೆಯಮ್ಮಾ!
ನಶ್ವರ ವ್ಯಾಮೋಹವಮ್ಮಾ! (ಅ)
-ಮ್ಮಾ ನಿರಂಜನಾದಿತ್ಯಮ್ಮಾ!!!

ಶ್ರೀರಾಮನಾಮ ಸದಾ ಸುಖ ಶ್ರೀಕಂಠಯ್ಯಾ!

ರಾತ್ರಿ, ಹಗಲೆಲ್ಲಾ ಜಪಿಸು ಶ್ರೀಕಂಠಯ್ಯಾ!
ಮಡದಿ, ಮಕ್ಕಳೂ ಮಾಡಲಿ ಶ್ರೀಕಂಠಯ್ಯಾ!
ನಾಶವಾಗುವುದೆಲ್ಲಾ ಕಷ್ಟ ಶ್ರೀಕಂಠಯ್ಯಾ!
ಮನಸಿಗಿದು ನಿತ್ಯ ಶಾಂತಿ ಶ್ರೀಕಂಠಯ್ಯಾ!
ಸದ್ಭಕ್ತ ಮಾರುತಿಯೇ ಗುರು ಶ್ರೀಕಂಠಯ್ಯಾ!
ದಾರಿ ಬೆಳಕಾಗುತಲಿದೆ ಶ್ರೀಕಂಠಯ್ಯಾ!
ಸುಖ, ದುಃಖಗಳವನಿಷ್ಟ ಶ್ರೀಕಂಠಯ್ಯಾ!
ಖರಹರ, ರಾಮ ಕಾಯುವ ಶ್ರೀಕಂಠಯ್ಯಾ!
ಶ್ರೀರಾಮ ಜೈರಾಮ್ಜೈ ಜೈರಾಮ ಶ್ರೀಕಂಠಯ್ಯಾ!
ಕಂಗೆಡಬೇಡರಿಷ್ಟದಿಂದ ಶ್ರೀಕಂಠಯ್ಯಾ? (ಅ)
-ಯ್ಯಾ! ನಿರಂಜನಾದಿತ್ಯ ಸಾಕ್ಷಿ ಶ್ರೀಕಂಠಯ್ಯಾ!!!

ಲಲಿತಾ ಮಂದಿರ ನನ್ನದಯ್ಯಾ! (ಬ)

-ಲಿಯಲದರ ಧ್ಯೇಯಗಳಯ್ಯಾ!
ತಾಳ್ಮೆ ಕೊಡಲಿ ವಿಶ್ವೇಶ್ವರಯ್ಯಾ!
ಮಂದಿಯಂತೆ ಅವನಲ್ಲವಯ್ಯಾ!
ದಿನ ನಿಶಿ ನಿಷ್ಕಾಮಿಯಾತಯ್ಯಾ! (ವ)
-ರ ಸೇವಾಕಾರ್ಯ ನಡೆಯಲಯ್ಯಾ!
ನನ್ನಾಗಮನಾಕಾಂಕ್ಷೆ ಸ್ತುತ್ಯಯ್ಯಾ! (ಅ)
-ನ್ನಲಾರೆನೆಂದು ಬಹೆನೆಂದಯ್ಯಾ!
ದತ್ತ ಚಿತ್ತದಂತಿದಾಗಲಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ‘ನಾ’ನಯ್ಯಾ!!!

ಕೀಲಕ ವರ್ಷವಾನಂದ!

ಲಕ್ಷ್ಯ ಆತ್ಮಾರಾಮಾನಂದ!
ಕರ್ಮನಿಷ್ಠೆಯ ಆನಂದ!
ವರ ಗುರು ಸೇವಾನಂದ! (ಹ)
-ರ್ಷವೆಲ್ಲರಿಗಿದಾನಂದ! (ಆ)
-ವಾಗಲೂ ಭಜನಾನಂದ!
ನಂಬಿಗೆಗೆ ಇಂಬಾನಂದ! (ಮು)
-ದ ನಿರಂಜನಾನಂದ!!!

ನಾನಿನ್ನು ಬದುಕಿರಬಾರದಯ್ಯಾ!

ನಿನಗೆ ಮರಣವಿದೆಯೇನಯ್ಯಾ? (ಅ)
-ನ್ನುತಿಹೆ ನಿನ್ನ ನೀನರಿಯದಯ್ಯಾ!
ಬದುಕು ಬಾಳು ಜೀವಭಾವಕಯ್ಯಾ!
ದುರ್ಬಲ ಲಕ್ಷ್ಮೀನಾರಾಯಣಲ್ಲಯ್ಯಾ!
ಕಿರುಕುಳವಾಗ್ವುದು ಮನಕಯ್ಯಾ! (ವ)
-ರ ನಾರಾಯಣ ಮನಸಲ್ಲವಯ್ಯಾ!
ಬಾರಿಬಾರಿಗೂ ಧ್ಯಾನಿಸಿದನಯ್ಯಾ!
ರಮಾರಮಣ ನಿರ್ವಿಕಾರನಯ್ಯಾ!
ದಮನ ಮಾಡಿಂದ್ರಿಯಗಳನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ‘ನಾ’ ‘ನೀ’ನಯ್ಯಾ!!!

ಕೀಲಕ ಸಂವತ್ಸರಾಶೀರ್ವಾದ!

ಲಕ್ಷ್ಮಣಾಗ್ರಜನ ಆಶೀರ್ವಾದ!
ಕಶ್ಮಲ ನಾಶಕೆ ಆಶೀರ್ವಾದ!
ಸಂಕಟ ನಿವಾರಣಾಶೀರ್ವಾದ!
ವರ ಧರ್ಮ ಕರ್ಮಕಾಶೀರ್ವಾದ! (ಮ)
-ತ್ಸರ ಮದ ನಾಶಕಾಶೀರ್ವಾದ!
ರಾಮನಾಮ ಜಪಕಾಶೀರ್ವಾದ!
ಶೀಲವಂತರಾಗಲಾಶೀರ್ವಾದ! (ಸ)
-ರ್ವಾತ್ಮಭಾವ ಸಿದ್ಧಿಗಾಶೀರ್ವಾದ!
ದತ್ತ ನಿರಂಜನನಾಶೀರ್ವಾದ!!!

ಪ್ರಪಂಚೋದ್ಧಾರವಾಗಬೇಕಪ್ಪಾ!

ಪಂಚಭೂತ ಶರೀರವಿದಪ್ಪಾ!
ಚೋರರಂತಿಹವಿಂದ್ರ್ಯಗಳಪ್ಪಾ! (ಉ)
-ದ್ಧಾರಂತರಂಗ ಶುದ್ಧಿಯಿಂದಪ್ಪಾ!
ರಮಿಸಬೇಕು ಆತ್ಮನಲಪ್ಪಾ!
ವಾಸನೆಗಳಳಿಯಬೇಕಪ್ಪಾ!
ಗತಿ ನಾಮಸ್ಮರಣೆಯಿಂದಪ್ಪಾ!
ಬೇರೆ ವೃತ್ತಿ ಇರಬಾರದಪ್ಪಾ!
ಕರ್ತವ್ಯ ಸದ್ಗುರು ಸೇವೆಯಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯ ನಮ್ಮಪ್ಪಾ!!!

ಸುಭಿಕ್ಷಾ ಭೋಜನ ಸಿಕ್ಕಿದಾಗಮ್ಮಾ!

ಭಿಕ್ಷೆಗಾಗಿ ಕಾದಿರುವುದಿಲ್ಲಮ್ಮಾ!
ಕ್ಷಾಮ, ಡಾಮರವೆನಗಿಲ್ಲವಮ್ಮಾ!
ಭೋಜ್ಯಾಭೋಜ್ಯವೆನ್ನುವುದಿಲ್ಲವಮ್ಮಾ!
ಜಗದೀಶನಿತ್ತುದನುಂಬೆನಮ್ಮಾ!
ನನ್ನ ನೀನರಿತರಾನಂದವಮ್ಮಾ!
ಸಿಕ್ಕಿದಾಗುಪೇಕ್ಷಿಸಬಾರದಮ್ಮಾ! (ಹ)
-ಕ್ಕಿದೆ ನಿನಗೆನ್ನಾನಂದದಲಮ್ಮಾ!
ದಾರಿ ತೆರೆದಿಹುದು ನಿನಗಮ್ಮಾ!
ಗತಿಯೇನೆಂದಳುತಿರಬೇಡಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯನ್ಯಲ್ಲಮ್ಮಾ!!!

ಸತ್ಸಂಘಾಸೆಯಲಂತ್ಯವಾದಾ ಬೆಕ್ಕು! (ಸ)

ತ್ಸಂಘ ಹಿಂದಿನ ರಾತ್ರಿ ಗೈದಾ ಬೆಕ್ಕು!
ಘಾಸಿಯಾಗಿ ಕಾಯವಳಿದಾ ಬೆಕ್ಕು!
ಸೆರೆಯಿಂದ ಪಾರಾಯಿತಿಂದಾ ಬೆಕ್ಕು!
ಯತೀಶನನುಗ್ರಹವಾದಾ ಬೆಕ್ಕು!
ಲಂಕೇಶಾಂತಕನಾಪ್ತವಾದಾ ಬೆಕ್ಕು! (ಅ)
-ತ್ಯಧಿಕ ಸಂಸ್ಕಾರ ಬಲದಾ ಬೆಕ್ಕು!
ವಾಸುದೇವನಲೈಕ್ಯವಾದಾ ಬೆಕ್ಕು!
ದಾರಿ ತೋರಿಂದಂತಿರುವುದಾ ಬೆಕ್ಕು!
ಬೆರೆಯಬೇಕು ಹೀಗೆಂಬುದಾ ಬೆಕ್ಕು! (ಬೆ)
-ಕ್ಕು ನಿರಂಜನಾದಿತ್ಯಾನಂದಾ ಬೆಕ್ಕು!!!

ಭಕ್ತಾನುಗ್ರಹ ದಾತ ದತ್ತ! (ಯು)

-ಕ್ತಾಯುಕ್ತ ಸುವಿಚಾರಿ ದತ್ತ! (ಅ)
-ನುಪಮ ಪ್ರೇಮಮೂರ್ತಿ ದತ್ತ!
ಗ್ರಹ ದೋಷ ವಿನಾಶಿ ದತ್ತ!
‘ಹರೇ ರಾಮ’ ಶ್ರೀ ಗುರು ದತ್ತ!
ದಾತ, ನಾಥ, ತ್ರಿಮೂರ್ತಿ ದತ್ತ!
ತಪೋ ನಿಷ್ಠಾವಧೂತ ದತ್ತ!
ದತ್ತ, ದತ್ತ, ಭಜಿಸೋ ದತ್ತ! (ದ)
-ತ್ತ, ನಿರಂಜನಾದಿತ್ಯ ದತ್ತ!!!

ನಿರಂಜನಾದಿತ್ಯ ರಾಮದರ್ಶನವಿಂದಮ್ಮಾ!

ರಂಜಿಸುತಿದ್ದನವ ದಿಗಂಬರನಾಗಮ್ಮಾ!
ಜಟಾಧಾರಿಯಾಗಿ ಕುಳಿತಿರುತಿದ್ದನಮ್ಮಾ!
ನಾನಾ ಪತ್ರ ಪುಷ್ಪಗಳಿಂದ ಪೂಜೆಯಾಯ್ತುಮ್ಮಾ!
ದಿವ್ಯ ಫಲಗಳ ಸಮರ್ಪಣೆ ಆಯಿತಮ್ಮಾ!
ತ್ಯಜಿಸಬೇಕು ಮಾಯೆಯನೆಂದನವನಮ್ಮಾ!
ರಾಮ ಭಜನೆ ಭಾವಾವೇಶದಿಂದಾಯಿತಮ್ಮಾ!
ಮಕ್ಕಳೆಲ್ಲರೂ ಕುಣಿದಾಡಿ ಪಾಡಿದರಮ್ಮಾ!
ದಯೆಯವನದೆಲ್ಲರ ಮೇಲಪಾರವಮ್ಮಾ! (ದ)
-ರ್ಶನವಿದನನ್ಯ ಭಕ್ತಿ ಸೇವಾ ಫಲವಮ್ಮಾ!
ನರಜನ್ಮ ಸಾರ್ಥಕಕ್ಕಿನ್ನೇನು ಬೇಕೆನ್ನಮ್ಮಾ! (ಗೋ)
-ವಿಂದನಿವನ ಲೀಲೆ ಬಹು ರೂಪ ಕಾಣಮ್ಮಾ!
ದತ್ತನವ ಭಕ್ತವತ್ಸಲ ಗುರುದೇವಮ್ಮಾ! (ಅ)
-ಮ್ಮಾ ನಿರಂಜನಾದಿತ್ಯ ಪಟ್ಟಾಭಿರಾಮನಮ್ಮಾ!!!

ರಾಮನಾಮ ಬಹು ಪ್ರೇಮ! [ಮ]

-ಮ ಹೃದಯಾನಂದಾ ರಾಮ!
ನಾನಾ ರೂಪದಿಂದಾ ರಾಮ!
ಮನೆ, ಮಠದಲ್ಲಾ ರಾಮ!
ಬಹು ಲೀಲೆ ತೋರ್ಪಾ ರಾಮ!
ಹುಸಿ ಮಾತಿದಲ್ಲಾ ರಾಮ!
ಪ್ರೇಮಾನಂದ ಸೀತಾರಾಮ! (ಮ)
-ಮ ನಿರಂಜನ ಶ್ರೀರಾಮ!!!

ಲಲಿತಾ ಮಂದಿರೇಶ್ವರ ವಿಶ್ವೇಶ್ವರ!

ಲಿಪ್ತನಾಗಿಲ್ಲದೀಶ್ವರ ವಿಶ್ವೇಶ್ವರ!
ತಾಳ, ಮೇಳ, ಗಾನೇಶ್ವರ ವಿಶ್ವೇಶ್ವರ!
ಮಂಗಳಾಂಗ ಯೋಗೀಶ್ವರ ವಿಶ್ವೇಶ್ವರ!
ದಿನಕರ ಕಾಂತೀಶ್ವರ ವಿಶ್ವೇಶ್ವರ!
ರೇಚಕ, ಪೂರಕೇಶ್ವರ ವಿಶ್ವೇಶ್ವರ! (ವಿ)
-ಶ್ವ ಕಲ್ಯಾಣ ಕರ್ಮೇಶ್ವರ ವಿಶ್ವೇಶ್ವರ!
ರಘುರಾಮ ಪ್ರಿಯೇಶ್ವರ ವಿಶ್ವೇಶ್ವರ!
ವಿಧಿ, ಹರಿ, ಹರೇಶ್ವರ ವಿಶ್ವೇಶ್ವರ!
ಶ್ವೇತ, ಪೀತಾಂಬರೇಶ್ವರ ವಿಶ್ವೇಶ್ವರ! (ಈ)
-ಶ್ವರ ಸಾರ್ವಭೌಮೇಶ್ವರ ವಿಶ್ವೇಶ್ವರ! (ವ)
-ರದ ನಿರಂಜನಾದಿತ್ಯ ವಿಶ್ವೇಶ್ವರ!!!

ಪೂರ್ವ ರೂಪಕ್ಕೆ ಬರಬೇಕಪ್ಪಾ! (ಸ)

-ರ್ವರೂ ಅದ ಬಯಸುತ್ತಾರಪ್ಪಾ!
ರೂಪವಿದ ನೋಡಲಾರೆನಪ್ಪಾ!
ಪರಮಾತ್ಮನಿಗೆಲ್ಲಾ ಸಾಧ್ಯಪ್ಪಾ! (ಅ)
-ಕ್ಕೆ ಸಕಲರಿಗೆ ಸುಖವಪ್ಪಾ!
ಬರಬೇಕಾ ಹಿಂದಿನ ರೂಪಪ್ಪಾ!
ರವಿಯಂತೆ ವಿರಾಜಿಸಿರಪ್ಪಾ!
ಬೇಡ ಉದಾಸೀನ ನಿನಗಪ್ಪಾ!
ಕರ ಮುಗಿದು ಬೇಡುವೆನಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯಾನಂದಪ್ಪಾ!!!

ಕಾಲ ಬಂದಾಗಾಗಲಪ್ಪಾ!

ಲಕ್ಷ್ಯ ಸ್ಥಿರವಿರಲಪ್ಪಾ!
ಬಂದೇ ಬರುವನವಪ್ಪಾ!
ದಾರಿ ಸದಾ ಕಾದಿರಪ್ಪಾ!
ಗಾಳಿ ಬೀಸುತಿದೆಯಪ್ಪಾ!
ಗಗನ ಶುಭ್ರಾಗಲಪ್ಪಾ! (ಜ)
-ಲಧಾರೆ ಹರಿಯಲಪ್ಪಾ! (ಬ)
-ಪ್ಪಾ ನಿರಂಜನಾದಿತ್ಯಪ್ಪಾ!!!

ಭಾನುದೇವ ವಿಜಯ ರಾಮ! [ಅ]

-ನುದಿನ ವಿರಾಜಿಪಾ ರಾಮ!
ದೇವದೇವನಿವ ಶ್ರೀ ರಾಮ!
ವರ ಗುರುದತ್ತ ಶ್ರೀ ರಾಮ!
ವಿಮಲ ಸೀತಾ ಪ್ರೇಮಾ ರಾಮ!
ಜಗದಾನಂದ ಜಯ ರಾಮ!
ಯದುನಾಥ ಗೋವಿಂದಾ ರಾಮ!
ರಾಮ ರಾಮ ಜೈ ರಾಜಾ ರಾಮ! (ಮ)
-ಮ ನಿರಂಜನಾದಿತ್ಯಾ ರಾಮ!!!

ತನು ಮನ ಧನ ಘನ ಶ್ಯಾಮ! (ಅ)

-ನುಪಮ ಪ್ರೇಮಧನ ಆ ಶ್ಯಾಮ!
ಮಧುರ ಮುರಲೀಧರಾ ಶ್ಯಾಮ!
ನಟವರ, ರಾಧಾವರಾ ಶ್ಯಾಮ! (ಅ)
-ಧರ, ಮಧುರ ಸುಂದರಾ ಶ್ಯಾಮ!
ನಗಧರ, ಅಘಹರಾ ಶ್ಯಾಮ!
ಘಮಘಮ ಸುಶರೀರಾ ಶ್ಯಾಮ! (ಮ)
-ನ ಮಂದಿರ ಅಲಂಕಾರಾ ಶ್ಯಾಮ! (ದೃ)
-ಶ್ಯಾನಂದ ವರ ಗಂಭೀರಾ ಶ್ಯಾಮ!
-ಮಮ ನಿರಂಜನಾದಿತ್ಯಾ ಶ್ಯಾಮ!!!

ಆರಿಂದಾರಿಗೆ ಅಡ್ಡಿಯಪ್ಪಾ! [ಊ]

-ರಿಂದೂರಿಗೇಕೆ ಹೋಗಲಪ್ಪಾ?
ದಾರಿ ಎಲ್ಲಿರಿಗೊಂದೇ ಅಪ್ಪಾ! (ಹ)
-ರಿಗುಣಗಾನವ ಮಾಡಪ್ಪಾ! (ಹ)
-ಗೆತನ ಬಿಟ್ಟು ಬದುಕಪ್ಪಾ!
ಅನ್ಯರೇನಂದರೇನಾಯ್ತಪ್ಪಾ? (ಬ)
-ಡ್ಡಿ ಸಹಿತ ತೆರಬೇಕಪ್ಪಾ! (ಭ)
-ಯವೇಕೆ ನಿನಗಿನಿತಪ್ಪಾ? (ಅ)
-ಪ್ಪಾ! ನಿರಂಜನಾದಿತ್ಯಾಗಿಪ್ಪಾ!!!

ಸರ್ವಾತ್ಮಾನಂದ ಪ್ರತಿಭಾ! (ಗೀ)

-ರ್ವಾಣಿ ಪ್ರಸಾದ ಪ್ರತಿಭಾ! (ಆ)
-ತ್ಮಾನು ಸಂಧಾನ ಪ್ರತಿಭಾ! (ಅ)
-ನಂಗನುಪೇಕ್ಷೆ ಪ್ರತಿಭಾ! (ಮ)
-ದವಿಲ್ಲದುದೇ ಪ್ರತಿಭಾ!
ಪ್ರಮಾಣಿಕತೆ ಪ್ರತಿಭಾ!
ತಿತಿಕ್ಷೆಯದು ಪ್ರತಿಭಾ! (ಶೋ)
-ಭಾ ನಿರಂಜನ ಪ್ರತಿಭಾ!!!

ನನ್ನಿಂದ ಚತುರ್ವೇದಗಳಪ್ಪಾ! (ನ)

-ನ್ನಿಂದೆಲ್ಲಾ ಕಾರ್ಯ ಕಲಾಪವಪ್ಪಾ!
ದಶೇಂದ್ರಿಯದಲ್ಲೂ ಇಹೆನಪ್ಪಾ!
ಚರಾಚರ ಲೀಲಾ ನಾಟಕಪ್ಪಾ!
ತುದಿ ಮೊದಲಿಲ್ಲ ಇದಕಪ್ಪಾ! (ಸ)
-ರ್ವೇಶ್ವರ ನಾಗಾಗಿರುವೆನಪ್ಪಾ!
ದತ್ತ ಜೀವಾತ್ಮೇಕ ರೂಪನಪ್ಪಾ!
ಗಗನಮಣಿ ಹೀಗಿಹನಪ್ಪಾ! (ಕ)
-ಳವಳ ಪಡದೆ ನಾನಾಗಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯನಾನಪ್ಪಾ!!!

ಮುಸುಕನು ತೆಗಿಯೋ ಮುಕ್ಕಣ್ಣಾ!

ಸುಮುಖವನು ತೋರೋ ಸೋಮಣ್ಣಾ!
ಕಲಿಮಲ ಕಳೆಯೋ ಕಾಲಣ್ಣಾ! (ಅ)
-ನುಪಮ ರೂಪ ಮಾರಹರಣ್ಣಾ!
ತೆರೆಮರೆ ಹರಿಯೋ ಶಿವಣ್ಣಾ!
ಗಿರಿಜಾವರ ಗಿರೀಶ್ವರಣ್ಣಾ!
ಯೋಗಿರಾಜ ಶಿವಶಂಕರಣ್ಣಾ!
ಮುಕ್ತಿಪ್ರದಾತ ಗುರು ದತ್ತಣ್ಣಾ! (ಅ)
-ಕ್ಕರೆಯ ಬೀರೋ ಫಣೆಗಣ್ಣಣ್ಣಾ! (ಅ)
-ಣ್ಣಾ! ನಿರಂಜನಾದಿತ್ಯಾನಂದಣ್ಣಾ!!!

ಅನಾವರಣಾನಂದೋತ್ಸವವಯ್ಯಾ!

ನಾಮ, ರೂಪ ಬಿಡುಗಡೆಯಿದಯ್ಯಾ!
ವರ ಗುರುಕೃಪೆ ಬೇಕಿದಕಯ್ಯಾ!
ರತ್ನಮಂಟಪ ಹೃದಯದಲಯ್ಯಾ! (ಗು)
-ಣಾತಿಶಯ ವರ್ಣನಾತೀತವಯ್ಯಾ!
ನಂದಕಂದನ ಗೀತಾನಂದವಯ್ಯಾ!
ದೋಷದೂರ ನಿಜರೂಪವಿದಯ್ಯಾ! (ಸ)
-ತ್ಸಹವಾಸವಿದಕಗತ್ಯವಯ್ಯಾ!
ವಸ್ತುವಾಹನ ಬೇಕಿಲ್ಲದಕಯ್ಯಾ! (ಭಾ)
-ವ ಭಕ್ತಿಯೊಂದಿದ್ದರದೇ ಸಾಕಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯೋತ್ಸವದಯ್ಯಾ!!!

ಅಪ್ಪನಂತಿಪ್ಪುದು ಸುದರ್ಶನಪ್ಪಾ! (ಅ)

-ಪ್ಪಣೆ ಪಾಲಿಪುದು ಸುದರ್ಶನಪ್ಪಾ!
ನಂದಕಂದಾನಂದ ಸುದರ್ಶನಪ್ಪಾ!
ತಿಳಿದುಳಿವದು ಸುದರ್ಶನಪ್ಪಾ! (ತ)
-ಪ್ಪ ಮಾಡದಿಪ್ಪದು ಸುದರ್ಶನಪ್ಪಾ!
ದುಸ್ಸಂಘ ದೂರದು ಸುದರ್ಶನಪ್ಪಾ!
ಸುಗುಣ ಭಾಂಡದು ಸುದರ್ಶನಪ್ಪಾ! (ಆ)
-ದರ್ಶದ ಬಾಳದು ಸುದರ್ಶನಪ್ಪಾ! (ದ)
-ರ್ಶನಾನಂದವದು ಸುದರ್ಶನಪ್ಪಾ!
ನಶ್ವರವಲ್ಲದು ಸುದರ್ಶನಪ್ಪಾ! (ಅ)
-ಪ್ಪಾ ನಿರಂಜನಾದಿತ್ಯಾದರ್ಶನಪ್ಪಾ!!!

ಬಂಧನಾ ಭವ ಬಂಧನಾ!

ಧನ, ಕನಕ ಬಂಧನಾ!
‘ನಾ’ ‘ನೀ’ ನೆಂಬುದು ಬಂಧನಾ!
ಭವನ, ಭಾರ್ಯಾ ಬಂಧನಾ!
ವಸ್ತು ವಾಹನ ಬಂಧನಾ!
ಬಂಧು, ಬಳಗ ಬಂಧನಾ! (ಸಾ)
-ಧಕಗಿದೆಲ್ಲಾ ಬಂಧನಾ!
ನಾನಾದಿತ್ಯ ನಿರಂಜನಾ!!!

ಪಾವನಾ ಪರಮ ಪಾವನಾ!

ವರ ರಾಮನಾಮ ಪಾವನಾ!
ನಾಶಕಾಮ ನಾಮ ಪಾವನಾ!
ಪರಮಾತ್ಮ ನಾಮ ಪಾವನಾ!
ರಮಾರಾಮ ನಾಮ ಪಾವನಾ!
ಮಮ ಪ್ರೇಮನಾಮ ಪಾವನಾ!
ಪಾಪ ಹರ ನಾಮ ಪಾವನಾ!
‘ನಾಮ’ ನಿರಂಜನ ಪಾವನಾ!!!

ಪಾವನಾ ಸದಾ ಜಪ ಜೀವನ ಪಾವನ!

ವರಗುರು ದರ್ಶನ ಜೀವನ ಪಾವನ!
ನಾನಾರೆಂಬರಿವಿನ ಜೀವನ ಪಾವನ!
ಸಕಾಲಿವೀಕಾಲೆಂಬ ಜೀವನ ಪಾವನ!
ದಾಸದಾಸ ನಾನೆಂಬ ಜೀವನ ಪಾವನ!
ಜಗದಾಸೆಯಳಿದ ಜೀವನ ಪಾವನ!
ಪರನಿಂದೆ ಮಾಡದ ಜೀವನ ಪಾವನ!
ಜೀವ, ದೇವ, ಭಾವೈಕ್ಯ ಜೀವನ ಪಾವನ!
ವರಾಂಜನೇಯನಂಥ ಜೀವನ ಪಾವನ!
ನಡೆ, ನುಡಿಯೊಂದಾದ ಜೀವನ ಪಾವನ!
ಪಾಶ ಹರಿದಿರುವ ಜೀವನ ಪಾವನ!
ವರ ನಾಮಭಜನಾ ಜೀವನ ಪಾವನ!
‘ನಾ’ ನಿರಂಜನಾದಿತ್ಯ ಜೀವನ ಪಾವನ!!!

ಉತ್ತಮಾ ಪುರುಷೋತ್ತಮ! (ಅ)

-ತ್ತ ಇತ್ತಾ ಪುರುಷೋತ್ತಮ!
ಮಾಧವಾ ಪುರುಷೋತ್ತಮ!
ಪುರಾಣ ಪುರುಷೋತ್ತಮ! (ಗು)
-ರುರಾಮಾ ಪುರುಷೋತ್ತಮ! (ವೇ)
-ಷೋತ್ತಮಾ ಪುರುಷೋತ್ತಮ! (ಉ)
-ತ್ತಮಾಂಗಾ ಪುರುಷೋತ್ತಮ! (ಮ)
-ಮ ನಿರಂಜನಾ ಉತ್ತಮ!!!

ಉತ್ಸವಾ ಸಚ್ಚಿದಾನಂದಾತ್ಮೋತ್ಸವ! (ಸ)

-ತ್ಸಹವಾಸ ಸತತಾನಂದೋತ್ಸವ! (ಭಾ)
-ವಾನಂದಾ ಶ್ರೀರಾಮ ಭಜನೋತ್ಸವ!
ಸಹಜಾನಂದಾರಾಮ ಜನ್ಮೋತ್ಸವ! (ಸ)
-ಚ್ಚಿದಾತ್ಮಾನಂದ ಸ್ಥಿತಿ ನಿತ್ಯೋತ್ಸವ! (ಸ)
-ದಾನಂದಾ ನಾಮ ಸಂಕೀರ್ತನೋತ್ಸವ! (ಆ)
-ನಂದತ್ಯಾನಂದಾ ಪಾದ ಪೂಜೋತ್ಸವ!
-ದಾತ, ನಾಥಾಂಜನೇಯ ಭಾವೋತ್ಸವ! (ಆ)
-ತ್ಮೋತ್ಸವಾರಾಮ ಸರ್ನೋತ್ತಮೋತ್ಸವ! (ಉ)
-ತ್ಸವಾರಾಮ ಪಟ್ಟಾಭಿಷೇಕೋತ್ಸವ!
ವರ ನಿರಂಜನಾದಿತ್ಯನುತ್ಸವ!!!

ಆನಂದಾ ಶಿವಪೂಜಾನಂದ! (ಅ)

-ನಂಗಭಂಗನಂಗಾಂಗಾನಂದ! (ಸ)
-ದಾಶಿವ ಸೇವಾ ಲಭ್ಯಾನಂದ!
ಶಿವಗುರು ಶಂಕರಾನಂದ! (ಭ)
-ವರೋಗ ಹರ ಶಿವಾನಂದ!
ಪೂರ್ಣವಾ ಶಿವ ನಾಮಾನಂದ! (ಅ)
-ಜಾದಿ ವಂದ್ಯ ಸುಂದರಾನಂದ! (ಆ)
-ನಂದಾ ಲಿಂಗ ಪೂಜತ್ಯಾನಂದ! (ಪಾ)
-ದ ನಿರಂಜನಾದಿತ್ಯಾನಂದ!!!

ಜನನೀ ಜಗಜ್ಜನನೀ! (ಮ)

-ನ ಮಂದಿರ ನಿವಾಸಿನೀ!
ನೀತಿ, ರೀತಿಯೋಲ್ಲಾಸಿನೀ!
ಜನ್ಮ ಪಾವನ ಕಾರಿಣೀ!
ಗತಿ, ಸ್ಥಿತಿ, ಸಂಚಾಲಿನೀ! (ಸ)
-ಜ್ಜನ ಭಾವ ಪ್ರಚೋದಿನೀ!
ನರ ಸುರ ಶಿರೋಮಣೀ!
‘ನೀ’ ನಿರಂಜನ ರೂಪಿಣೀ!!!

ದೇವಾ ಸದ್ಗುರು ಮಹಾದೇವ!

ವಾಚಾಮಗೋಚರನಾ ದೇವ!
ಸರ್ವಲೋಕನಾಯಕಾ ದೇವ! (ಸ)
-ದ್ಗುರು ಸಚ್ಚಿದಾನಂದಾ ದೇವ! (ಗು)
-ರು ಬ್ರಹ್ಮ ವಿಷ್ಣು ಶಿವಾ ದೇವ! (ರಾ)
-ಮ ಶ್ಯಾಮ ಗುಣಧಾಮಾ ದೇವ! (ಮ)
-ಹಾ ಮಹಿಮಾತ್ಮಾರಾಮಾ ದೇವ!
ದೇವ ದೇವೆಲ್ಲಾ ನಾಮಾ ದೇವ! (ದೇ)
-ವ ನಿರಂಜನಾದಿತ್ಯಾ ದೇವ!!!

ಪಾಲಕಾ ಗೋಪ ಬಾಲಕಾ! (ಬ)

-ಲರಾಮಾತ್ಮಿಕಾ ಬಾಲಕಾ!
ಕಾಳಿಂಗಾಂತಕಾ ಬಾಲಕಾ!
ಗೋಪೀ ಮೋಹಕಾ ಬಾಲಕಾ!
ಪರಮಾಸ್ತಿಕಾ ಬಾಲಕಾ!
ಬಾಲ ಭಾವಿಕಾ ಬಾಲಕಾ!
ಲಯಕಾರಕಾ ಬಾಲಕಾ!
ಕಾಯ್ವಾ ನಿರಂಜನಾಂಬಕಾ!!!

ಕೇಶವಗಾವೂರಯ್ಯಾ! (ವ)

-ಶವವಗೆಲ್ಲೂರಯ್ಯಾ! (ಅ)
-ವನೆಲ್ಲರವನಯ್ಯಾ!
ಗಾಳಿಯಂತಿಹನಯ್ಯಾ! (ಆ)
-ವೂರೀವೂರೆಂದಿಲ್ಲಯ್ಯಾ! (ವ)
-ರ ನಾಮಾನಂದನಯ್ಯಾ! (ಅ)
-ಯ್ಯಾತ ನಿರಂಜನಯ್ಯಾ!!!

ಆನ್ಯರುನ್ನತಿಗಸಹನೇಕಪ್ಪಯ್ಯಾ! (ಮಾ)

-ನ್ಯತೆ ನಿನಗದರಿಂದೇನಾಯ್ತಪ್ಪಯ್ಯಾ! (ಕ)
-ರುಬೆಂಬುದತಿಹೇಯಗುಣವಪ್ಪಯ್ಯಾ! (ನಿ)
-ನ್ನ ಏಳಿಗೆ ನೀ ಸಾಧಿಸಬೇಕಪ್ಪಯ್ಯಾ!
ತಿರುಪತಿ ದಾಸ ನೀನಲ್ಲೇನಪ್ಪಯ್ಯಾ!
ಗಡಿಬಿಡಿ ನಿನಗೆ ಒಪ್ಪದಪ್ಪಯ್ಯಾ!
ಸಜ್ಜನ ನೀನಂತಿರಬಾರದಪ್ಪಯ್ಯಾ!
ಹರಿ ಸರ್ವಾಂತರ್ಯಾಮಿ ನೋಡಪ್ಪಯ್ಯಾ!
ನೇಮದಿಂದವನ ನೀ ಭಜಿಸಪ್ಪಯ್ಯಾ!
ಕರ್ಮಕ್ಕೆ ತಕ್ಕ ಫಲ ಬಪ್ಪುದಪ್ಪಯ್ಯಾ! (ಅ)
-ಪ್ಪನಂತೆ ನೀನಾಗಬೇಡವೇನಪ್ಪಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ವೆಂಕಟಪ್ಪಯ್ಯಾ!!!

ಅರುಣಾಚಲ ಭಕ್ತನಯ್ಯಾ! (ಗು)

-ರುಸೇವಾ ಧುರೀಣಾತನಯ್ಯಾ! (ಗು)
-ಣಾತಿಶಯ ಬಣ್ಣಿಪೆನಯ್ಯಾ! (ಅ)
-ಚಲ ವಿಶ್ವಾಸಿಯವನಯ್ಯಾ! (ಅ)
-ಲಕ್ಷ್ಯವಗಿಹ ಜೀವನಯ್ಯಾ!
ಭಜನಾಸಕ್ತನವನಯ್ಯಾ! (ಭ)
-ಕ್ತನೀತಾದಿತ್ಯ ಭಕ್ತನಯ್ಯಾ!
ನಯ, ವಿನಯಾ ದರ್ಶನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನಯ್ಯಾ!!!

ಹರಿದಾಸನಾಗಬೇಕಯ್ಯಾ! (ಅ)

-ರಿ ದಾಸ್ಯ ಹರಿಯಬೇಕಯ್ಯಾ! (ಅ)


ಹ

ತೊ


-ರಿಗಳಾರ ಜೈಸಬೇಕಯ್ಯಾ!
ದಾರಿ ನೇರಾಗಿರಬೇಕಯ್ಯಾ!
ಸರ್ವ ಪರಿತ್ಯಾಗ ಬೇಕಯ್ಯಾ!
ನಾಮವೊಂದೇ ಇರಬೇಕಯ್ಯಾ!
ಗತಿ ಮುಕ್ತಿಗಾಗಬೇಕಯ್ಯಾ!
ಬೇರೆ ಮಾತು ಬಿಡಬೇಕಯ್ಯಾ!
ಕರ್ಮ, ಧರ್ಮವಿರಬೇಕಯ್ಯಾ! (ಅ)
-ಯ್ಯಾ! ನಿರಂಜನನಾ ದಾಸಯ್ಯಾ!!!

ಜಗವನಾಳುವುದು ದೈವೀ ಶಕ್ತಿ!

ಗತಿಯಿದಕಿರಬೇಕುಚ್ಛ ಸ್ಥಿತಿ!
ವರವಿಚಾರಕಿರಬೇಕಾಸಕ್ತಿ!
ನಾಶವಾಗುವುದೆಲ್ಲಾ ಯುಕ್ತಿ! (ಕೀ)
-ಳು ವಿಷಯದಿಂದಾಗುವುದಶಕ್ತಿ! (ಸಾ)
-ವು, ನೋವೆಲ್ಲಾ ಶರೀರ ಸಂಬಂಧೋಕ್ತಿ!
ದುರ್ಬಲಕೆ ಕಾರಣ ಮಾಯಾವೃತ್ತಿ!
ದೈವಿಕಭ್ಯಾಸದಿಂದ ಆತ್ಮ ಶಕ್ತಿ!
ವೀತರಾಗ, ಭಯ, ಕ್ರೋಧತಿಶಕ್ತಿ!

ವೀರ್ಯ ವೃದ್ಧಿಯಿಂದ ಬಹಳ ಶಕ್ತಿ!
ಶಕ್ತಿಯಿದರಿಂದರಿಷ್ಟ ನಿವೃತ್ತಿ! (ಭ)
-ಕ್ತಿ ನಿರಂಜನಾದಿತ್ಯನಲಿ ಶಕ್ತಿ!!!

ನಿನ್ನಂತಾಗದವನೆಂತು ದೇವಯ್ಯಾ? [ಅ]

-ನ್ನಂಬರದಾಸೆ ಸುಟ್ಟವ ದೇವಯ್ಯಾ!
ತಾಸಿಗೊಂದಾಸೆಯಾದರೆಂತು ದೇವಯ್ಯಾ? (ಜ)
-ಗವೆಲ್ಲಾ ತಾನಾಗಿಪ್ಪಾವ ದೇವಯ್ಯಾ! (ಅ)
-ದನಿದನಾಶಿಪುದೆಂತು ದೇವಯ್ಯಾ?
ವರ ಪರಿಪೂರ್ಣನವ ದೇವಯ್ಯಾ!
ನೆಂಟರಿಷ್ಟರೆಲ್ಲರಿಗೆ ದೇವಯ್ಯಾ! (ಮಾ)
-ತು ಬೇರೆ ಬೇಕೇತಕಿನ್ನು ದೇವಯ್ಯಾ!
ದೇವ ನಿನ್ನಂತಾದವನೇ ದೇವಯ್ಯಾ!
ವರವಿದನುಗ್ರಹಿಸು ದೇವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ‘ನೀ’ ದೇವಯ್ಯಾ!!!

ನಾನಿನ್ನ ರೂಪ, ಸರ್ವನಾಮ ರೂಪ!

ನಿನ್ನ ಸ್ಮರಣೆ ನನ್ನ ಸುಸ್ವರೂಪ! (ಚ)
-ನ್ನಕೇಶವನೆಂಬುದದೊಂದು ರೂಪ!
ರೂಪವಿದು ಶ್ರೀದೇವಿಯಾತ್ಮರೂಪ!
ಪರಮಾನಂದ ಕನಕನಾ ರೂಪ!
ಸದಾ ಜಪಕಿದು ಸಾಯುಜ್ಯರೂಪ! (ಸ)
-ರ್ವಧರ್ಮ ಕರ್ಮಾಧಾರಮರ ರೂಪ!
ನಾಮ ನಿರಂಜನನಾನಂದ ರೂಪ!
ಮರಣ ದುಃಖ ಶಾಂತಿಗಿದೇ ರೂಪ!
ರೂಪಾರೂಪವಿಲ್ಲದಿದೇ ಸ್ವರೂಪ! (ರೂ)
-ಪ, ನಿರಂಜನಾದಿತ್ಯ ನಿತ್ಯರೂಪ!!!

ಶಿವ ಶಿವಾ ಶ್ರೀ ಶಂಕರಾ!

ವರ ಯೋಗೀಶ್ವರೇಶ್ವರಾ!
ಶಿಖಿವಾಹನಾತ್ಮೇಶ್ವರಾ!
ವಾಹನಾ ಶ್ರೀ ನಂದೀಶ್ವರಾ!
ಶ್ರೀಗುರು ಪರಮೇಶ್ವರಾ!
ಶಂಭೋ ಶಿವ ನಾಂಬೇಶ್ವರಾ!
ಕರಿವರ ಚರ್ಮಾಂಬರಾ! (ಹ)
-ರಾ ನಿರಂಜನಾರ್ಕೇಶ್ವರಾ!!!

ಮನೆ ಎಲ್ಲಾ ನಿದ್ದೆ ನಾನೆದ್ದೆ! (ಬೇ)

-ನೆ ಬೇಸರಿಲ್ಲದೆ ನಾನಿದ್ದೆ!
ಎನಗಾರಾತಂಕವೆಂದಿದ್ದೆ! (ಎ)
-ಲ್ಲಾ ಗುರುಕರುಣೆಯೆಂದಿದ್ದೆ!
ನಿದ್ದೆ ಬರದಿರಲೆಂದಿದ್ದೆ! (ಎ)
-ದ್ದೆ, ನಿಜಾನಂದವಿದೆಂದಿದ್ದೆ!
ನಾಮಾನಂದಾನಂದದಿಂದಿದ್ದೆ! (ಮ)
-ನೆ ಮಂದಿ ಎದ್ದಾಗ ‘ನಾ’ ನಿದ್ದೆ! (ಎ)
-ದ್ದೆ ನಿರಂಜನಾದಿತ್ಯಾಗೆದ್ದೆ!!!

ಪತಿತ ಪಾವನನುಪಮ ಧಾಮ!

ತಿರುಪತಿ ದೇವನ ಪುಣ್ಯ ಧಾಮ!
ತಪಸಿಗಾರಾಮಾ ವೈಕುಂಠ ಧಾಮ!
ಪಾಪ ನಿರ್ಲೇಪಕರ ಪರಂಧಾಮ!
ವರ ಪ್ರಸಾದಕದಾದರ್ಶ ಧಾಮ!
ನರ, ಸುರರೆಲ್ಲರಾನಂದ ಧಾಮ! (ಅ)
-ನುದಿನ ಕನಕ ಕಾಣಿಕಾ ಧಾಮ!
ಪರ್ವತಾಗ್ರದಲಾ ಗೋವಿಂದ ಧಾಮ!
ಮರ್ತ್ಯ ಲೋಕಕಿದದ್ಭುತ ಧಾಮ!
ಧಾಮಾ ನಿರಂಜನ ಸಾಯುಜ್ಯ ಧಾಮ!
ಮಮ ನಿರಂಜನಾದಿತ್ಯನಾ ಧಾಮ!!!

ಪತಿತ ಪಾವನ ನಾಮ ರಾಮ! (ಸ)

-ತಿ ಸೀತಾ ಸಮೇತಾನಂದ ರಾಮ!
ತರಣಿಕುಲ ಲಲಾಮ ರಾಮ!
ಪಾದಸೇವಾ ಭ್ರಾತೃ ಪ್ರೇಮ ರಾಮ!
ವರಾಂಜನೇಯ ಸೇವ್ಯ ಶ್ರೀರಾಮ!
ನತಹಲ್ಯೋದ್ಧಾರ ರಘುರಾಮ!
ನಾಮ ಶಿವಗಾನಂದ ಶ್ರೀರಾಮ!
ಮಹಾಮಹಿಮಾ ನಾಮ ಶ್ರೀರಾಮ!
ರಾಕ್ಷಸಾಂತಕ ವೀರ ಶ್ರೀರಾಮ!
ಮಮ ನಿರಂಜನಾದಿತ್ಯಾ ರಾಮ!!!

ನಿತ್ಯ, ಸತ್ಯ, ದತ್ತ ದೇವೋತ್ತಮ! [ಭೃ]

-ತ್ಯನಿವಗಾದವ ಜೀವೋತ್ತಮ!
ಸದಾ ಭಜಿಪವ ಭಕ್ತೋತ್ತಮ! (ಸ)
-ತ್ಯದಭ್ಯಾಸದವ ಸರ್ವೋತ್ತಮ!
ದರ್ಶನವಾದವ ದಾಸೋತ್ತಮ! (ಚಿ)
-ತ್ತ ಶುದ್ಧಿಯಾದವ ಮುಕ್ತೋತ್ತಮ!
ದೇವ ಭಾವದವ ಆತ್ಮೋತ್ತಮ! (ಸಾ)
-ವೋವರಿಯದವ ಸ್ಥಿತೋತ್ತಮ! (ಅ)
-ತ್ತ ಇತ್ತೆತ್ತೆತ್ತಾತ ದತ್ತೋತ್ತಮ!
ಮಮ, ನಿರಂಜನಾದಿತ್ಯೋತ್ತಮ!!!

ಬೇಕಾದಾಗೇಕೆ ಬೇಕೆಂದಾಲೋಚಿಸಕ್ಕಾ!

ಕಾಮವ ನೀನಿಂತಡಗಿಸಬೇಕಕ್ಕಾ!
ದಾರಿಯಿದಾರಾಮ ನಿಜರೂಪಕಕ್ಕಾ! (ಆ)
-ಗೇಟು, ಕಾಟ, ಪೇಚಾಟ ತಪ್ಪುವುದಕ್ಕಾ!
ಕೆನೆಮೊಸರ ಕಡೆದು ಬೆಣ್ಣೆಯಕ್ಕಾ!
ಕೆಂಜೆಡೊಡೆಯನ ಮಡದಿ ಹೀಗಕ್ಕಾ!
ದಾಯಾದಿಗಳಾಗ ಬಿಟ್ಟೋಡುವರಕ್ಕಾ!
ಲೋಭ ಮೋಹದಿಂದೆಲ್ಲಾ ಕಷ್ಟಗಳಕ್ಕಾ!
ಚಿರ ಸುಖಕಾಗಿದ ಬಿಡಬೇಕಕ್ಕಾ!
ಸದ್ಗುರು ಸೇವೆ ಇದಕೆ ದಾರಿಯಕ್ಕಾ! (ಅ)
-ಕ್ಕಾ! ನಿರಂಜನಾದಿತ್ಯ ಗುರುದತ್ತಕ್ಕಾ!!!

ಕುಮಾರಾರಾಧನೆಯೂಟ ಸವಿಯಯ್ಯಾ!

ಮಾರಹರಗಿದತ್ಯಂತ ಹಿತವಯ್ಯಾ!
ರಾಗ, ದ್ವೇಷಗಳಿಲ್ಲದೂಟವಿದಯ್ಯಾ!
ರಾತ್ರಿ ಭಜನೆಯಿಂದಿದು ಪೂರ್ಣವಯ್ಯಾ!
ಧರ್ಮವಿದಕಿಂತಿನ್ನೇನುತ್ತಮವಯ್ಯಾ!
ನೆರೆ ಮನೆಯ ಹಂಗಿದಕಿಲ್ಲವಯ್ಯಾ! (ತಾ)
-ಯೂರಿನಲ್ಲಿದಾಗುವುದುತ್ತಮವಯ್ಯಾ! (ಕಾ)
-ಟವಿಲ್ಲಾರದೂ ಇಲ್ಲದಿರುವುದಯ್ಯಾ!
ಸಜ್ಜನರೆಲ್ಲಾ ಸಹಕರಿಪರಯ್ಯಾ!
ವಿಧಿ, ನಿಷೇಧಗಳೇನೂ ಇಲ್ಲವಯ್ಯಾ! (ಕಾ)
-ಯ, ಮನ, ಮಾತು ಶುದ್ಧವಿದ್ದರಾಯ್ತಯ್ಯಾ! (ಅ)
-ಯ್ಯಾ, ನಿರಂಜನಾದಿತ್ಯಗಾ ಊಟವಯ್ಯಾ!!!

ಊಟ ನಿಧಾನವಾದರೇನಮ್ಮಾ? [ಕಾ]

-ಟವಿರದಿರುವುದಗತ್ಯಮ್ಮಾ!
ನಿತ್ಯ ಸೇವೆ ಬಿಡಲಾಗದಮ್ಮಾ! (ನಿ)
-ಧಾನವಿದಕಾದರಾಗದಮ್ಮಾ! (ಮ)
-ನವಿದನರಿತಿರಬೇಕಮ್ಮಾ!
ವಾದಿಸಿ ಫಲವೇನಿಲ್ಲವಮ್ಮಾ!
ದಮನ ಶಕ್ತಿ ಹೆಚ್ಚಬೇಕಮ್ಮಾ! (ಆ)
-ರೇನೆಂದರೂ ಕೇಳಬಾರದಮ್ಮಾ!
ನಶ್ವರವೀ ಶರೀರ ಕಾಣಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯಾನಂದಮ್ಮಾ!!!

ಗೋಪಾಲಕೃಷ್ಣಾ! ರಾಧಾಕೃಷ್ಣಾ! (ಭೂ)

-ಪಾಲ ಕೃಷ್ಣಾ! ಗೋಪಾಲ ಕೃಷ್ಣಾ!
ಲಕ್ಷ್ಮೀಶ ಕೃಷ್ಣಾ! ರಾಮ ಕೃಷ್ಣಾ!
ಕೃಪಾಳು ಕೃಷ್ಣಾ! ಬಾಲ ಕೃಷ್ಣಾ! (ಕೃ)
-ಷ್ಣಾ! ದ್ರೌಪದಿಯಾನಂದ ಕೃಷ್ಣಾ!
ರಾಜೇಂದ್ರಾ ಕೃಷ್ಣಾಂಗ ಶ್ರೀಕೃಷ್ಣಾ! (ಸು)
-ಧಾಮ ಬಂಧು ಸುಂದರ ಕೃಷ್ಣಾ!
ಕೃಷ್ಣಾ ಕೃಷ್ಣಾ! ಗೋವಿಂದ ಕೃಷ್ಣಾ! (ಕೃ)
-ಷ್ಣಾ! ನಿರಂಜನಾದಿತ್ಯಾ ಕೃಷ್ಣಾ!!!

ಗೋಪಾಲಕೃಷ್ಣ, ರಾಧಾಕೃಷ್ಣ!

ಪಾಪದಿ ದೂರ, ಭೂಪ, ಶ್ರೀ ಕೃಷ್ಣ! (ಬಾ)
-ಲ ಲೀಲಾ ವಿನೋದ ಶ್ರೀ ಕೃಷ್ಣ!
ಕೃಪಾಳು ಕೃಷ್ಣಾಂಗ ಶ್ರೀ ಕೃಷ್ಣ! (ಕೃ)
-ಷ್ಣ! ರುಕ್ಮೀಣೀ ಪ್ರಿಯ ಶ್ರೀ ಕೃಷ್ಣ!
ರಾಜೀವಲೋಚನ ಶ್ರೀ ಕೃಷ್ಣ! (ಸು)
-ಧಾಮ, ಪ್ರೇಮಧಾಮ ಶ್ರೀ ಕೃಷ್ಣ!
ಕೃಷ್ಣ, ಗೋವಿಂದ ಜೈ ಶ್ರೀ ಕೃಷ್ಣ! (ಕೃ)
-ಷ್ಣ, ನಿರಂಜನಾನಂದ ಕೃಷ್ಣ!!!

ಗೋಪಾಲಕೃಷ್ಣ, ರಾಧಾಕೃಷ್ಣ!

ಪಾರ್ಥನಾಥ ಜೈ ರಾಧಾಕೃಷ್ಣ! (ಬಾ)
-ಲ, ಗೋಪೀಲೋಲ ರಾಧಾಕೃಷ್ಣ!
ಕೃಷ್ಣ ಕೇಶವ ರಾಧಾಕೃಷ್ಣ! (ಕೃ)
-ಷ್ಣ ಮಾಧವ ಜೈ ರಾಧಾಕೃಷ್ಣ!
ರಾಸ ವಿಲಾಸ ರಾಧಾಕೃಷ್ಣ! (ಸು)
-ಧಾನಂದ ದಾತ ರಾಧಾಕೃಷ್ಣ!
ಕೃಪಾವತಾರ ರಾಧಾಕೃಷ್ಣ! (ಕೃ)
-ಷ್ಣ ನಿರಂಜನ ರಾಧಾಕೃಷ್ಣ!!!

ಗೋಪಾಲಾ ಬಹು ಲೀಲಾ!

ಪಾಲನಾನಂದ ಬಾಲಾ! (ಪಾ)
-ಲಾನಂದಾನಂದ ಬಾಲಾ!
ಬಲಾತ್ಮಾನಂದ ಬಾಲಾ! (ಬ)
-ಹುರೂಪಾನಂದ ಬಾಲಾ! ‘(ಹೋ)
-ಲೀ’ ಮೇಳಾನಂದ ಬಾಲಾ! (ನೀ)
-ಲಾ ನಿರಂಜನ ಬಾಲಾ!!!

ವರದಾಯಕಾ ವಿನಾಯಕಾ! (ಹ)

-ರ ಪ್ರಿಯಾತ್ಮಿಕಾ ವಿನಾಯಕಾ! (ಸ)
-ದಾನಂದಾತ್ಮಿಕಾ ವಿನಾಯಕಾ! (ಭ)
-ಯ ವಿದಾರಕಾ ವಿನಾಯಕಾ!
ಕಾರ್ಯಕಾರಕಾ ವಿನಾಯಕಾ!
ವಿಮಲಾತ್ಮಿಕಾ ವಿನಾಯಕಾ!
ನಾದಾಧಾರಕಾ ವಿನಾಯಕಾ! (ಜ)
-ಯ ಪ್ರದಾಯಕಾ ವಿನಾಯಕಾ! (ಏ)
-ಕಾ ನಿರಂಜನ ವಿನಾಯಕಾ!!!

ಮಾಧವಾನಂದಾತ್ಮ ಭಾವ!

ಧರ್ಮ ಕರ್ಮಕಿದೇ ಭಾವ! (ಭ)
-ವಾರಿಷ್ಟ ವಿನಾಶಾ ಭಾವ!
ನಂದಕಂದಾನಂದಾ ಭಾವ!
ದಾಸ ಹನುಮನಾ ಭಾವ! (ಆ)
-ತ್ಮರಾಮಾನಂದದಾ ಭಾವ!
ಭಾಗ್ಯವಿದೆಲ್ಲಾತ್ಮ ಭಾವ! (ಭಾ)
-ವ ನಿರಂಜನಾತ್ಮ ಭಾವ!!!

ಗೋಪಾಲನಾನಂದನಾ ಗೋವಿಂದನಾ!

ಪಾಲ್ಮೊಸರು ಬೆಣ್ಣೆ ಪ್ರೇಮಾನಂದ ನಾ!
ಲಕ್ಷ್ಯಾತ್ಮಾರಾಮಾನಂದ ಮುಕುಂದ ನಾ!
ನಾದ, ಬಿಂದು ಕಲಾತೀತಾನಂದ ನಾ! (ಅ)
-ನಂಗ ಪಿತನಾ ಶ್ರೀ ರಂಗನಾಥ ನಾ!
ದಯಾನಂದ ನಾ ಸುಧಾಮಸಖ ನಾ!
ನಾಮ, ರೂಪಾನಂದ ನಾ ವರದ ನಾ!
ಗೋಪೀ ಮನಮೋಹನ ನಾ ಗೋಪ ನಾ! (ರ)
-ವಿಂದ್ರ, ಚಂದ್ರ ನಾ, ವಸುಂಧರೇಂದ್ರ ನಾ!
ದತ್ತ ನಾ, ಶ್ರೀಧರ ನಾ, ಶ್ರೀರಾಮ ನಾ!
‘ನಾ’ ನಿರಂಜನಾದಿತ್ಯ ಸರ್ವೇಶ ‘ನಾ’!!!

ಜೀವನ ನಿರಂಜನಾದಿತ್ಯ ಜೀವನ!

ವಚನ ನಿರಂಜನಾದಿತ್ಯ ವಚನ!
ನಮನ ನಿರಂಜನಾದಿತ್ಯ ನಮನ!
ನಿಧಾನ ನಿರಂಜನಾದಿತ್ಯ ನಿಧಾನ!
ರಂಜನ ನಿರಂಜನಾದಿತ್ಯ ರಂಜನ! (ಅ)
-ಜಘನ ನಿರಂಜನಾದಿತ್ಯ ಜಘನ!
ನಾಶನ ನಿರಂಜನಾದಿತ್ಯ ನಾಶನ!
ದಿವಾನ ನಿರಂಜನಾದಿತ್ಯ ದಿವಾನ! (ಸ)
-ತ್ಯಜ್ಞಾನ ನಿರಂಜನಾದಿತ್ಯನಾ ಜ್ಞಾನ! (ಸಂ)
-ಜೀವನ ನಿರಂಜನಾದಿತ್ಯ ಜೀವನ!
ವರ್ತನ ನಿರಂಜನಾದಿತ್ಯ ವರ್ತನ!
ನಮೋ ನಿರಂಜನಾದಿತ್ಯ ನಾರಾಯಣ!!!

(ಆ)-ನನ ನಿರಂಜನಾದಿತ್ಯ ನಾರಾಯಣ!!!

ರಾಮಾ, ರವಿಕುಲ ಸೋಮಾ, ಶ್ರೀರಾಮಾ!

ಮಾರಹರ, ಪ್ರೇಮಾನಾಮಾ, ಶ್ರೀ ರಾಮಾ! (ವ)
-ರ ಜಾನಕೀ ಪ್ರಿಯ ರಾಮಾ, ಶ್ರೀ ರಾಮ!
ವಿಭೀಷಣಾಶ್ರಯ ಧಾಮಾ, ಶ್ರೀ ರಾಮ!
ಕುಟಿಲಸುರಾರಿ ಭೀಮಾ, ಶ್ರೀ ರಾಮ!
ಲಕ್ಷ್ಮಣಾನುಜ ಸುಪ್ರೇಮಾ ಶ್ರೀ ರಾಮ!
ಸೋದರ ಭರತಾ ರಾಮಾ ಶ್ರೀ ರಾಮ!
ಮಾರೀಚಾದ್ಯರ ನಿರ್ನಾಮಾ, ಶ್ರೀ ರಾಮ!
‘ಶ್ರೀರಾಮ ಜೈ ರಾಮ ಜೈ ಜೈ ರಾಮ’!
ರಾಮನಾಮ ಪ್ರೇಮಾನಾಮಾ, ಶ್ರೀ ರಾಮ! (ರಾ)
-ಮ, ನಿರಂಜನಾದಿತ್ಯ ಸೀತಾ ರಾಮ!!!

ರಾಮಕೃಷ್ಣ ಸುಶೀಲಯ್ಯಾ!

ಮನವೈಕ್ಯದರಿಂದಯ್ಯಾ!
ಕೃಪೆಯಿಂದ ಸಿದ್ಧಿಯಯ್ಯಾ! (ಕೃ)
-ಷ್ಣ ಗೋವಿಂದ ಗೋಪಾಲಯ್ಯಾ!
ಸುದರ್ಶನವಿರಲಯ್ಯಾ!
ಶೀತೋಷ್ಣ ಸಮಾಗಲಯ್ಯಾ!
ಲಕ್ಷ್ಯಾತ್ಮನಲಿರಲಯ್ಯಾ!
ವರ್ತನೆ ಶುದ್ಧ ಬೇಕಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಯ್ಯಾ!!!

ದತ್ತನಾದೆ ನೀನು ತುಳಸಿ! (ಅ)

-ತ್ತ, ಇತ್ತ ಮೂರ್ಗೆಲ್ಲು ತುಳಸಿ!
ನಾಮ ನಿನಗೀಗ ತುಳಸಿ! (ಆ)
-ದೆಮಗಾಗಿ ದತ್ತ ತುಳಸಿ!
ನೀನೆಮಗೆ ಗುರು ತುಳಸಿ!
ನುಡಿನಿನಗಿಲ್ಲ ತುಳಸಿ!
ತುರ್ಯಾತೀತಿ ನೀನು ತುಳಸಿ! (ಬ)
-ಳಸ ಬಿಡು ನಿನ್ನ ತುಳಸಿ!
ಸಿದ್ಧ ನಿರಂಜನ ತುಳಸಿ!!!

ಸುಮ್ಮಗಿರಲು ಕಲಿಯಪ್ಪಾ! (ಅ)

-ಮ್ಮ ತಾನಾಗುಣಿಸುವಳಪ್ಪಾ!
ಗಿಡ, ಮರ ಹತ್ತಬೇಡಪ್ಪಾ!
ರಗಳೆ, ರಾಗವೆತ್ತಬೇಡಪ್ಪಾ! (ಬ)
-ಲು ಸಭ್ಯ ನೀನಾಗಬೇಕಪ್ಪಾ!
ಕಮಲಮಿತ್ರನ ನೋಡಪ್ಪಾ!
ಲಿಪ್ತನಾಗಿಹನೇನವಪ್ಪಾ?
ಯತ್ನಯಾರದೇನಿಹುದಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯಮ್ಮಪ್ಪಾ!!!

ವಿಮಲ ನಾಮ ವಿಜಯ ರಾಮ! (ಕ)

-ಮಲ ಮಿತ್ರ ಕುಲ ಜಾತ ರಾಮ! (ಜ)
-ಲಜನಾಭ ಜಯ ರಾಜ ರಾಮ!
ನಾಶ ಕಾಮ ಪ್ರೇಮ ಧಾಮ ರಾಮ!
ಮಹಿಮಾ ಸರ್ವ ನಾಮಾ ಶ್ರೀರಾಮ!
ವಿಷಹರ, ನಿರ್ದೋಷ ಶ್ರೀರಾಮ!
ಜನನ, ಮರಣ ದೂರಾ ಶ್ರೀರಾಮ! (ಭ)
-ಯಹರ, ಸುಖಕರ ಶ್ರೀರಾಮ! (ಆ)
-ರಾಮ, ಶ್ರೀರಾಮ, ವಿಜಯ ರಾಮ! (ರಾ)
-ಮ, ಜೈ ನಿರಂಜನಾದಿತ್ಯ ರಾಮ!!!

ಗೋವಿಂದಾ! ನೀನೆನಗಾನಂದಾ!! (ಓ)

-ವಿಂದ, ಬಂದೆನ್ನ ಸೇರೋ ನಂದಾ!! (ಸ)
-ದಾ ಸ

ಈಪವಿದ್ದರಾ ನಂದಾ!
ನೀನತ್ತಿತ್ತೋಡಬೇಡ ನಂದಾ!
ನೆಲ, ಹೊಲದಿಂದಿಲ್ಲಾ ನಂದಾ!
ನನಗೆ ನಿನ್ನಿಂದೆಲ್ಲಾನಂದಾ!
ಗಾಳಿಗೋಪುರ ಸಾಕೋ ನಂದಾ!
ನಂದಕಂದ, ಮುಕುಂದಾನಂದಾ! (ನಂ)
-ದಾ ನಿರಂಜನಾದಿತ್ಯಾನಂದಾ!!!

ಸೂರ್ಯ, ಸುವೀರ್ಯ, ಜಗಕಾರ್ಯ! (ಆ)

-ರ್ಯ, ಗಾಂಭೀರ್ಯ, ಸ್ವಧರ್ಮಕಾರ್ಯ!
ಸುದರ್ಶನ ಸುಪ್ರಸನ್ನಾರ್ಯಾ!
ವೀತರಾಗ ಸದ್ಗುರುವರ್ಯ! (ಕಾ)
-ರ್ಯ ಕಾರಣ ಕರ್ತಾದಿತ್ಯಾರ್ಯ!
ಜರಾಜನ್ಮ ದೂರಾಂಬರಾರ್ಯ!
ಗಹನ ಚತುರ್ವೇದಾಚಾರ್ಯ!
ಕಾಲ ಚಕ್ರೇಶ್ವರಾರ್ಯ ಸೂರ್ಯ! (ಸೂ)
-ರ್ಯ! ನಿರಂಜನಾದಿತ್ಯೌದಾರ್ಯ!!!

ಮಾವಿನ ಹಣ್ಣರ್ಪಣಾ!

ವಿಶ್ವರೂಪಗರ್ಪಣಾ (ವ)
-ನಜಸಖಗರ್ಪಣಾ! (ಅ)
-ಹರ್ನಿಶಿ ಜಪಾರ್ಪಣಾ! (ಅ)
-ಣ್ಣ ಶ್ರೀರಾಮಗರ್ಪಣಾ! (ಸ)
-ರ್ಪಶಾಯಿ ಕೃಷ್ಣಾರ್ಪಣಾ! (ರಾ)
-ಣಾ ನಿರಂಜನಾರ್ಪಣಾ!!!

ಮಾವಿನ ಹಣ್ಣು ನೇವೇದ್ಯ!

ವಿಶ್ವರೂಪಗಾ ನೇವೇದ್ಯ! (ವ)
-ನಜ ಸಖಗಾ ನೇವೇದ್ಯ! (ಅ)
-ಹರ್ನಿಶಿ ಧ್ಯಾನಾ ನೇವೇದ್ಯ! (ಹ)
-ಣ್ಣು ಮುಕ್ಕಣ್ಣಗಾ ನೇವೇದ್ಯ! (ತಿ)
-ನೇತ್ರ ಪುತ್ರಗಾ ನೇವೇದ್ಯ!
ವೇಣುಗಾನಗಾ ನೇವೇದ್ಯ! (ವೇ)
-ದ್ಯ ನಿರಂಜನ ನೇವೇದ್ಯ!!!

ಮಳೆ ಬಂದಾಯ್ತೆಲ್ಲಾ ಕೊಚ್ಚೆ! (ಬೆ)

-ಳೆಯೆಲ್ಲಾಯ್ತು ಅಚ್ಚ ಪಚ್ಚೆ!
ಬಂಧನವದೆಲ್ಲಾ ಕೊಚ್ಚೆ! (ಸ)
-ದಾ ಜಪದಿಂದೆಲ್ಲಾ ಪಚ್ಚೆ! (ಬಾ)
-ಯ್ತೆರೆದಾಡಿದರೆ ಕೊಚ್ಚೆ! (ಬ)
-ಲ್ಲಾತನ ಬಾಳೆಲ್ಲಾ ಪಚ್ಚೆ!
ಕೊರಗಿನಿಂದೆಲ್ಲಾ ಕೊಚ್ಚೆ! (ಪ)
-ಚ್ಚೆ, ನಿರಂಜನಾದಿತ್ಯೇಚ್ಛೆ!!!

ಹನಿ ಕೂಡಿ ಹಳ್ಳಮ್ಮಯ್ಯಾ!

ನಿತ್ಯ ಧ್ಯಾನ ಮಾಡಮ್ಮಯ್ಯ!
ಕೂಲಿಗಾಗಿ ಅಲ್ಲಮ್ಮಯ್ಯಾ! (ಹಾ)
-ಡಿ ಪಾಡಿ ಭಜಿಸಮ್ಮಯ್ಯಾ!
ಹರಿ, ಹರರೊಂದಮ್ಮಯ್ಯಾ! (ಕ)
-ಳ್ಳರು ಆಸೆಗಾಳಮ್ಮಯ್ಯಾ! (ಒ)
-ಮ್ಮನದಿಂದೋಡಸಮ್ಮಯ್ಯಾ! (ಅ)
-ಯ್ಯಾ! ನಿರಂಜನನಮ್ಮಯ್ಯಾ!!!

ವಿಶ್ವಾಸ ಫಲದಾಯಕಕ್ಕಾ!

ಶ್ವಾಸ ಸುವ್ಯವಸ್ಥೆ ಸುಖಕ್ಕಾ!
ಸರಳ, ಸಹಜ ಸುಖಕ್ಕಾ!
ಫಲ ಪರಮಾತ್ಮ ಸುಖಕ್ಕಾ!
ಲಕ್ಷ್ಯ ಸದಾ ಗುರು ಪಾದಕ್ಕಾ!
ದಾರಿ ಸದಾ ಜಪ ಸುಖಕ್ಕಾ!
ಯಮಪಿತಿನತಿ ಸುಖಕ್ಕಾ!
ಕರ್ಮ ಧರ್ಮ ನೇಮ ಸುಖಕ್ಕಾ! (ಅ)
-ಕ್ಕಾ ನಿರಂಜನಾದಿತ್ಯಾ ಸುಖ!!!

ಗಂಗಾ ಪ್ರಯಾಣಾನಂದ! (ಗಂ)

-ಗಾ ಶಿವನಿಗಾನಂದ!
ಪ್ರಧಾನ ಸರ್ವಾನಂದ! (ದ)
-ಯಾ ಶ್ರೀ ಹರಿಯಾನಂದ! (ಗು)
-ಣಾತಿಶಯಾತ್ಮಾನಂದ! (ಅ)
-ನಂಗ ವಿನಾಶಾನಂದ! (ನಂ)
-ದ ನಿರಂಜನಾನಂದ!!!

ಚಕ್ರ ತಿರುಗುತಿದೆ! (ವ)

-ಕ್ರ ತತ್ತರಿಸುತಿದೆ! (ಸ್ಥಿ)
-ತಿ ಉತ್ತಮಾಗುತಿದೆ! (ಅ)
-ರುಚಿ ಅಡಗುತಿದೆ!
ಗುಣ ಕಾಣಿಸುತಿದೆ! (ಮ)
-ತಿ ಪ್ರಕಾಶಿಸುತಿದೆ! (ಎ)
-ದೆ ನಿರಂಜನಾಗಿದೆ!!!

ಬಿಸಿಲು ಬಲವಾಗಿದೆ! (ಹೇ)

-ಸಿಗೆ ಒಣಗಿಹೋಗಿದೆ! (ನಿ)
-ಲುವು ನಿಶ್ಚಲವಾಗಿದೆ!
ಬಯಲು ಲೀಲೆಯಾಗಿದೆ!
ಲಕ್ಷ್ಯ ಅಕ್ಷಯವಾಗಿದೆ! (ಜ)
-ವಾಬೇನೂ ಬರದಾಗಿದೆ! [ತ್ಯಾ]
-ಗಿಗಿದೂ ಆನಂದವಾಗಿದೆ! [ಎ]
-ದೆ, ನಿರಂಜನಗಾಗಿದೆ!!!

ಶಿವಾಲಯಾ ಲಯಾ ಶಿವ! [ಶಿ]

-ವಾಲಯಾ ಕಪಾಲೀ ಶಿವ!
ಲಯಾ ಶಿವಾ ಸದಾ ಶಿವ! (ಲ)
-ಯಾ ಶಿವಾ ವಿನಾಶೀ ಶಿವ! (ಆ)
-ಲಯಾ ಶಿವಾ ಲಿಂಗಾ ಶಿವ! (ಲ)
-ಯಾ ಜಗತ್ಪ್ರಳಯಾ ಶಿವ!
ಶಿವಾ ಶಿವಾ, ಶಿವಾ ಶಿವ! (ಶಿ)
-ವ, ನಿರಂಜನನಾ ಶಿವ!!!

ಶಿವ ಕುಮಾರ ಕುಮಾರ ಶಿವ!

ವರ ಕುಮಾರ ಗಂಭೀರ ಶಿವ!
ಕುಮಾರ ಹರ ಕುಮಾರ ಶಿವ! (ಕು)
-ಮಾರ ಸುಂದರ ಕುಮಾರ ಶಿವ! (ಹ)
-ರ ಸುಕುಮಾರ ಗುಹೇಶ ಶಿವ!
ಕುಮಾರ ವರ ಪ್ರದಾತ ಶಿವ!
ಮಾತಾ ಪಾರ್ವತಿ ಸುಪುತ್ರ ಶಿವ! [ಹ]
-ರ ಗಂಗಾಧರ ಕುಮಾರ ಶಿವ!
ಶಿವ ಶಿವ ಶಿವಾನಂದ ಶಿವ!
ವರ ನಿರಂಜನಾದಿತ್ಯ ಶಿವ!!!

ರಂಜನಾ ತುಳಸೀ ನಿರಂಜನಾ

ಜಲಜಾನನಾ ಶ್ರೀ ನಿರಂಜನಾ!
ನಾರಾಯಣಾರವಿ ನಿರಂಜನಾ!
ತುರಿಯಾತೀತನಾ ನಿರಂಜನಾ! [ಬಾ]
-ಳ ನೇತ್ರನಾ ಶಿವ ನಿರಂಜನಾ!
ಸೀತಾವರಾರಾಮಾ ನಿರಂಜನಾ!
ನಿಜಾನಂದಾ ಗುರು ನಿರಂಜನಾ!
ರಂಗ ಶ್ರೀರಂಗನಾ ನಿರಂಜನಾ!
ಜಪ, ತಪಾಂಗನಾ ನಿರಂಜನಾ!
ನಾಮಾದಿತ್ಯಾನಂದಾ ನಿರಂಜನಾ!!!

ದತ್ತ ತುಳಸೀ ಚಿತ್ತ! [ಚಿ]

-ತ್ತ ಗುರುದತ್ತ ಚಿತ್ತ!
ತುಳಸಿ ಲೀಲಾ ಚಿತ್ತ! (ದ)
-ಳ ಪಾದರೂಪಾ ಚಿತ್ತ!
ಸೀತಾರಾಮಾಶ್ರೀ ಚಿತ್ತ!
ಚಿರಂಜೀವಿಯಾ ಚಿತ್ತ! [ದ]
-ತ್ತ ನಿರಂಜನ ಚಿತ್ತ!!!

ನಂದಾ! ಆನಂದಾ! ನಂದಕಂದಾ! (ನಂ)

-ದಾದಿತ್ಯಾನಂದ ಶ್ರೀ ಗೋವಿಂದ!
ಆನಂದಾತ್ಮಾನಂದ ಮುಕುಂದ!
ನಂದನಂದನ ರಾಧಾನಂದ! (ಸ)
-ದಾನಂದ ನಿಜಾನಂದಾನಂದ!
ನಂದ ಗೋಪಾನಂದನಾನಂದ!
ದಯಾನಂದ ಮಾಧವಾನಂದ!
ಕಂದಾ, ಯೊಶೋದಾನಂದಾನಂದ! (ನಂ)
-ದ, ನಿರಂಜನಾದಿತ್ಯಾನಂದ!!!

ಬನಶಂಕರಿ ಶಂಕರನಲೈಕ್ಯ!

ನರಳಿ ಬಹುಕಾಲ ಆದಳೈಕ್ಯ!
ಶಂಕರಗಾನಂದವಾಯ್ತವಳೈಕ್ಯ!
ಕಣ್ಣೀರಾರಿಗೇಕೆ? ಆಕೆಗಾಯ್ತೈಕ್ಯ! (ಅ)
-ರಿತಿದ ಶಾಂತಿಯಿಂದಿರಲಾಕೈಕ್ಯ!
ಶಂಕರನ ಕೃಪೆಯಿಂದಾಯ್ತಿ ಐಕ್ಯ!
ಕಪಾಲ ಭಿಕ್ಷೆ ನೀಡಿ ಆದಳೈಕ್ಯ! (ವ)
-ರ ಧರ್ಮ ಕಾರ್ಯಕಿರಲೆಲ್ಲರೈಕ್ಯ!
ನಶ್ವರ ಬಿಟ್ಟಾಗ ಬೇಕೀಶ್ವರೈಕ್ಯ! (ಆ)
-ಲೈಸಿ ಗುರು ಪಾದದಲಾಗಿರೈಕ್ಯ! (ಐ)
-ಕ್ಯ ನಿರಂಜನಾದಿತ್ಯ ಯೋಗವೈಕ್ಯ!!!

ಶ್ರೀ ಕೃಷ್ಣನಾದರ್ಶಾತಿಥ್ಯ!

ಕೃಷ್ಣನ ಕುಚೇಲಾತಿಥ್ಯ! (ವೈ)
-ಷ್ಣವಾಪ್ತ ಮಿತ್ರನಾತಿಥ್ಯ! (ಅ)
-ನಾದರವಿಲ್ಲದಾತಿಥ್ಯ!
ದರಿದ್ರಗಾಯ್ತಿಂತಾತಿಥ್ಯ! (ಸ್ಪ)
-ರ್ಶಾನಂದ ಶ್ರೀ ಕೃಷ್ಣಾತಿಥ್ಯ! (ಸ್ಥಿ)
-ತಿ ಪರಿವರ್ತನಾತಿಥ್ಯ! (ಮಿ)
-ಥ್ಯಾದಿತ್ಯಗಿಲ್ಲದಾತಿಥ್ಯ!!!

ಮಧುಸೂಧನಾ, ಮಧುರಾನನಾ! (ಸಾ)

-ಧು ಮನ ಧ್ಯಾನಾ, ನಂದನಂದನಾ!
ಸೂರ್ಯಸಮಾನಾ ಸುಂದರಾನನಾ!
ದಯಾಘನಾ, ಪರಮ ಪಾವನಾ!
ನಾಗಮರ್ದನಾ, ಗೋಸಂವರ್ಧನಾ!
ಮನಮೋಹನಾ, ಜಗ ಜೀವನಾ! (ಮ)
-ಧುರ ವಾಸನಾ ಮದ ನಾಶನಾ!
ರಾಧಾ ಧಾರಣಾ ಶುದ್ಧ ಭಾವನಾ!
ನಮೋ, ನಮೋ ನಮೋ ನಿರಂಜನಾ!
ನಾರಾಯಣಪ್ರಾಣಾ ನಿರಂಜನಾ!!!

ಈಶ್ವರಾ ಯೋಗೇಶ್ವರಾ! (ವಿ)

-ಶ್ವನಾಥ ಗೀತೇಶ್ವರಾ!
ರಾಸ ವಿಲಾಸೇಶ್ವರಾ!
ಯೋಗಿ ಹೃದಯೇಶ್ವರಾ! (ತ್ಯಾ)
-ಗೇಶ್ವರಾನಂದೇಶ್ವರಾ! (ಈ)
-ಶ್ವರಾ ರಾಜಶೇಖರಾ! (ವೀ)
-ರಾ ನಿರಂಜನೇಶ್ವರಾ!!!

ಯೋಗಿರಾಜ ತ್ಯಾಗರಾಜ!

ಗಿರಿರಾಜ ಗುರುರಾಜ!
ರಾಜರಾಜ ಅಜರಾಜ!
ಜಯರಾಜ ಛಾಯಾರಾಜ! (ಸ)
-ತ್ಯಾತ್ಮರಾಜ ರಾಮರಾಜ!
ಗಣರಾಜ ವಿಘ್ನರಾಜ!
ರಾಗರಾಜ ಮೇಘರಾಜ! (ರಾ)
-ಜ ಜೈ ನಿರಂಜನರಾಜ!!!

ದಾಸ ದಾಸ ಪುರಂಧರದಾಸ!

ಸರ್ವಾಂತರ್ಯಾಮಿ ವಿಠ್ಠಲದಾಸ!
ದಾಮೋದರದಾಸ ಸೂರದಾಸ!
ಸಜ್ಜನದಾಸ ಕಬೀರದಾಸ!
ಪುರಾಣ ಪುರುಷೆಲ್ಲರ ದಾಸ!
ರಂಗದಾಸ ಪಾಂಡುರಂಗ ದಾಸ!
ಧರ್ಮದಾಸ ಯಮಧರ್ಮ ದಾಸ!
ರಘುರಾಮ ದಾಸ ರಾಮ ದಾಸ!
ದಾಸ ದಾಸ ದಾಸ ದತ್ತ ದಾಸ!
ಸದಾ ನಿರಂಜನಾದಿತ್ಯ ದಾಸ!!!

ರಾಜರಾಜೇಶ್ವರಿ ನಿರಂಜನೇಶ್ವರಿ!

ಜಯ ಚಾಮುಂಡೇಶ್ವರಿ ಶಿವ ಶಂಕರಿ!
ರಾಮೇಶ್ವರೀ ಶ್ರೀ ವರ ಪರಮೇಶ್ವರಿ! (ಅ)
-ಜೇಯೇಶ್ವರಿ ತ್ರಿಭುವನೇಶ್ವರೇಶ್ವರಿ! (ಈ)
-ಶ್ವರವಾಮಭಾಗೇಶ್ವರಿ ವಸುಂಧರಿ! (ಗಿ)
-ರಿರಾಜ ಕುಮಾರಿ, ಯೋಗಿರಾಜೇಶ್ವರಿ!
ನಿಜಗುಣೇಶ್ವರಿ, ವಿಜಯ ಶಂಕರಿ!
ರಂಗಸಾರಂಗೇಶ್ವರಿ, ಗಗನೇಶ್ವರಿ!
ಜಯ ಜಗದೀಶ್ವರಿ, ಹೃದಯೇಶ್ವರಿ! (ತ್ರಿ)
-ನೇತ್ರೇಶ್ವರಿ, ಮಾಧುರಿ, ಮಾತೃ ಶಂಕರಿ! (ಈ)
-ಶ್ವರಿ ಶಾಖಂಬರಿ, ಅರಿಭಯಂಕರಿ! (ಹ)
-ರಿ ನಿರಂಜನಾದಿತ್ಯರ್ಧ ನಾರೀಶ್ವರಿ!!!

ಪತಿ, ಶ್ರೀಪತಿ ಜಗತ್ಪತಿ!

ತಿರುಪತಿ ವೈಕುಂಠ ಪತಿ!
ಶ್ರೀಮತಿಗಾತ್ಮಾರಾಮ ಪತಿ!
ಪತಿತ ಪತಿ, ಸೀತಾಪತಿ!
ತಿರುಕ ಪತಿ, ದತ್ತಪತಿ!
ಜನಪತಿ ಜೈ ಗಣಪತಿ!
ಗತಿಪತಿ ಶ್ರೀ ಗುರುಪತಿ! (ಸ)
-ತ್ಪಥಿ ಪತಿ ಅದಿತ್ಯ ಪತಿ! (ಪ)
-ತಿ ನಿರಂಜನಾದಿತ್ಯ ಪತಿ!!!

ಜಯ ವಿಜಯ ರಾಮ ಜಯ!

ಯಜ್ಞ, ಯಾಗ, ಭಜನೆ ಜಯ!
ವಿಮಲ ನಾಮ ಮನೋ ಜಯ!
ಜರಾಜನ್ಮನಾಶಾತ್ಮ ಜಯ!
ಯಮ, ನಿಯಮಾರೋಗ್ಯ ಜಯ!
ರಾಗಾನುರಾಗ ತ್ಯಾಗ ಜಯ!
ಮದ, ಮತ್ಸರ ದೂರ ಜಯ!
ಜಯ, ವಿಮಲ ಶ್ರೀ ವಿಜಯ! (ಜ)
-ಯ, ನಿರಂಜನಾದಿತ್ಯ ಜಯ!!!

ಸೇವಾನಂದೇಶ್ವರೀ ಗೌರಿ! (ಭಾ)

-ವಾವೇಶ ಶಂಕರೀ ಗೌರಿ! (ಅ)
-ನಂಗಾಕ್ಷಿ, ಕುಮಾರೀ ಗೌರಿ!
ದೇವಿ, ಸರ್ವೇಶ್ವರೀ ಗೌರಿ! (ಈ)
-ಶ್ವರಾರ್ಧಶರೀರೀ ಗೌರಿ!
ರೀತಿ, ಹಿತಕಾರೀ ಗೌರಿ!
ಗೌರಿ, ಗಿರೀಶ್ವರೀ ಗೌರಿ! (ಅ)
-ರಿ

ನಿರಂಜನಾಂಗಾ ಗೌರಿ!!!

ಪ್ರೇಮಾ ಸುಪ್ರೇಮಾ ಆತ್ಮ ಪ್ರೇಮ!

ಮಾಯಾನಂದ ಪ್ರೇಮ ಕುಪ್ರೇಮ!
ಸುವಿಮಲ ಪ್ರೇಮ, ಸುಪ್ರೇಮ!
ಪ್ರೇಮ ನಾಮಾತ್ಮಾರಾಮ ಪ್ರೇಮ!
ಮಾಧವಾ, ಕೇಶವಾತ್ಮ ಪ್ರೇಮ!
ಆನಂದ ರಾಧಾತ್ಮಗಾಪ್ರೇಮ! (ಆ)
-ತ್ಮ ರಾಮಾ ಸರ್ವನಾಮ ಪ್ರೇಮ!
ಪ್ರೇಮ

ಈರಾತ್ಮಾನಂದ ಪ್ರೇಮ! (ನಾ)
-ಮ ನಿರಂಜನಾದಿತ್ಯಾ ಪ್ರೇಮ!!!

ಲೋಚನಾ ನಾ ಸುಲೋಚನಾ!

ಚರ್ಮಾಕ್ಷಿಯಲ್ಲಾ ಲೋಚನಾ!
‘ನಾ’ ಸರ್ವಸಾಕ್ಷಿ ಲೋಚನಾ!
ನಾನೆಲ್ಲರಂತರ್ಲೋಚನಾ!
ಸುಲೋಚನಾತ್ಮ ಲೋಚನಾ!
ಲೋಕವ್ಯಾಪಕಾ ಲೋಚನಾ!
ಚರಾಚರವಾಲೋಚನಾ!
‘ನಾ’ ನಿರಂಜನ ಲೋಚನಾ!!!

ಧರ್ಮ, ಕರ್ಮ, ಸ್ವಕರ್ಮ ಧರ್ಮ! (ಮ)

-ರ್ಮವಿದರಿಯುವುದು ಧರ್ಮ!
ಕರ್ಮಕಿರುವುದೊಂದು ಧರ್ಮ! (ಧ)
-ರ್ಮ ಕರ್ಮಾಚಾರೆಲ್ಲರ ಧರ್ಮ!
ಸ್ವಧರ್ಮಕ್ಕನಾದರ ಧರ್ಮ!
ಕರ್ಮಕ್ಕೆ ಶ್ರದ್ಧಾ, ಭಕ್ತಿ ಧರ್ಮ! (ಕ)
-ರ್ಮ ನಿಷ್ಕಾಮಾಗುವುದು ಧರ್ಮ!
ಧರ್ಮಾತ್ಮಾನುಸಂಧಾನ ಧರ್ಮ! (ಕ)
-ರ್ಮ ನಿರಂಜನಾದಿತ್ಯ ಧರ್ಮ!!!

ಬಾಂಧವಾ ಲೋಕ ಬಾಂಧವಾ!

ಧವಾ ತ್ರಿಲೋಕ ಬಾಂಧವಾ!
ವಾಸುದೇವಾತ್ಮ ಬಾಂಧವಾ! (ತ್ರಿ)
-ಲೋಚನಾದಿತ್ಯ ಬಾಂಧವಾ!
ಕಶ್ಯಪದಿತಿ ಬಾಂಧವಾ!
ಬಾಂಧವಾನಂದ ಬಾಂಧವಾ! (ಮಾ)
-ಧವ ಕೇಶವ ಬಾಂಧವಾ! (ಅ)
-ವಾ ನಿರಂಜನ ಬಾಂಧವಾ!!!

ಆನನಾ ಸುಂದರಾನನಾ! (ಆ)

-ನನಾನಂದ ನಂದಾನನಾ!
ನಾರಾಯಣಾದಿತ್ಯಾನನಾ!
ಸುಂದರಾ ಸುರಮ್ಯಾನನಾ!
ದರ್ಶನಾನಂದದಾನನಾ!
ರಾಮ ಶ್ಯಾಮಾನಂದಾನನಾ!
ನಮೋ ರಾಧಾರಾಮಾನನಾ!
ನಾರಾಯಣಾ ನಿರಂಜನಾ!!!

ಬಾಯಿ ಕೃಷ್ಣಾಬಾಯಿ!

ಯಿದಾಪ್ತೇಷ್ಟ ಬಾಯಿ!
ಕೃಪಾ ತಾಯೀ ಬಾಯಿ! (ಕೃ)
-ಷ್ಣಾತ್ಮಾರಾಮಾ ಬಾಯಿ!
ಬಾಯಿ ರಾಧಾ ಬಾಯಿ!
ಯಿದಾನಂದಾ ಬಾಯಿ!
ನಿರಂಜನ ಬಾಯಿ!!!

ಸಂಘ ಸತ್ಸಂಘ! (ಅ)

-ಘಹರಾ ಸಂಘ!
ಸಹಜಾ ಸಂಘ! (ತ)
-ತ್ಸಂಬಂಧಾ ಸಂಘ! (ಸಂ)
-ಘ ನಿರಂಜನಾಂಗ!!!

ಸತ್ಸಂಘಾತ್ಮ ನಂಜುಂಡಸ್ವಾಮಿ! (ತ)

-ತ್ಸಂಬಂಧದಿಂದಾನಂದ ಸ್ವಾಮಿ!
ಘಾತುಕ ವಿಷನಾಶಾ ಸ್ವಾಮಿ! (ಆ)
-ತ್ಮ ರೂಪಾ ನಿರಂಜನ ಸ್ವಾಮಿ! (ಅ)
-ನಂಗ ಭಂಗ ಸತ್ಸಂಘ ಸ್ವಾಮಿ! (ನಂ)
-ಜುಂಡಾದ ಲೋಕೋದ್ಧಾರ ಸ್ವಾಮಿ!
ಡಮರುಧುರ ಗುರು ಸ್ವಾಮಿ!
ಸ್ವಾರ್ಥಿ ಇವನೇನಲ್ಲ ಸ್ವಾಮಿ! (ಸ್ವಾ)
-ಮಿ ನಿರಂಜನಾದಿತ್ಯಾ ಸ್ವಾಮಿ!!!

ನರಸಯ್ಯಾ ನೀನರಸಯ್ಯಾ!

ರಮಿಸಯ್ಯಾ ನೀ ನಿನ್ನಲಯ್ಯಾ!
ಸಕಲಯ್ಯಾ ನೀನೆಲ್ಲವಯ್ಯಾ! (ಅ)
-ಯ್ಯಾ! ರಾಮಯ್ಯಾ! ನೀನವನಯ್ಯಾ!
‘ನೀ’ ನಾನಯ್ಯಾ, ನಾನು ನೀನಯ್ಯಾ!
ನರೇಶಯ್ಯಾ ವಿಶ್ವೇಶ್ವರಯ್ಯಾ!
ರಮೇಶಯ್ಯಾ ವಿಮಲೇಶಯ್ಯಾ!
ಸತ್ಯಾತ್ಮಯ್ಯಾ ನಿತ್ಯಾರಾಮಯ್ಯಾ! (ಅ)
-ಯ್ಯಾ! ಶ್ರೀ ನಿರಂಜನಾದಿತ್ಯಯ್ಯಾ!!!

ಬಾ! ಬಾ!! ಬಾನ್ಮಣಿ ಬಾ ಬಾ!

ಬಾ! ಬಾ!! ಸನ್ಮಣಿ ಬಾ ಬಾ!
ಬಾ! ಬಾ!! ಚಿನ್ಮಣಿ ಬಾ ಬಾ! (ತ)
-ನ್ಮಯಾತ್ಮಮಣಿ ಬಾ! ಬಾ! (ಮ)
ಣಿ, ಶಿರೋಮಣಿ ಬಾ ಬಾ!
ಬಾ! ಗುಣಮಣಿ ಬಾ ಬಾ!
ಬಾ! ನಿರಂಜನಿ ಬಾ ಬಾ!!!

ಕನಕ ಭಕ್ತ ಕನಕ!

ನರಕ ಮುಕ್ತ ಕನಕ!
ಕವಿರಾಜ ಶ್ರೀ ಕನಕ!
ಭಕ್ತಿ ಸಾರ ಶ್ರೀ ಕನಕ! (ಶ)
-ಕ್ತ ಕೇಶವನ ಕನಕ!
ಕನಕಾದ್ಯಂತ ಕನಕ!
ನರ ಪುಂಗವ ಕನಕ! (ಏ)
-ಕ ನಿರಂಜನ ಕನಕ!!!

ಮೂಗಯ್ಯನಾಗಯ್ಯಾ!

ಗತ್ಯುತ್ತಮದಯ್ಯಾ! (ಅ)
-ಯ್ಯಗಿದಾನಂದಯ್ಯಾ!
ನಾಮ ಜಪಿಸಯ್ಯಾ!
ಗತಿಗಾಗಿದಯ್ಯಾ! (ಅ)
-ಯ್ಯಾ! ನಿರಂಜನಯ್ಯಾ!!!

ಹುಚ್ಚಪ್ಪಾ! ಮಾಯಾ ಮೋಹ ಹುಚ್ಚಪ್ಪಾ! (ಮ)

-ಚ್ಚರದಾಚಾರಾತುರ ಹುಚ್ಚಪ್ಪಾ! (ತ)
-ಪ್ಪದಾಹಾರ, ವಿಹಾರ ಹುಚ್ಚಪ್ಪಾ!
ಮಾನಾಭಿಮಾನಾತುರ ಹುಚ್ಚಪ್ಪಾ! (ಕಾ)
-ಯಾಡಂಬರಾಲಂಕಾರ ಹುಚ್ಚಪ್ಪಾ!
ಮೋಸ ಮಾಡುವ ನರ ಹುಚ್ಚಪ್ಪಾ!
ಹಗರಣದಾಚಾರ ಹುಚ್ಚಪ್ಪಾ!
ಹುಸಿ ಮಾತಾಡ್ವ ನರ ಹುಚ್ಚಪ್ಪಾ! (ಬ)
-ಚ್ಚಲ ಕೊಚ್ಚೆಯುಂಡರೆ ಹುಚ್ಚಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯ ಉಚ್ಚಪ್ಪಾ!!!

ನಿಜ ಪೂಜೆ ಪಾದಪದ್ಮ ಪೂಜೆ! (ಅ)

-ಜ, ಹರಿ, ಹರ, ಶ್ರೀಪಾದ ಪೂಜೆ!
ಪೂಜೆಯದೇ ಪರಿಪೂರ್ಣ ಪೂಜೆ! (ಅ)
-ಜೆ ಶ್ರೀ ಗಿರಿಜೆಯರಿಷ್ಟ ಪೂಜೆ!
ಪಾದ ಪೂಜೆ ಸದಾನಂದ ಪೂಜೆ!
ದತ್ತ ತುಳಸಿಯರ್ಚನಾ ಪೂಜೆ!
ಪರಮಾತ್ಮಾರಾಮ ಪಾದ ಪೂಜೆ! (ಪ)
-ದ್ಮ ಪಾದ ಶ್ರೀ ಗುರುಪಾದ ಪೂಜೆ!
ಪೂಜೆ, ಶಿವಾನಂದ ಪಾದ ಪೂಜೆ! (ಪೂ)
-ಜೆ, ನಿರಂಜನಾದಿತ್ಯಾತ್ಮ ಪೂಜೆ!!!

ಲಭ್ಯಾಲಭ್ಯ ಸೌಲಭ್ಯ! (ಅ)

-ಭ್ಯಾಸಿಗೆಲ್ಲಾ ಸೌಲಭ್ಯ! (ಅ)
-ಲಭ್ಯಾದರೂ ಸೌಲಭ್ಯ! (ಲ)
-ಭ್ಯವಾದರೂ ಸೌಲಭ್ಯ!
ಸೌಹಾರ್ದತೆ ಸೌಲಭ್ಯ!
ಲಕ್ಷ್ಯಾತ್ಮನೇ ಸೌಲಭ್ಯ! (ಲ)
-ಭ್ಯ ನಿರಂಜನಲಭ್ಯ!!!

ನೋವು ಬೇಗ ಹೋಗಲಮ್ಮಾ! (ಬಾ)

-ವು ತಕ್ಷಣ ಬತ್ತಲಮ್ಮಾ!
ಬೇಸರ ಅಳಿಯಲಮ್ಮಾ! (ಮ)
-ಗಳಿಗಿದಭಯವಮ್ಮಾ!
ಹೋಗಲೀ ಜೀವ ಭಾವಮ್ಮಾ! (ಹ)
-ಗಲಿರುಳು ಧ್ಯಾನವಮ್ಮಾ!
ಲಕ್ಷ್ಯ ಗುರು ಪಾದವಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯಮ್ಮಾ!!!

ಭಕ್ತಿ ಪೂಜೆಯಲ್ಲಿ ಭಗವಂತ! [ಭ]

-ಕ್ತಿಲ್ಲದಲ್ಲದೃಶ್ಯ ಭಗವಂತ!
ಪೂರ್ಣ, ಗುಣಾತೀತ ಭಗವಂತ! (ಅ)
-ಜೆ

ಆನಂದಾತ್ಮ ಶ್ರೀ ಭಗವಂತ! (ಜಾ)
-ಯರಾಮಾತ್ಮ ರೂಪ ಭಗವಂತ! (ಅ)
-ಲ್ಲಿಲ್ಲಿ, ಎಲ್ಲರಲಿ ಭಗವಂತ!
ಭಕ್ತನಾದರಿಂತು ಭಗವಂತ!
ಗಗನ ವಿರಾಜ ಭಗವಂತ! (ಅ)
-ವಂತರ್ಯಾಮ್ಯಾಗಿಹ ಭಗವಂತ! (ಆ)
-ತ ನಿರಂಜನಾದಿತ್ಯ ಶ್ರೀಕಾಂತ!!!

ಗುಡುಗು ಅಡುಗು ಜಡಾಗು! (ಕ)

-ಡು ಘೋರ, ವೃತ್ತಿಯ, ಗುಡುಗು!
ಗುಡುಗಿ ಸುಸ್ತಾದರಡಗು!
ಅಡಗಿ ಸಾಕಾರದರ್ಜಡಾಗು!
ಡಮರುಗೇಶನಲೈಕ್ಯಾಗು!
ಗುಹೇಶ, ಗಣೇಶರಂತಾಗು! (ಅ)
-ಜ, ಹರಿ, ಹರರಲೊಂದಾಗು! (ನಾ)
-ಡಾಳುವ ಬಲೀಶ ನೀನಾಗು! (ಆ)
-ಗು, ನಿರಂಜನಾದಿತ್ಯನಾಗು!!!

ಜಗವೆಲ್ಲಾ ರಾಮದಾಸಪ್ಪಾ! (ಮ)

-ಗಳಿವಳಾ ತೊಡೆ ಮೇಲಪ್ಪಾ! (ನೀ)
-ವೆನಗೇನೂ ಹೇಳಬೇಡ್ರಪ್ಪಾ! (ಎ)
-ಲ್ಲಾ ದಾಸಪ್ಪ ಹೇಳಿಹನಪ್ಪಾ!
ರಾಮದಾಸ ನಿರಂಜನಪ್ಪಾ!
ಮಹಿಮನವನೆನ್ನಪ್ಪಪ್ಪಾ!
ದಾಸರ ದಾಸಿ ಇವಳಪ್ಪಾ!
ಸದಾ ಧಾರವಳಿಗಾತಪ್ಪಾ! (ಅ)
-ಪ್ಪಾ! ರಾಮ ಶ್ರೀ ನಿರಂಜನಪ್ಪಾ!!!

ದಿನ, ರಾತ್ರಿ ಕಳೆಯುತಿದೆ!

ನನಗಾತಂಕವಿಲ್ಲದಿದೆ!
ರಾಮಾತ್ಮಾರಾಮವಾಗಿ ಇದೆ!
ತ್ರಿಕಾಲವೆನಗೊಂದಾಗಿದೆ!
ಕರ್ಮ ಮಾಡಿ, ಮಾಡದಂತಿದೆ! (ಇ)
-ಳೆಯ ವಾಸನೆ ಇಲ್ಲದಿದೆ! (ಸಾ)
-ಯುವ ಭಯವಿಲ್ಲದಾಗಿದೆ!
ತಿರಿದುಂಬ ಕಾಟ ತಪ್ಪಿದೆ! (ಎ)
-ದೆ ನಿರಂಜನಾದಿತ್ಯಾಗಿದೆ!!!

ಕೃಷ್ಣಾಪ್ಪಾ! ಸಮಶೀತೋಷ್ಣಪ್ಪಾ! (ಉ)

-ಷ್ಣಪ್ಪಾ! ಸೂರ್ಯನಾರಾಯಣಪ್ಪಾ! (ಅ)
-ಪ್ಪಾತ್ಮಾರಾಮಪ್ಪಾ! ಶ್ರೀ ರಾಮಪ್ಪಾ!
ಸರಸ್ವತಿಯಪ್ಪಾ ಬ್ರಹ್ಮಪ್ಪಾ!
ಮನ್ಮಥ ಹರಪ್ಪಾ ಶಿವಪ್ಪಾ!
ಶೀಲ ನಿಮ್ಮಂತಿರೆ ಸುಖಪ್ಪಾ!
ತೋರಿಕೆಯಾಟ ಬೂಟಾಟಪ್ಪಾ! (ವೈ)
-ಷ್ಣವ, ಶೈವಭೇದ ದತ್ತಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯೇಕಪ್ಪಾ!!!

ಪಾಡು ಪಟ್ಟೆ, ನಾಡು, ಬೀಡು ಬಿಟ್ಟೆ! [ಕಾ]

-ಡು, ಮೇಡು ಹತ್ತಿ ಓಡಾಡಿಬಿಟ್ಟೆ!
ಪರಿಪರಿ ಕಷ್ಟ ಪಟ್ಟು ಬಿಟ್ಟೆ! (ಬ)
-ಟ್ಟೆ ಬರೆಯಟ್ಟು ಕುಣಿದುಬಿಟ್ಟೆ!
ನಾಮಕಾಗಿ ಹೊಡೆದಾಡಿಬಿಟ್ಟೆ! (ಉ)
-ಡುಗೊರೆಯೂಟವ ಕೊಟ್ಟು ಬಿಟ್ಟೆ!
ಬೀಡು, ಗುಡಿಗಳ ಕಟ್ಟಿಬಿಟ್ಟೆ! (ಹಾ)
-ಡು, ಹಬ್ಬಗಳ ಮಾಡಿಸಿಬಿಟ್ಟೆ!
ಬಿಟ್ಟೆ, ಕೊಟ್ಟೆ ದಿಟ ನೋಡಿಬಿಟ್ಟೆ! (ಬ)
-ಟ್ಟೆ, ನಿರಂಜನಾದಿತ್ಯಾಂಬರುಟ್ಟೆ!!!

ಸೋದರಾ ಯಮಧರ್ಮ ಸೋದರ(ಅ)!

-ದರಿಯದೆಲ್ಲಾ ಭಯ ಸೋದರ!
ರಾಜೀವಾಪ್ತಜ ನೆಮ್ಮ ಸೋದರ!
ಯಮ ದಯಾಮಯನಾ ಸೋದರ!
ಮದ, ಮತ್ಸರ ದೂರಾ ಸೋದರ!
ಧರ್ಮ ಕರ್ಮಕ್ಕಾಧಾರಾ ಸೋದರ! (ಮ)
-ರ್ಮವಿದರಿತ ‘ನಾ’ ಸೋದರ!
ಸೋಮಸುಂದರನಿವಾ ಸೋದರ!
ದತ್ತಾತ್ಮನಾತನೆಮ್ಮ ಸೋದರ! [ವ]
-ರ ನಿರಂಜನಾದಿತ್ಯಾ ಸೋದರಾ!!!

ಸುಧಾಮ ಆನಂದ ಧಾಮ!

ಧಾರಾಳ ಭಾವದಾ ಧಾಮ!
ಮಮ ಪ್ರೇಮ ಶ್ಯಾಮ ಧಾಮ!
ಆನಂದಾತ್ಮಾನಂದ ಧಾಮ!
ನಂದಾನಂದನಂದ ಧಾಮ!
ದಧಿ, ಕ್ಷೀರಾಮೃತ ಧಾಮ! (ಆ)
-ಧಾರಮರ ಗೀತಾ ಧಾಮ! (ಧಾ)
-ಮ ಶ್ರೀ ನಿರಂಜನ ಧಾಮ!!!

ಕಣ್ಣೀರೇಕೋ ಕೆಂಗಯ್ಯಾ! (ಹ)

-ಣ್ಣೀ ಪ್ರಸಾದಾಗಿದಯ್ಯಾ! (ಆ)
-ರೇನೆಂದರೇನಾಯ್ತಯ್ಯಾ?
ಕೋಪ, ತಾಪ, ಬೇಡಯ್ಯಾ! (ಬೇ)
-ಕೆಂಬಾಸೆಯ ಬಿಡಯ್ಯಾ!
ಗತಿ ಸುಖವಿದಯ್ಯಾ! (ಅ)
-ಯ್ಯಾ! ನಿರಂಜನಮ್ಮಯ್ಯಾ!!!

ನಾಯಕಾ ಲೋಕ ನಾಯಕಾ! (ದಾ)

-ಯಕಾ ಸುಖ ಪ್ರದಾಯಕಾ!
ಕಾರಣ, ಕರ್ತ ವಿನಾಯಕಾ!
ಲೋಭ, ಮೋಹ, ವಿದಾರಕಾ!
ಕರ್ಮ ಧರ್ಮ ಸುಧಾರಕಾ!
ನಾಮ, ರೂಪ, ವಿರಾಜಕಾ! (ಸಂ)
-ಯಮೇಂದ್ರಿಯಾತ್ಮ ಸಾಧಕಾ! (ಲೋ)
-ಕಾ, ಶ್ರೀ ನಿರಂಜನಾತ್ಮಕಾ!!!

ಶಿವ ಗೈವತ್ತಾರೇನಯ್ಯಾ?

ವರ ಭಕ್ತನಿವನಯ್ಯಾ!
ಗೈವುದೆಲ್ಲಾ ನಿಷ್ಕಾಮಯ್ಯಾ!
ವರ್ಷವೆಷ್ಟಾದರೇನಯ್ಯಾ! (ವಿ)
-ತ್ತಾರ್ಜಿಪಾಸೆ ಸಾಕೆನ್ನಯ್ಯಾ! ‘(ಹ)
-ರೇ ರಾಮ’ ಭಜಿಸಿರಯ್ಯಾ!
ನಶ್ವರ ಸಂಸಾರವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಯ್ಯಾ!!!

ದತ್ತಗುರು ಮಹಾರಾಜ ಯೋಗಿ! (ಚಿ)

-ತ್ತ ಭಕ್ತ ಪರಿಪಾಲನಾ ಯೋಗಿ!
ಗುರು ಜಗತ್ರಯಕಿವ ಯೋಗಿ!
ರುಚಿ, ಅರುಚಿ, ಇಲ್ಲದ ಯೋಗಿ!
ಮಹಿಮಾಪಾರ ಶಂಕರ ಯೋಗಿ!
ಹಾಲಾಹಲ ಉಂಡ ಶಿವಯೋಗಿ!
ರಾಧಾರಮಣ ಶ್ರೀಧರ ಯೋಗಿ!
ಜಗದ್ಗುರು ಶ್ರೀ ಬ್ರಹ್ಮೇಂದ್ರ ಯೋಗಿ!
ಯೋಗ, ಭೋಗ ಸಮರಸ ಯೋಗಿ! [ತ್ಯಾ]
-ಗಿ, ಶ್ರೀ ನಿರಂಜನಾದಿತ್ಯ ಯೋಗಿ!!!

ವಿಮಲ ಮಾತಾ ಕರ್ಮ ಯೋಗಿ!

ಮನ ಪರಿಶುದ್ಧದಾ ಯೋಗಿ!
ಲಕ್ಷ್ಯ ಶ್ರೀಪಾದಸೇವಾ ಯೋಗಿ!
ಮಾತಿಲ್ಲದ ಸತ್ಕರ್ಮ ಯೋಗಿ!
ತಾಯೀಕೆಲ್ಲಾ ಮಕ್ಕಳ್ಗಾ ಯೋಗಿ!
ಕನಿಕರ ಸ್ವಭಾವಾ ಯೋಗಿ! (ಧ)
-ರ್ಮ, ಕರ್ಮ ನಿರತಳಾ ಯೋಗಿ!
ಯೋಗಿ, ಸದಾ, ಸಹಜಾ ಯೋಗಿ! (ಯೋ)
-ಗಿ, ನಿರಂಜನ ಪುತ್ರೀ ಯೋಗಿ!!!

ಚಿಕ್ಕಣ್ಣಾ! ಅಪ್ಪಣ್ಣಾ! ಮುಕ್ಕಣ್ಣ! (ಅ)

-ಕ್ಕರೆಯ ಶ್ರೀ ಗುರು ಮುಕ್ಕಣ್ಣ! (ಕ)
-ಣ್ಣಾಗೆಲ್ಲರ ಕಾಯ್ವಾ ಮುಕ್ಕಣ್ಣ!
ಅವನೇ ಶರಣ ಮುಕ್ಕಣ್ಣ! (ಇ)
-ಪ್ಪವನೊಳಗಾ ಮುಕ್ಕಣ್ಣ! (ಮ)
-ಣ್ಣಾಗುವೊಡಲಲ್ಲಾ ಮುಕ್ಕಣ್ಣ!
ಮುನಿಮಾನಸಾತ್ಮಾ ಮುಕ್ಕಣ್ಣ! (ದ)
-ಕ್ಕಲಾರೆಲ್ಲರಿಗಾಮುಕ್ಕಣ್ಣ! (ಅ)
-ಣ್ಣ ನಿರಂಜನಾದಿತ್ಯಾ ಕಣ್ಣ!!!

ವಿಜಯಾ! ನೀ ನಿರಂಜನ ಮಯಾ!

ಜನ್ಮದಾತನಲಿ ನೀ ತನ್ಮಯಾ!
ಯಾದವೇಂದ್ರಾನಂದನ ತನ್ಮಯಾ!
ನೀತಿ, ರೀತಿ, ಸತತ ತನ್ಮಯಾ!
ನಿಶಿ, ದಿನಾ ಶ್ರೀಪಾದ ತನ್ಮಯಾ! (ಸಾ)
-ರಂಗಾತ್ಮಾನಂದನಲಿ ತನ್ಮಯಾ!
ಜಗತ್ಪತಿಯವನ ತನ್ಮಯಾ!
ನನ್ನದವನೆದೆಂದು ತನ್ಮಯಾ!
ಮನ ದರ್ಶನಾನಂದ ತನ್ಮಯಾ! (ಜೀ)
-ಯಾ ನಿರಂಜನಾದಿತ್ಯ ತನ್ಮಯಾ!!!

ಮಿತ್ರ ಭೋಜನ ಮಂಗಳವಾರ!

ತ್ರಯ ಲೋಚನಾವತಾರ ವಾರ! (ನ)
-ಭೋ ಮಂಡಲ ಪರಿಶುಭ್ರ ವಾರ! (ವಿ)
-ಜಯ, ವಿಮಲಾತ್ಮಾನಂದ ವಾರ! (ಜ)
-ನಗಣಕಾನಂದಪ್ರದ ವಾರ!
ಮಂಗಳ, ಸರ್ವ ಮಂಗಳ ವಾರ!
ಗತಿಪತಿ, ನಿಜಸ್ಥಿತಿ ವಾರ! (ತಾ)
-ಳ, ಮೇಳಗಳಿಗಾರಾಮ ವಾರ!
ವಾರಿಜಾಪ್ತ ನಗುತಿಹ ವಾರ!
ರವಿ, ನಿರಂಜನಾದಿತ್ಯ ವಾರ!!!

ನೀರ್ಕಲ್ಲೂ ಮಳೆ ಮಂಗಳ! (ಆ)

-ರ್ಕನಡಿ ಜಡ ಮಂಗಳ! (ಕ)
-ಲ್ಲೂ ಮಳೆ ಶುಭ ಮಂಗಳ!
ಮಧುರ ಜಲ ಮಂಗಳ! (ಬೆ)
-ಳೆಗಿದಾರಾಮ ಮಂಗಳ!
ಮಂಗಳವಾರ ಮಂಗಳ! (ಮಂ)
-ಗಳ ಪ್ರಸಾದ ಮಂಗಳ! [ಜ]
-ಳ, ನಿರಂಜನ ಮಂಗಳ!!!

ಕಲ್ಯಾಣರಾಮಾ ಶ್ರೀ ರಾಮ! (ಮಾ)

-ಲ್ಯಾಲಂಕಾರಾ ಸೀತಾ ರಾಮ! (ರ)
-ಣಧೀರಾ ಶ್ರೀ ರಘುರಾಮ!
ರಾಮಾ ಭ್ರಾತೃಪ್ರೇಮಾ ರಾಮ!
ಮಾರುತಿ ಪ್ರಾಣಾ ಶ್ರೀ ರಾಮ!
ಶ್ರೀರಾಮಾ ಜಯ ಶ್ರೀ ರಾಮ!
ರಾವಣಾಂತಕ ಶ್ರೀ ರಾಮ! (ರಾ)
-ಮಾ ನಿರಂಜನಾತ್ಮಾರಾಮ!!!

ಜಯಾ ಶ್ರೀ ರಾಮ ಜಯ!

ಯಾಗ, ಯೋಗಾತ್ಮ ಜಯ!
ಶ್ರೀ ಸೀತಾರಾಮ ಜಯ!
ರಾಮಾ ಶ್ರೀರಾಮ ಜಯ!
ಮಲ ನಿರ್ನಾಮ ಜಯ!
ಜಲಜಾಪ್ತಾ ರಾಮ ಜಯ! (ಜ)
-ಯ ನಿರಂಜನ ಜಯ!!!

‘ರಾಮ ರಾಮ ಸೀತಾ’ ಬಾಯಿ!

ಮಧುರ ಭಜನಾ ಬಾಯಿ!
ರಾಮನಾಮ ಪ್ರೇಮಾ ಬಾಯಿ!
ಮರುತಾತ್ಮಜನಾ ಬಾಯಿ!
ಸೀತಾಬಾಯಿ, ರಾಮಾಬಾಯಿ!
ತಾರಕನಾಮದಾ ಬಾಯಿ!
ಬಾಯಿ ಶಬರಿಯಾ ಬಾಯಿ!
ಯಿಷ್ಟ ನಿರಂಜನಾ ಬಾಯಿ!!!

ಸಾಯಬೇಕು, ಮನ ಸಾಯಬೇಕು!

ಯತ್ನಬೇಕು, ಗುರುಕೃಪೆ ಬೇಕು!
ಬೇಕು ಗುರುಪಾದವಾಗವೇಕು!
ಕುಮತಿ ಸ್ನೇಹ ಬೇಡಾಗಬೇಕು!
ಮನನ ಪ್ರಿಯ ನಾಮಾಗಬೇಕು!
ನಶ್ವರದಾಸೆ ಅಳಿಯಬೇಕು!
ಸಾಧು, ಸಂತರೊಡನಾಟ ಬೇಕು!
ಯದುಪನ ಗೀತಾಜ್ಞಾನ ಬೇಕು!
ಬೇರೆಯವರ ಮಾತ್ಬಿಡಬೇಕು! [ಬೇ]
-ಕು ನಿರಂಜನಾದಿತ್ಯಾಗಬೇಕು!!!

ಶಂಕರ ಭಗವತ್ಪಾದಾಚಾರ್ಯ!

ಕಲಿಸಿದ ಗುರು ಭಕ್ತ್ಯಾಚಾರ್ಯ!
ರಮಿಸಿದನಾತ್ಮನಲಾಚಾರ್ಯ!
‘ಭಜ ಗೋವಿಂದಂ’! ಎಂದನಾಚಾರ್ಯ!
ಗರ್ವಿಗಳ ಹದಗೈದಾಚಾರ್ಯ!
ವರ ಭಾಷ್ಯ, ರಚಿಸಿದಾಚಾರ್ಯ! (ಉ)
-ತ್ಪಾತಗಳಡಗಿಸಿದಾಚಾರ್ಯ! (ಸ)
-ದಾಚಾರ ನಿಷ್ಠ ಶಂಕರಾಚಾರ್ಯ!
ಚಾಮುಂಡಾಂಬೆಯೋಪಾಸಕಾಚಾರ್ಯ! (ಆ)
-ರ್ಯ! ನಿರಂಜನಾದಿತ್ಯ ಆಚಾರ್ಯ!!!

ಭಾಗ್ಯ ಪರಮ ವೈರಾಗ್ಯವಯ್ಯಾ! [ಯೋ]

-ಗ್ಯ ನಿರಂತರಾತ್ಮ ಧ್ಯಾನವಯ್ಯಾ!
ಪರಮೇಶ್ವರ ಹೀಗಿಹನಯ್ಯಾ!
ರತಿಪತಿ ಹತ ಶಂಕರಯ್ಯಾ!
ಮಹಾದೇವ ಶಿವ ವಿರಕ್ತಯ್ಯಾ! (ಶಿ)
-ವೈಕ್ಯಕ್ಕೆ ವೈರಾಗ್ಯ ಮುಖ್ಯವಯ್ಯಾ!
ರಾಮನಾಮ ಜಪ ಸುಖವಯ್ಯಾ! (ಭೋ)
-ಗ್ಯವಿದು ಶಾಶ್ವತ ಭಾಗ್ಯವಯ್ಯಾ!
ವರ್ಜ್ಯ ಮಾಯಾ ಮೋಹಾನಂದವಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯೇಶ್ವರಯ್ಯಾ!!!

ಸದಾಶಿವಾನಂದ ಸುಂದರಮ್ಮಾ!

ದಾಸಿ ಇವನಿಗೆ ಸುಂದರಮ್ಮಾ!
ಶಿವ, ನಿತ್ಯ, ಸತ್ಯ ಸುಂದರಮ್ಮಾ!
ವಾರಿಜಮಿತ್ರಾತ್ಯ ಸುಂದರಮ್ಮಾ!
ನಂದೀಶ್ವರಾನಂದ ಸುಂದರಮ್ಮಾ!
ದಯಾಮಯೇಶ್ವರ ಸುಂದರಮ್ಮಾ!
ಸುಂದರಾತ್ಮಾನಂದ ಸುಂದರಮ್ಮಾ!
ದತ್ತ ತಾ ಸರ್ವಾತ್ಮ ಸುಂದರಮ್ಮಾ!
ರಘುರಾಮಾನಂದ ಸುಂದರಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯಾನಂದಮ್ಮಾ!!!

ಸುದರ್ಶನ ಸದಾನಂದ ಶಿವ! (ಹೃ)

-ದಯೇಶ್ವರ ಅಂಬಾನಂದ ಶಿವ! (ದ)
-ರ್ಶನ ನಿಜ ಗುಣಾನಂದ ಶಿವ! (ಆ)
-ನತಶಿವಗಣಾನಂದ ಶಿವ!
ಸರ್ವಮಂಗಳಾತ್ಮಾನಂದ ಶಿವ!
ದಾಶರಥಿನಾಮಾನಂದ ಶಿವ!
ನಂದನಕುಮಾರಾನಂದ ಶಿವ! (ವ)
-ದನ, ಗಜಾನನಾನಂದ ಶಿವ!
ಶಿವ ನಿರಂಜನಾನಂದ ಶಿವ! (ಅ)
-ವ ಶ್ರೀ ನಿರಂಜನಾದಿತ್ಯ ಶಿವ!!!

ಜನ್ಮದಾತಾ ಗುರು ಉಮಾನಾಥ! (ತ)

-ನ್ಮಯಾತ್ಮಾ ಶ್ರೀಗುರು ಮುಕ್ತನಾಥ!
ದಾತ, ನಾಥಾ ಗುರು ಭೂತನಾಥ!
ತಾತಾ, ಪಿತಾ ಗುರು ಪ್ರೇತನಾಥ!
ಗುಹ, ಶಿವಾ ಗುರು ಮಾಯಾನಾಥ! (ವ)
-ರುಣಾರುಣ ಗುರು ದಿನಾನಾಥ!
ಉತ್ತಮಾಂಗ ಗುರು ಚಿತ್ತನಾಥ!
ಮಾರಹರ ಗುರು ಗೌರೀನಾಥ!
ನಾಮಾನಂತ ಗುರು ದತ್ತನಾಥ! (ನಾ)
-ಥ ಶ್ರೀ ನಿರಂಜನಾದಿತ್ಯ ನಾಥ!!!

ಮುರಲೀಧರ ಕೃಷ್ಣ ಬಾರಯ್ಯಾ! [ವ]

-ರ ವೇಣುಗಾನ ಮಧುರವಯ್ಯಾ!
ಲೀಲೆ ನಿನ್ನದು ವಿಚಿತ್ರವಯ್ಯಾ!
ಧರ್ಮ, ಕರ್ಮ ಸದಾ ಮಾಡಿಸಯ್ಯಾ!
ರಸ, ವಿರಸ ಮಾಡಬೇಡಯ್ಯಾ!
ಕೃಪೆ ನಿನ್ನದೆನಗೆ ಬೇಕಯ್ಯಾ! (ವೈ)
-ಷ್ಣವ ನಿನ್ನಂತೆನ್ನನಿರಿಸಯ್ಯಾ!
ಬಾಲ ಗೋಪಾಲಕೃಷ್ಣ ನೀನಯ್ಯಾ! (ವ)
-ರ ರಾಸ ವಿಲಾಸ ತೋರಿಸಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಕೃಷ್ಣಯ್ಯಾ!!!

ಕನಕಮಯ ಮಹೇಶ ನಿಲಯಮ್ಮಾ! (ಧ)

-ನ, ಕನಕ ವಸ್ಥು ವಾಹನಗಳಮ್ಮಾ!
ಕಡುದುಃಖಕಾರಕವಾಗಿಹುದಮ್ಮಾ!
ಮಚ್ಚರದೆ ಜಗವಿದರಿತಿರಮ್ಮಾ! (ಕಾ)
-ಯ ಕಷ್ಟಮಾಳ್ಪರಿಗಿಲ್ಲವೀಕಾಲಮ್ಮಾ!
ಮಲಿನ ಮಾನಸರ ಕಾಟ ಹೆಚ್ಚಮ್ಮಾ!
ಹೇಯವಾಗಿಹುದವರಾಚಾರವಮ್ಮಾ!
ಶರಣು ನೀನಾಗಿಹೆ ಶ್ರೀಪಾದಕಮ್ಮಾ!
ನಿನಗೊಂದೇ ವಜ್ರ ಕವಚವಮ್ಮಾ! (ನೀ)
-ಲಕಂಠ ಶಿವ ನಿನ್ನ ಕಾಯ್ವನಮ್ಮಾ! (ಭ)
-ಯ ಪಡದೆ ಸದಾ ಭಜನೆ ಮಾಡಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯ ನೀಲಕಂಠಮ್ಮಾ!!!

ತಿಲಕಾ ಯದುಕುಲ ತಿಲಕಾ! (ಬ)

-ಲ ರಾಮಾನುಜ ವರ ತಿಲಕಾ!
ಕಾರ್ಯ, ಕಾರಣ ಗುರು ತಿಲಕಾ! (ಜ)
-ಯಪ್ರದಾತ ವಿಜಯ ತಿಲಕಾ!
ದುರಿತದೂರ ರಾಧಾ ತಿಲಕಾ!
ಕುಬ್ಜಾನುಗ್ರಹ ಪ್ರೇಮ ತಿಲಕಾ! (ಜ)
-ಲಕ್ರೀಡಾಲೋಲ ನಂದ ತಿಲಕಾ! (ಸ)
-ತಿ ಸತ್ಯಭಾಮಾಪ್ರಿಯ ತಿಲಕಾ! (ಏ)
-ಕಾ ನಿರಂಜನಾದಿತ್ಯ ತಿಲಕಾ!!!

ವನಮಾಲಾ ಗೋಪಾಲಾ!

ನಯ, ನೀಲಾ ಭೂಪಾಲಾ!
ಮಾಲೋಲಾ ಬಹುಲೀಲಾ! [ಲೀ]
-ಲಾ, ಶೀಲಾನಂದ ಲೀಲಾ!
ಗೋಪಿಲೋಲ ಸುಶೀಲಾ!
ಪಾಪಾಳಿಗರಿ ಕಾಲಾ! (ಲೀ)
-ಲಾ ನಿರಂಜನ ಬಾಲಾ!!!

ರಾಜೇಂದ್ರಾ ಯೋಗಿ ರಾಜೇಂದ್ರಾ! (ಅ)

-ಜೇಂದ್ರಾ ಬ್ರಹ್ಮಾನಂದಜೇಂದ್ರಾ!
‘ದ್ರಾ’ಮಿತಿ ಹಂಸಾನಂದೇಂದ್ರಾ!
ಯೋಗೇಂದ್ರಾ ರಾಜಯೋಗೇಂದ್ರಾ! (ಯೋ)
-ಗಿ ಚಂದ್ರಾ ರಜತಾದ್ರೀಂದ್ರಾ!
ರಾಜೇಂದ್ರಾ ದತ್ತ ರಾಜೇಂದ್ರಾ! [ನಿ]
-ಜೇಂದ್ರಾ ಸಹಜಾನಂದೇಂದ್ರಾ! (ಸಾಂ)
-ದ್ರಾ ನಿರಂಜನಾದಿತ್ಯೇಂದ್ರಾ!!!

ರಂಗ, ನಾಥ, ಶ್ರೀ ರಂಗನಾಥ!

ಗತಿನಾಥ ಶ್ರೀ ರಂಗನಾಥ!
ನಾಥನಾಥ ಶ್ರೀ ರಂಗನಾಥ! (ನಾ)
-ಥ ಶ್ರೀನಾಥ ಶ್ರೀ ರಂಗನಾಥ!
ಶ್ರೀರಾಮಾತ ಶ್ರೀ ರಂಗನಾಥ! (ಸಾ)
-ರಂಗಾತ್ಮಾತ ಶ್ರೀ ರಂಗನಾಥ! (ಜ)
-ಗನ್ನಾಥಾತ ಶ್ರೀ ರಂಗನಾಥ!
ನಾಮಾನಂತ ಶ್ರೀ ರಂಗನಾಥ! [ನಾ]
-ಥ ನಿರಂಜನಾದಿತ್ಯ ನಾಥ!!!

ಗಂಗಾಧರಾ ಬಾಲಚಂದ್ರಧರಾ! (ಆ)

-ಗಾರಾ ಕರುಣಾನಂದ ಸಾಗರಾ!
ಧರಣೀಶ್ವರಾ ವರ ಸುಂದರಾ!
ರಾಜರಾಜೇಶ್ವರೀಶ್ವರೇಶ್ವರಾ!
ಬಾಳನೇತ್ರೇಶ್ವರಾ ಸರ್ವೇಶ್ವರಾ! (ಶೂ)
-ಲಧರಾಸುರಾರಿ ಭಯಂಕರಾ!
ಚಂದ್ರಶೇಖರಾತ್ಮಾನಂದಕರಾ! (ಭ)
-ದ್ರ, ವೀರಭದ್ರ ಪಿತ ಶಂಕರಾ!
ಧರ್ಮರಾಜ ಗರ್ವಹರಾ ಹರಾ! (ಹ)
-ರಾ ನಿರಂಜನಾದಿತ್ಯನಾಕಾರಾ!!!

ಆನಂದಾನಂದವಯ್ಯಾ!

ನಂದನಾನನವಯ್ಯಾ!
ದಾರಿ ತೋರಿಹನಯ್ಯಾ! (ಆ)
-ನಂದೆನ್ನಿಂದೆಂದನಯ್ಯಾ! (ನಂ)
-ದಕಂದ ಗೋವಿಂದಯ್ಯಾ!
ವರ ಗೀತಾತ್ಮಾತಯ್ಯಾ! (ಅ)
-ಯ್ಯಾ! ನಿರಂಜನನಯ್ಯಾ!!!

ಗೋಪಾಂಗನಾ ರಂಗ ನಾ! (ಅ)

-ಪಾಂಗನಾ ಗೋಪಾಲ ನಾ!
ಗತಿಹಿತಾನಂದ ನಾ!
ನಾರಾಯಣಾನಂದ ನಾ!
ರಂಗಾಂಗ ನಾ ಕಂದ ನಾ!
ಗರ್ವ ಹೀನನಾತ್ಮ ನಾ!
ನಾ ನಿರಂಜನಾತ್ಮ ನಾ!!!

ಅದಿತ್ಯ ಬಂದಾ, ಅದಿತಿಯ ಕಂದ ಬಂದಾ!

ದಿತಿ ಸುತರ ಆಪ್ತ ಛಾಯಾಪತಿ ಬಂದಾ!
ತ್ಯಜಿಸುತ ನಿಶಿಯನುದಿಸುತ ಬಂದಾ!
ಬಂದಾ ನಗುನಗುತ ಮೇಲೇರುತ ಬಂದಾ!
ದಾಸಾರುಣ ಸಾರಥಿಯೊಡಗೂಡಿ ಬಂದಾ!
ಅನಾವರಣದಾ ನೀಲಾಂಬರಕೆ ಬಂದಾ!
ದಿನಕರ ಕರುಣಾಕರನಾಗಿ ಬಂದಾ!
ತಿಥಿ, ವಾರ, ನಿತ್ಯಕರ್ಮದಾಚಾರ್ಯ ಬಂದಾ!
ಯಮ ನಿಯಮಾಸನವ ಮುಗಿಸಿ ಬಾದಾ!
ಕಂದ, ಕಶ್ಯಪಾದಿತಿಯರಾನಂದ ಬಂದಾ!
ದರ್ಶನವೀಯುತ ಕಲ್ಯಾಣಕಾಗಿ ಬಂದಾ!
ಬಂದಾಂಬುಜ ಮಿತ್ರ ವಿಮಲಾನಂದ ಬಂದಾ!
ದಾತ, ನಾಥ ಶ್ರೀ ನಿರಂಜನಾದಿತ್ಯ ಬಂದಾ!


ಹ

ತೊ


ದಾನವಾಂತಕ ನಿರಂಜನಾದಿತ್ಯ ಬಂದಾ!!! ೬೭೧

ಹಾಲು, ಹಣ್ಣು, ಗೋಧಿ ರೊಟ್ಟಿ! (ಬ)

-ಲು ಮಿತದಾಹಾರ ಪುಷ್ಟಿ!
ಹರಿ, ಹರ, ಅಜರಿಷ್ಟಿ! (ಕ)
-ಣ್ಣು, ಕೈ, ಕಾಲ್ಕಿವ್ಯಂಗ ಸೃಷ್ಟಿ!
ಗೋ, ಬ್ರಾಹ್ಮಣ ಹಿತ ದೃಷ್ಟಿ! (ಸಾ)
-ಧಿಸಿದರಾತ್ಮ ಸಂತುಷ್ಟಿ! (ಬೇ)
-ರೊಡೆತನವೆಲ್ಲಾ ತುಟ್ಟಿ! (ದಿ)
-ಟ್ಟಿ ನಿರಂಜನಾದಿತ್ಯೇಷ್ಟಿ!!!

ಬಹುಭಾವಾನಂದಾನಂದ ಗುರು ಬಾಬಾ!

ಹ

ತೊ


ಬಹು ಭಾವಾನಂದಾದಿತ್ಯ ಬಾಬಾ!
ಹುಸಿ ರೂಪಾನಂದಾದಿತ್ಯ ಬಾಬಾ!
ಭಾವಾ ಭಾವಾನಂದಾದಿತ್ಯ ಬಾಬಾ!
ವಾದ, ಭೇದಾನಂದಾದಿತ್ಯ ಬಾಬಾ!
ನಂಬಿದಂತಾನಂದಾದಿತ್ಯ ಬಾಬಾ!
ದತ್ತ ಚಿತ್ತಾನಂದಾದಿತ್ಯ ಬಾಬಾ!
ಗುಣ, ದೋಷಾನಂದಾದಿತ್ಯ ಬಾಬಾ!
ರುಜು ಮಾರ್ಗಾನಂದಾದಿತ್ಯ ಬಾಬಾ!
ಬಾಲ ಲೀಲಾನಂದಾದಿತ್ಯ ಬಾಬಾ!
ಬಾ, ಬಾ, ನಿರಂಜನಾದಿತ್ಯ ಬಾಬಾ!!!

ಗುಂಡಪ್ಪಾ! ಕಲ್ಲುಗುಂಡು ಲಿಂಗಪ್ಪಾ!

ಡಮರುಧ್ವನಿ ಸಿಡಿ ಗುಂಡಪ್ಪಾ! (ಅ)
-ಪ್ಪಾಗಿಪ್ಪವನೇ ಗುರು ಗುಂಡಪ್ಪಾ!
ಕರ್ಮ, ಧರ್ಮಕಾಧಾರಾ ಗುಂಡಪ್ಪಾ! (ಅ)
-ಲ್ಲು, ಇಲ್ಲು, ಎಲ್ಲೆಲ್ಲೂ ಆ ಗುಂಡಪ್ಪಾ!
ಗುಂಡಪ್ಪಾ ಘೋರ ನಂಜಾಗುಂಡಪ್ಪಾ! (ಸು)
-ಡುಗಾಡಿನಲಿಪ್ಪಪ್ಪ ಗುಂಡಪ್ಪಾ!
ಲಿಂಗವದೆಲ್ಲಾ ಲಿಂಗ ಗುಂಡಪ್ಪಾ!
ಗತಿ ಮಾರ್ಕಂಡೇಯಗಾಗುಂಡಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯಾ ಗುಂಡಪ್ಪಾ!!!

ಅವಶ್ಯ, ಲೋಕವಶ್ಯ, ನಾನಾವಶ್ಯ!

ವಸುಮತೀಶನಾಶೆ ಅತ್ಯಾವಶ್ಯ! (ವ)
-ಶ್ಯನವ ಸರ್ವಾಂತರ್ಯಾಮಿ ಆವಶ್ಯ!
ಲೋಭ, ಮೋಹನಾಶನಿಗಾತವಶ್ಯ!
ಕರ್ಮ, ಧರ್ಮ, ಮರ್ಮರಿವುದಾವಶ್ಯ!
ವರ ಗುರುಸೇವೆ ಇದಕಾವಶ್ಯ! (ವ)
-ಶ್ಯನಿವ ನಿತ್ಯಾತ್ಮಾರಾಮ ಆವಶ್ಯ!
‘ನಾ’ ನವನೆಂಬನುಭವತ್ಯಾವಶ್ಯ!
ನಾಶವಾಗುವುದೆಲ್ಲಾ ಪಾಶಾವಶ್ಯ!
ವರ ನಾಮ ಜಪ ಇದಕಾವಶ್ಯ! (ವ)
-ಶ್ಯ, ನಿರಂಜನಾದಿತ್ಯ ಸರ್ವವಶ್ಯ!!!

ಸೋಮು ಕಂಡ ನಿರಂಜನ ದತ್ತ!

ಮುದಿತ ಹೃದಯ ಗುರುದತ್ತ!
ಕಂಬನಿಗರೆದಾ ಗುರುಭಕ್ತ! (ತ)
-ಡ ಮಾಡದೆ ಗೋಡೆ ಮೇಲಾ ದತ್ತ!
ನಿರಂಜನ ಬೇರಲ್ಲಾನೆನುತ್ತ!
ರಂಜಿಸಿದಾ ರಾತ್ರಿ ಛಾಯಾ ಚಿತ್ತ!
ಜನ್ಮ ಸಾರ್ಥಕಾಯ್ತೆನುತಾ ಭಕ್ತ!
ನಮಿಸಿ ಹೋದನಾನಂದಿಸುತ್ತ!
ದಯಾಮಯಾ ಗುರುದೇವ ದತ್ತ! (ದ)
-ತ್ತ, ನಿರಂಜನಾದಿತ್ಯನಾ ದತ್ತ!!!

ಅನುಪಮಾತ್ಮ ಪರಮಾತ್ಮ! [ಅ]

-ನುಮಾನವಿಲ್ಲದಿಹನಾತ್ಮ!
ಪರಿತಾಪೇಂದ್ರಿಯ ಜಯಾತ್ಮ!
ಮಾಡಬೇಕು ಕರ್ಮ ಜೀವಾತ್ಮ! [ಆ]
-ತ್ಮ ಚಿಂತನೆಯಿಂದಪ್ಪನಾತ್ಮ!
ಪರ ಧರ್ಮದಿಂದ ದುಃಖಾತ್ಮ!
ರಘುರಾಮಾತ್ಮ ವಿಜಯಾತ್ಮ!
ಮಾರಹರ ಶಿವ ಯೋಗಾತ್ಮ! [ಆ]
-ತ್ಮ, ನಿರಂಜನಾದಿತ್ಯಾಪ್ತಾತ್ಮ!!!

ಮನೆ ಕಟ್ಟು, ಸ್ವಾರ್ಥ ಬಿಟ್ಟು ಕಟ್ಟು!

ನೆಪ ಮಾತ್ರ ನೀನೆನುತ ಕಟ್ಟು!
ಕಷ್ಟ, ಸುಖಾತನದೆಂದು ಕಟ್ಟು! (ಗು)
-ಟ್ಟು ರಟ್ಟು ಮಾಡದಂದದಿ ಕಟ್ಟು!
ಸ್ವಾಮಿ ನಾಮ ನೆನೆಯುತ ಕಟ್ಟು! (ಅ)
-ರ್ಥ ವ್ಯರ್ಥವಾಗದಂತದ ಕಟ್ಟು!
ಬಿಟ್ಟು, ಲೋಭ, ಮೋಹ ಅದ ಕಟ್ಟು! (ಸು)
-ಟ್ಟು ಸಿಟ್ಟು ಶಾಂತಿಯಿಂದದ ಕಟ್ಟು!
ಕರ್ಮ, ಧರ್ಮ ಪಾಲಿಸುತ ಕಟ್ಟು! (ಗು)
-ಟ್ಟು, ನಿರಂಜನಾದಿತ್ಯಗಾ ಕಟ್ಟು!!!

ಪೂಜೆ ಬೇಕು, ನಾನೊಂದಾಗಬೇಕು! (ಅ)

-ಜೆ, ಗಿರಿಜೆಯರಂತಾಗ ಬೇಕು!
ಬೇರೆ ಆಸೆ ಇರದಿರಬೇಕು!
ಕುಲ, ಶೀಲ ಕೇಳದಿರಬೇಕು!
ನಾಮ ಮಂತ್ರ ಬಿಡದಿರಬೇಕು!
ನೊಂದೆನೆಂದು ಕುಗ್ಗದಿರಬೇಕು!
ದಾಸರ ದಾಸನಾಗಿರಬೇಕು!
ಗತಿ ನಿಶ್ಚಲವಾಗಿರಬೇಕು!
ಬೇಸರ ಬಾರದಂತಿರಬೇಕು! (ಬೇ)
-ಕು ನಿರಂಜನಾದಿತ್ಯೈಕ್ಯ ಬೇಕು!!!

ದತ್ತ ವಿಶ್ವನಾಥ ನಿರಂಜನಾದಿತ್ಯ! (ಅ)

-ತ್ತ, ಇತ್ತ, ಎತ್ತೆತ್ತ ನಿರಂಜನಾದಿತ್ಯ!
ವಿಮಲ ಸಂಭೂತ ನಿರಂಜನಾದಿತ್ಯ!
ಶ್ವಪಚ ವಿಘಾತ ನಿರಂಜನಾದಿತ್ಯ!
ನಾಮ ರೂಪಾತೀತ ನಿರಂಜನಾದಿತ್ಯ! (ನಾ)
-ಥ, ಅದಿತಿ ಜಾತ ನಿರಂಜನಾದಿತ್ಯ!
ನಿತ್ಯ ಕರ್ಮ ಕರ್ತ ನಿರಂಜನಾದಿತ್ಯ! (ಸಾ)
-ರಂಗ, ರಂಗನಾಥ ನಿರಂಜನಾದಿತ್ಯ!
ಜಯ ಲೋಕನಾಥ ನಿರಂಜನಾದಿತ್ಯ!
ನಾಮ ರೂಪಾನಂತ ನಿರಂಜನಾದಿತ್ಯ!
ದಿವ್ಯ ತೇಜೋವಂತ ನಿರಂಜನಾದಿತ್ಯ! (ಸ)
-ತ್ಯ, ನಿತ್ಯಾತ್ಮನೀತ ನಿರಂಜನಾದಿತ್ಯ!!!

ಬರಬೇಕು, ಕಾಲ ಕಾದಿರಬೇಕು! (ವ)

-ರ ಗುರು ಜಪ ಸಾಗುತಿರಬೇಕು!
ಬೇರೆ ಹರಟೆ ಮಾತು ಬಿಡಬೇಕು!
ಕುಳಿತ ಜಾಗ ಬಿಡದಿರಬೇಕು!
ಕಾತುರಾತುರವಿರದಿರಬೇಕು! (ಛ)
-ಲ ಹಿಡಿಯದ ನಡೆ, ನುಡಿ ಬೇಕು!
ಕಾಟ ಅನ್ಯರಿಗಾಗದಿರಬೇಕು!
ದಿವ್ಯ ಭಾವಮಗ್ನನಾಗಿರಬೇಕು!
ರಹಸ್ಯ, ಭಕ್ತನಿದರಿಯಬೇಕು!
ಬೇಗ ಕಾರ್ಯಸಿದ್ಧಿಗಿದೆಲ್ಲಾ ಬೇಕು! (ಬೇ)
-ಕು, ನಿರಂಜನಾದಿತ್ಯ ಕೃಪೆ ಬೇಕು!!!

ಸರ್ವಾಂಗ ಸುಂದರ ರೂಪ ನನ್ನದಯ್ಯಾ! (ಸ)

-ರ್ವಾಂಗದಲೆನ್ನ ವಾಸವಿರುವುದಯ್ಯಾ!
ಗರ್ವನಾಶಕಿದರಿತಿರಬೇಕಯ್ಯಾ!
ಸುಂದರಾತ್ಮನಿಗಿಂತನ್ಯರಾರಿಲ್ಲಯ್ಯಾ!
ದರ್ಶನದಾದರೆ ತಿಳಿಯುವುದಯ್ಯಾ! (ಸ್ಥಿ)
-ರ, ಚರಾದಿಗಳಲ್ಲಿದನು ನೋಡಯ್ಯಾ!
ರೂಪವಿದು ಅಮರವಾಗಿಹುದಯ್ಯಾ!
ಪರಿಪರಿಯ ರೋಗವಿದಕಿಲ್ಲಯ್ಯಾ!
ನರ, ಸುರರೆಂಬ ಭೇದವಿಲ್ಲಯ್ಯಾ! (ನ)
-ನ್ನ ರೂಪ ಸೌಂದರ್ಯ ಹೀಗಿರುವುದಯ್ಯಾ!
ದತ್ತಾವಧೂತನಿದಕೆ ಸಾಕ್ಷಿಯಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನಾ ಸುಂದರಯ್ಯಾ!!!

ಪೂರ್ಣಾಹುತಿಯಲೆನ್ನ ನೋಡಯ್ಯಾ! (ವ)

-ರ್ಣಾಶ್ರಮನಗತ್ಯವಿದಕಯ್ಯಾ! (ಆ)
-ಹುತಿಂದ್ರಿಯ ವಿಷಯಗಳಯ್ಯಾ!
ತಿಳಿದಿದನು ಹೋಮ ಮಾಡಯ್ಯಾ!
ಯಮಾದ್ಯಷ್ಟಾಂಗ ಯೋಗನ್ಕೂಲಯ್ಯಾ!
ಲೆಕ್ಕಿಸದಿರೆಡರುಗಳಯ್ಯಾ! (ಚಿ)
-ನ್ನ, ವಸ್ತ್ರಾಲಂಕಾರ ಬೇಕಿಲ್ಲಯ್ಯಾ!
ನೋಡೆನ್ನನಿಂತಾಹುತಿಯಿಂದಯ್ಯಾ! (ಆ)
-ಡಲಸದಳವೀ ಆನಂದಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾನಂದಯ್ಯಾ!!!

ಶಿಲ್ಪಿಯ ಸ್ಫೂರ್ತಿ ಪ್ರೀತಿಯ ಮೂರ್ತಿ! (ಶಿ)

-ಲ್ಪಿಯೇಟು ಸಹಿಸಿ ಆಯ್ತೀ ಮೂರ್ತಿ! (ಬ)
-ಯಲ ಕಲ್ಲಾಗಿತ್ತು ಅಂದೀ ಮೂರ್ತಿ!
ಸ್ಫೂರ್ತಿಗೆಡೆಗೊಟ್ಟ ಕಲ್ಲೀ ಮೂರ್ತಿ! (ಕೀ)
-ರ್ತಿಯಿಂದ ಮರೆವುದಿಂದೀ ಮೂರ್ತಿ!
ತಿಳಿ, ಧರ್ಮ, ಕರ್ಮ ಸ್ಫೂರ್ತೀ ಮೂರ್ತಿ!
ಯಶೋಮೂರ್ತಿ ಸಹನೆಯಾ ಮೂರ್ತಿ!
ಮೂಲದಾಕಲ್ಲಿಂದು ದತ್ತ ಮೂರ್ತಿ! (ಸ್ಫೂ)
-ರ್ತಿ, ನಿರಂಜನಾದಿತ್ಯಾ ತ್ರಿಮೂರ್ತೀ!!!

ಮುಂದೆ ಸುದರ್ಶನ, ಮಧ್ಯ ನಿರಂಜನ, ಹಿಂದೆ ವೃಂದಾವನ! (ಎ)

-ದೆ ವಿಶಾಲದಿಂದನವರತ ವಿರಾಜಿಪನಾನಿರಂಜನ!
ಸುರ, ನರ, ಕಿನ್ನರರಿಗೆ ಈ ದರ್ಶನ ಮನಮೋಹನ!
ದಯೆ ಸರ್ವರಲಿರಲೆಂದು ಸದಾ ಪ್ರಾರ್ಥಿಸುವರವನ! (ಸ್ಪ)
-ರ್ಶ ಸುಖಕಾಗಿ ಕಣ್ಣೀರಿಡುವರನೇಕ ಸದ್ಭಕ್ತ ಜನ!
ನಮಸ್ಕಾರ ಕೋಟಿಯಿಂದ ಕಾದಿರುವರಸಂಖ್ಯಾತ ಜನ!
ಮಹಿಮೆಯಿವನದು ಹೊಗಳುವರು ಬಹು ಬುಧ ಜನ! (ಸಾ)
-ಧ್ಯ, ಸಿದ್ಧ, ಚಾರಣಾದಿಗಳು ಮಾಡುತಿಹರು ಸದಾ ಧ್ಯಾನ!
ನಿರವಧಿ ಭಕ್ತಿ, ಪ್ರೇಮ ರಾಧೆ ಮಾಳ್ಪಳು ಸದಾ ಲಿಂಗನ!
ರಂಗ ಪಾಂಡುರಂಗನೆಂದು ಪಾಡಿ ಕುಣಿವರು ದಾಸಜನ!
ಜಯ, ಜಯ, ಶ್ರೀರಾಮ ಸೀತಾರಾಮೆಂಬರು ವಾನರ ಜನ!
ನಗುನಗುತ ಸ್ವಾಗತವೀವರು ಗೋಕುಲ ಗೋಪೀ ಜನ!
ಹಿಂಬಾಲಿಸುತ ಬರುತಿಹರು ಜಗತ್ರಯದಾರ್ತ ಜನ!
ದೆವ್ವ, ಪಿಶಾಚಾದಿಗಳ ಭಯಕಾಗಿ ಮಾಳ್ಪರು ರೋದನ!
ವೃಂದಾವನ ತುಳಸಿ ಹಾರ ಮಾಡಿಕೊಳ್ಳೆನ್ನೆಂಬಳವನ!
ದಾಮೋದರಾಚ್ಚುತ, ಕೇಶವಾನಂತ ನೀನೆಂಬರೆಲ್ಲಾ ಜನ!
ವರಗುರು ದತ್ತಾತ್ರೇಯನಿವನ ಸಂದರ್ಶನ ಪಾವನ!
ನಮೋ ವಿಮಲ ವಿಜಯ ನಿರಂಜನಾದಿತ್ಯ ಛಾಯಾನನ ||!

ದತ್ತ ತುಳಸಿ ಮಾಲಾನಂದ! [ಚಿ]

-ತ್ತಕಾರಸಪಾನತ್ಯಾನಂದ! (ಆ)
-ತುರ ಹೃದಯಕಿದಾನಂದ! (ಬ)
-ಳಸಲು ಭಕ್ತಿಯಿಂದಾನಂದ! (ಸ)
-ಸಿ ಎಲ್ಲಾ ಮನೆ ಮುಂದಾನಂದ!
ಮಾಯವೆಲ್ಲಾ ದುರಿತಾನಂದ!
ಲಾಭ ಅನುಭವಕಾನಂದ!
ನಂಬಿದರೆ ಎಲ್ಲಾ ಆನಂದ! (ಮು)
-ದ ನಿರಂಜನಾದಿತ್ಯಾನಂದ!!!

ಪವನಸುತಗಾಹುತಿ!

ವರ ರಾಮ ಫಲಾದಾಹುತಿ!
ಮಾಯಾ ವ್ಯಾಮೋಹತ್ಯಾಜ್ಯಾಹುತಿ! (ವಾ)
-ನರ ವೀರಗೆ ಪೂರ್ಣಾಹುತಿ!
ಸುರೇಂದ್ರ ವಂದ್ಯಗಾಶಾಹುತಿ!
ತತ್ವಚಿತ್ತಗೆ ಸರ್ವಾಹುತಿ!
ಗಾನ, ಭಜನಾನಂದಾಹುತಿ!
ಹುಟು, ಸಾವಿನ ಗುಟ್ಟಾಹುತಿ! (ಪ್ರೀ)
-ತಿ, ನಿರಂಜನ ಭಕ್ತ್ಯಾಹುತಿ!!!

ಗೋಪಾಂಗನಾನಂದನಾಮುಖ ಚಂದನ!

ಪಾಂಡವಾನಂದನಿಷ್ಟಧರ್ಮ ಪಾಲನ!
ಗಗನಮಣಿಯಲೈಕ್ಯದಾ ಜೀವನ!
ನಾರದಾದಿವಂದ್ಯ ಶ್ರೀಪಾದ ಪಾವನ!
ನಂಬಿದವರ ಕಾಯುವಾ ಸುದರ್ಶನ!
ದಯಾಮಯನಿವ ತ್ರಿಲೋಕಮೋಹನ!
ನಾದ ಮುರಲಿಯದು ಮನೋರಂಜನ!
ಮುನಿ ಋಷಿಗಳ ಅಂತರಂಗಾ ಘನ!
ಖತಿ, ಹತಿ, ನಿಜಮತಿ, ರಾಧಾನನ!
ಚಂದ್ರವಂಶದೀಪಾ ಚಂದ್ರಬಿಂಬಾನನ!
ದತ್ತ ಚಿತ್ತದಾದರ್ಶವನಭಾವನ!
ನಮೋ ನಿರಂಜನಾದಿತ್ಯಾನಂದಾನನ!!!

ನರಸಿಂಹ ಭಕ್ತವತ್ಸಲಯ್ಯಾ! (ವ)

-ರ ಭಕ್ತಿ ಪ್ರಹಲ್ಲಾದನದಯ್ಯಾ!
ಸಿಂಹ ರೂಪಾಯ್ತು ಕಲ್ಲು ಕಂಬಯ್ಯಾ! (ಸಂ)
-ಹರಿಸಿದನಸುರನನಯ್ಯಾ!
ಭಕ್ತಿ ಭಾವ ಹಾಗಿರಬೇಕಯ್ಯಾ! [ಶ]
-ಕ್ತ ಗುರುವಿನ ಕೃಪೆ ಬೇಕಯ್ಯಾ!
ವರ ಧರ್ಮ ಕರ್ಮವಿದಕಯ್ಯಾ! (ಸ)
-ತ್ಸಹವಾಸ ಸದಾ ಯುಕ್ತವಯ್ಯಾ! (ಅ)
-ಲಕ್ಷ್ಯ ದುರ್ಜನರ ಕಡೆಗಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಭಕ್ತಯ್ಯಾ!!!

ಇಂದು ಭಾನುವಾರ ಪೂರ್ಣೇಂದು!

ದುಡಿವರಿಗಾರಾಮವಿಂದು!
ಭಾವ ಕೀರ್ತನಾನಂದವಿಂದು!
ನುಡಿ ನಡೇಕಾಗಲೆಂದೆಂದು!
ವಾಸುದೇವಗಾನಂದವಿಂದು! (ವ)
-ರ ಗರುಡೋತ್ಸವೆಲ್ಲೆಲ್ಲಿಂದು!
ಪೂಜಾನಂದ ವ್ಯಾಸನಿಗಿಂದು! (ಪೂ)
-ರ್ಣೇಂದು ಬಹಳಾನಂದವಿಂದು! (ಇಂ)
-ದು, ಶ್ರೀ ನಿರಂಜನಾದಿತ್ಯೇಂದು!!!

ಮತ ಭೇದನರ್ಥ ಹೇತು!

ತನಗಾಗೇಕೆಲ್ಲಾ ಮಾತು?
ಭೇಟಿ ಆಗ ಶಾಂತಿ ಹೇತು! (ಮ)
-ದವಳಿದಾಗೆಲ್ಲಾ ಮಾತು! (ಧ)
-ನದಾಸೆಲ್ಲಾ ಕಷ್ಟ ಹೇತು! (ಸ್ವಾ)
-ರ್ಥಕಾಗೆಲ್ಲಾ ಸುಳ್ಳು ಮಾತು!
ಹೇಳಿದರೆ ವೈರ ಹೇತು! (ಧಾ)
-ತು ಶ್ರೀ ನಿರಂಜನ ಮಾತು!!!

ನಿಜಭಕ್ತಗಾವ ಭಯವೂ ಇಲ್ಲ!

ಜಗದಲಿವ ಬೆರೆಯುವುದಿಲ್ಲ!
ಭಕ್ತಿಯಲನುಮಾನಿಸುವುದಿಲ್ಲ! (ಶ)
-ಕ್ತರೆಂಬವರಿಗೆ ಅಂಜುವುದಿಲ್ಲ!
ಗಾಳಿಯ ಗೋಪುರ ಕಟ್ಟುವುದಿಲ್ಲ!
ವರ ಗುರುಜಪ ಬಿಡುವುದಿಲ್ಲ!
ಭಯದಿಂದ ದಾರಿತಪ್ಪುವುದಿಲ್ಲ! (ಜ)
-ಯ ಅಪಜಯಕಾಗಳುವುದಿಲ್ಲ! (ಆ)
-ವೂರಿಗೂ ಅಂಟಿಕೊಂಡಿರುವುದಿಲ್ಲ!
‘ಇಷ್ಟಾರಿಷ್ಟವನಿಷ್ಟ ’! ವೆನ್ನದಿಲ್ಲ! (ಬ)
-ಲ್ಲ ನಿರಂಜನಾದಿತ್ಯಗೇನೂಇಲ್ಲ!!!

‘ಅಹಂ ಬ್ರಹ್ಮಾಸ್ಮಿ’ ಅರ್ಥವೇನಪ್ಪಾ! (ಅ)

-ಹಂಕಾರಿ ಜೀವ ನಾನಲ್ಲವಪ್ಪಾ!
ಬ್ರಹ್ಮಾಂಡವೆಲ್ಲಾ ತುಂಬಿಹೆನಪ್ಪಾ! (ಬ್ರ)
-ಹ್ಮಾ, ವಿಷ್ಣು, ಶಿವ ರೂಪ ನಾನಪ್ಪಾ! (ವಿ)
-ಸ್ಮಿತನಾಗದಭ್ಯಾಸ ಮಾಡಪ್ಪಾ!
ಅಸತ್ಯದೂಯೆಗಂಟಬೇಡಪ್ಪಾ! (ಸಾ)
-ರ್ಥಕವಾಗಲೀ ನರಜನ್ಮಪ್ಪಾ!
ವೇದಾಂತ ವಿಷಯ ಸುಖವಪ್ಪಾ! (ಅ)
-ಪ್ಪಾ! ಬ್ರಹ್ಮ ನಿರಂಜನಾದಿತ್ಯಪ್ಪಾ!!!

ಕದವಿನ್ನೂ ತೆರೆದಿಲ್ಲವಯ್ಯಾ!

ದರ್ಶನ ಭಾಗ್ಯವೀಗಿಲ್ಲವಯ್ಯಾ!
ವಿಕಲ್ಪವಿರದಿರಬೇಕಯ್ಯಾ! (ನಿ)
-ನ್ನೂನಗಳ ನೀ ತಿದ್ದಿಕೊಳ್ಳಯ್ಯಾ!
ತೆರೆಯುವುದಾಗ ಬಾಗಿಲಯ್ಯಾ! (ಹ)
-ರೆಯದ ಮದಜ್ಞಾನದಿಂದಯ್ಯಾ!
ದಿನ, ರಾತ್ರ್ಯಾತ್ಮ ಧ್ಯಾನ ಮಾಡಯ್ಯಾ! (ಅ)
-ಲ್ಲಸಲ್ಲದಾಟವಾಡಬೇಡಯ್ಯಾ!
ವರಗುರು ಕೃಪಾಮಯನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾನಂದಯ್ಯಾ!!!

ಸತ್ತು ಹುಟ್ಟುವ ಬಾಳನಿತ್ಯವಯ್ಯಾ! (ಹೊ)

-ತ್ತು ಕಳೆಯದುತ್ತಮಾತ್ಮನಾಗಯ್ಯಾ!
ಹುಸಿಯ್ಯೆಹಿಕಸುಖದುಃಖವಯ್ಯಾ! (ಸಿ)
-ಟ್ಟು ನಿಜ ಸುಖಕೆ ಆತಂಕವಯ್ಯಾ!
ವರ್ಜಿಸಬೇಕರಿಗಳನಾರಯ್ಯಾ!
ಬಾಯಿ, ಕೈ, ಶುದ್ಧವಾಗಿರಬೇಕಯ್ಯಾ! (ಒ)
-ಳ ಹೊರಗೊಂದಾದರಾನಂದವಯ್ಯಾ!
ನಿತ್ಯ ಕರ್ಮಾನುಷ್ಠಾನ ಸಾಗಲಯ್ಯಾ! (ಭೃ)
-ತ್ಯರ ಭೃತ್ಯ ಭಾವ ಉತ್ತಮವಯ್ಯಾ!
ವರಾತ್ಮ ಸ್ಥಿತಿ ಚಿರಸುಖವಯ್ಯಾ! [ಅ]
-ಯ್ಯಾ ನಿರಂಜನಾದಿತ್ಯಾ ಸುಖಿಯಯ್ಯಾ!!!

ಇಷ್ಟ ಶಕ್ತಿ ಹೆಚ್ಚಬೇಕಯ್ಯಾ! (ದು)

-ಷ್ಟ ಶಕ್ತ ಅಡಗುವುದಯ್ಯಾ!
ಶಕ್ತಿ ಆಶಾನಾಶದಿಂದಯ್ಯಾ! (ಮು)
-ಕ್ತಿಗಾಗಿ ಸ್ವಶಕ್ತಿ ಬೇಕಯ್ಯಾ!
ಹೆಮ್ಮೆಗಿದಳವಡದಯ್ಯಾ! (ನಿ)
-ಚ್ಚಳದ ಭಕ್ತಿ ಮುಖ್ಯವಯ್ಯಾ!
ಬೇರೆಯವ ಮಾತೇಕಯ್ಯಾ?
ಕರ್ಮಾತ್ಮಾರ್ಥಕಾಗಿ ಮಾಡಯ್ಯಾ! (ಅ)
-ಯ್ಯಾಪ್ತ ನಿರಂಜನಾದಿತ್ಯಯ್ಯಾ!!!

ದುರ್ಭಾವಾಭಾವ ಪ್ರಭಾವಯ್ಯಾ! (ನಿ)

-ರ್ಭಾಗ್ಯ ಪರಮಾತ್ಮನಲ್ಲಯ್ಯಾ! (ಆ)
-ವಾಗಲೂ ನಿರ್ವಿಕಾರನಯ್ಯಾ!
ಭಾವನಾತೀತನವನಯ್ಯಾ!
ವನವಾಸ ದುಃಖವಿಲ್ಲಯ್ಯಾ!
ಪ್ರಭಾವ ಪ್ರದರ್ಶಿಸನಯ್ಯಾ!
ಭಾನುದೇವನಾದರ್ಶವಯ್ಯಾ!
ವರ ಧರ್ಮ ಕರ್ಮದಿರ್ಪಯ್ಯಾ! (ಅ)
-ಯ್ಯಾತ ನಿರಂಜನಾದಿತ್ಯನಯ್ಯಾ!!!

ಬೇಸರವಿಲ್ಲದಖಂಡ ಸೇವಾ!

ಸರಳ ಭಾವದ ಪಾದ ಸೇವಾ!
ರತ್ನ, ತಿಲಕಾದಿಗಳ ಸೇವಾ!
ವಿಕಲ್ಪವಿಲ್ಲದ ಭಕ್ತಿ ಸೇವಾ! (ಬೆ)
-ಲ್ಲದಂಥಾ ಸಿಹಿ ಮಾತಿನ ಸೇವಾ!
ದತ್ತಗೆ ನಿತ್ಯ ನೈವೇದ್ಯ ಸೇವಾ! (ಅ)
-ಖಂಡ ಮೂರುವರುಷಗಳ ಸೇವಾ! (ಸ)
-ಡಗರವಿಲ್ಲದಮಲ ಸೇವಾ!
ಸೇವಾ, ನಿತ್ಯಭಜನೆಯ ಸೇವಾ! (ದೇ)
-ವಾ ನಿರಂಜನಾದಿತ್ಯನ ಸೇವಾ!!!

ದಕ್ಷಿಣಾಮೂರ್ತಿ ದಯಾಮಯ! (ರ)

-ಕ್ಷಿಪನೆಲ್ಲರಾ ಕೃಪಾಮಯ! (ಗು)
-ಣಾತೀತನಾತ ನಿರಾಮಯ!
ಮೂಷಿಕವಾಹನಾತ್ಮಮಯ! (ಅ)
-ರ್ತಿಯವನದು ಆತಿಶಯ!
ದರ್ಶನ ಸದಾ ಶಿವಮಯ!
ಯಾಗ, ಯೋಗ ಶಂಕರಮಯ!
ಮಹಾ ದೇವಾತ್ಮಾನಂದ ಮಯ! (ಜ)
-ಯ, ನಿರಂಜನಾದಿತ್ಯಮಯ!!!

ವಿಭೂತಿ ವಿಮೋಚನ!

ಭೂತನಾಥ ಲೇಪನ! (ಅ)
-ತಿಹಿತಾಪ್ತ ಸೇವನ!
ವಿಷಹರ ಅಂಜನ!
ಮೋಕ್ಷಕೆ ಸಂಜೀವನ!
ಚಪಲ ನಿರ್ಮೂಲನ!
ನಮೋ ಶ್ರೀ ನಿರಂಜನ!!!

ಶ್ರೀಕಾಂತ ಏಕಾಂತದಲ್ಲಿ!

ಕಾಂತಾರಂತರಂಗದಲ್ಲಿ!
ತಪಕನುಕೂಲವಲ್ಲಿ!
ಏರುಪೇರೇನಿಲ್ಲವಲ್ಲಿ!
ಕಾಂತೆ ಸದಾ ಸೇವೆಯಲ್ಲಿ!
ತರಣಿ ವಿರಾಜಿಪಲ್ಲಿ!
ದರ್ಶನಾನಂದವಿದಲ್ಲಿ! (ಇ)
-ಲ್ಲಿ, ನಿರಂಜನಾದಿತ್ಯಲ್ಲಿ!!!

ಚಾಮುಂಡಿಬೆಟ್ಟದ ಮೇಲೆ!

ಮುಂದಿನದವಳ ಲೀಲೆ! (ಅ)
ಡಿಗಡಿಗೆ ಶಿವ ಲೋಲೆ!
ಬೆಟ್ಟದಧಿದೇವೀಬಾಲೆ! (ಪ)
-ಟ್ಟಣದಲ್ಲಿ ಗೋಪ್ಯಾ ಬಾಲೆ!
ದಯಾದೃಷ್ಟ್ಯೆಲ್ಲರ ಮೇಲೆ! (ಉ)
-ಮೇಶನಲರ್ಧಾಂಗ ಲೀಲೆ! (ಬಾ)
-ಲೆ, ನಿರಂಜನಾತ್ಮ ಲೀಲೆ!!!

ಅಲ್ಪರ ಸಂಘ ಅಭಿಮಾನ ಭಂಗ! [ಅ]

-ಲ್ಪ ವಿಷಯ ಸಂಬಂಧ ಶಾಂತಿ ಭಂಗ! [ತ]
-ರ ತರಾಸೆಗಳಿಂದಾನಂದ ಭಂಗ!
ಸಂತತವಿರಬೇಕುತ್ತಮ ಸಂಘ!
ಘರ್ಷಣೆ ಇರುವುದೆಲ್ಲಾ ದುಸ್ಸಂಘ!
ಅವರಿವರಮಾತೆಲ್ಲಾ ದುಸ್ಸಂಘ! (ಆ)
-ಭಿನ್ನಾತ್ಮನ ಚಿಂತನೆಯೇ ಸತ್ಸಂಘ!
ಮಾನ, ಸ್ಥಾನವೆಲ್ಲಾ ಲೌಕಿಕ ರಂಗ!
ನನ್ನದೆಂಬುದೆಲ್ಲಾ ಮಾಯಾ ತರಂಗ! (ಅ)
-ಭಂಗ, ನಿಸ್ಸಂಘ, ಸದ್ಗುರು ಶ್ರೀರಂಗ!
ಗತಿ ನಿರಂಜನಾದಿತ್ಯಾಂತರಂಗ!!!

ನಿನ್ನ ಕರ್ಮ ನಿನ್ನ ರೂಪ! (ನಿ)

-ನ್ನ ನಿಜರೂಪಾತ್ಮ ರೂಪ!
ಕಶ್ಮಲವೀ ಜೀವ ರೂಪ! (ಮ)
-ರ್ಮವಿದರಿಯದೀ ರೂಪ!
ನಿತ್ಯ ಪರಮಾತ್ಮ ರೂಪ! (ನಿ)
-ನ್ನ ನೀನರಿತರಾ ರೂಪ! (ಸ್ವ)
-ರೂಪವಿದಾನಂದ ರೂಪ! (ರೂ)
-ಪ ಶ್ರೀ ನಿರಂಜನ ರೂಪ!!!

ಕನ್ನಡದ ಕವನವಿದಮ್ಮಾ! (ಉ)

-ನ್ನತದಾತ್ಮ ಸಾಹಿತ್ಯವಿದಮ್ಮಾ! (ಕ)
-ಡಲಿದು ನಿಜಾನುಭವಕಮ್ಮಾ! (ಆ)
-ದರದಿಂದನುಷ್ಠಾನ ಮಾಡಮ್ಮಾ!
ಕಲಿಮಲ ಅಳಿಯುವುದಮ್ಮಾ! (ದೇ)
-ವ ಭಾವ ಅಳವಡುವುದಮ್ಮಾ!
ನರರುದ್ಧಾರವಿದರಿಂದಮ್ಮಾ!
ವಿಶ್ವೇಶ್ವರನ ಕೃಪೆಯಿದಮ್ಮಾ!
ದಯೆ ವ್ಯರ್ಥವಾಗಬಾರದಮ್ಮಾ! [ಅ]
-ಮ್ಮಾ! ರಾಮ ನಿರಂಜನಾದಿತ್ಯಮ್ಮಾ!!!

ತದೇಕಧ್ಯಾನಿಗಿನ್ನೇನು ಬೇಕಮ್ಮಾ?

ದೇವಿಯಾಗಿರುವುದಿದರಿಂದಮ್ಮಾ!
ಕನಸು, ನೆನಸಿನಲೀ ರೀತ್ಯಮ್ಮಾ!
ಧ್ಯಾನ ಲಯಿಸಿದಾಗರ್ಧಾಂಗಿಯಮ್ಮಾ!
ನಿದ್ರಾ, ಸಮಾಧಿಯಲೆರಡಿಲ್ಲಮ್ಮಾ!
ಗಿರಿಜಾಪತಿಗಿದಾನಂದವಮ್ಮಾ! (ಇ)
-ನ್ನೇನನುಗ್ರಹ ಬೇಕು ನಿನಗಮ್ಮಾ! (ಅ)
-ನುನಯದ ಸೇವಾ ಫಲವಿದಮ್ಮಾ!
ಬೇಡುವಗತ್ಯ ಸ್ವಧರ್ಮಿಗಿಲ್ಲಮ್ಮಾ!
ಕರ್ಮವೇ ಫಲರೂಪವಪ್ಪುದಮ್ಮಾ! (ಅ)
-ಮ್ಮಾ! ನಿರಂಜನಾದಿತ್ಯ ಸಾಕ್ಷಿಯಮ್ಮಾ!!!

ಬಳಪ ಹೊಸತಾದರೇನಾಯ್ತಯ್ಯಾ? (ಬ)

ಳಸುವಕೈ ಪಳಗಿರಬೇಕಯ್ಯಾ!
ಪರಮಾತ್ಮ ಲೀಲೆ ವಿಚಿತ್ರವಯ್ಯಾ!
ಹೊಸ ಹೊಸ ದೇಹಗಳಲಿದಯ್ಯಾ!
ಸವೆದವೆಷ್ಟೋ ಶರೀರಗಳಯ್ಯಾ!
ತಾಳಿದವು ಬಹು ಭವಗಳಯ್ಯಾ!
ದಡ ಸೇರಿದ್ದೆಷ್ಟೆಂದರಿಯದಯ್ಯಾ!
ರೇವು ದೂರವಿರುವುದೆಂಬರಯ್ಯಾ!
ನಾವಿಕನಿಷ್ಟ ಬಲ್ಲವರಾರಯ್ಯಾ! (ಆ)
-ಯ್ತವಗೊಪ್ಪಿಸಿ ಪಯಣವನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾಧಾರನಯ್ಯಾ!!!

ನಿನ್ನ ದುಃಖಕ್ಕೆ ನೀನೇ ಕಾರಣ! (ಉ)

-ನ್ನತದಿಂದಿಳಿದುದೇ ಕಾರಣ!
ದುಃಖಕ್ಕೆಲ್ಲಾ ಮನಸೇ ಕಾರಣ! (ಸು)
-ಖಕಾತ್ಮಾರಾಮ ಧ್ಯಾನ ಕಾರಣ! (ಮಿ)
-ಕ್ಕೆಲ್ಲಾ ರೀತ್ಯಶಾಂತಿಗೆ ಕಾರಣ!
ನೀನವನಾಗಬೇಕೀ ಕಾರಣ!
ನೇಮಾನುಷ್ಠಾನ ಮಾಡೀ ಕಾರಣ!
ಕಾಯಾಭಿಮಾನ ಬಿಡೀ ಕಾರಣ! (ವ)
-ರ ಪಾದಾಶ್ರಯಿಸೀ ಕಾರಣ! (ಗು)
-ಣ ಶ್ರೀನಿರಂಜನಾದಿತ್ಯ ಕಾರಣ!!!

ದೇವರೊಬ್ಬನೇ ಸತ್ಯ! (ಅ)

-ವನೆಲ್ಲೆಲ್ಲಿಹ ನಿತ್ಯ! (ತೇ)
-ರೊಳಿವನ ಸಾರಥ್ಯ! (ಕ)
-ಬ್ಬಗಳಲಿವ ಸ್ತುತ್ಯ! (ಜ್ಞಾ)
-ನೇಶ್ವರನಿವ ಭೃತ್ಯ! (ಅ)
-ಸದೃಶಾತ್ಮ ಸಾಮರ್ಥ್ಯ! (ನಿ)
-ತ್ಯ, ನಿರಂಜನಾದಿತ್ಯ!!!

ಮನೆ ಸ್ವಚ್ಛವಿರಿಸಮ್ಮ!

ನೆಮ್ಮದಿಯಾಗುವುದಮ್ಮ!
ಸ್ವಚ್ಛದಲಚ್ಚುತನಮ್ಮ! (ಇ)
-ಚ್ಛ ನೀನವನವಳಮ್ಮ!
ವಿಷಯ ದುರ್ಗಂಧವಮ್ಮ! [ಹ]
-ರಿ ಪ್ರೇಮ ಸುಗಂಧವಮ್ಮ!
ಸದಾಘ್ರಾಣಿಸದನಮ್ಮ! (ಬೊ)
-ಮ್ಮ ನಿರಂಜನಾದಿತ್ಯಮ್ಮ!!!

ಸರ್ವ ಭಾರ ಸರ್ವೇಶ್ವರನದಪ್ಪಾ! [ಗ]

-ರ್ವದಿಂದ ಹಾಳಾಗಬೇಡ ನಿನಪ್ಪಾ!
ಭಾರವೆಲ್ಲಾ ಹೊತ್ತಿಹನಾ ದೇವಪ್ಪಾ! [ಯಾ]
-ರನೂ ಕೈ ಬಿಡವವನಾತಲ್ಲಪ್ಪಾ!
ಸದಾ ಈ ವಿಶ್ವಾಸ ಇರಬೇಕಪ್ಪಾ! [ಸ]
-ರ್ವೇಶ್ವರ ನಿನ್ನಂತರ್ಯಾಮಿ ಕಾಣಪ್ಪಾ! [ವಿ]
-ಶ್ವರೂಪದಲವನ ಲೀಲೆಯಪ್ಪಾ!
ರಮಾರಮಣ ಕರುಣಾಳುವಪ್ಪಾ!
ನಡೆಯುವುದೆಲ್ಲವನಿಚ್ಛೆಯಂತಪ್ಪಾ! [ಅ]
-ದನಿದನು ಬೇಡದೆ ಭಜಿಸಪ್ಪಾ! [ಅ]
-ಪ್ಪಾ ಪ್ರಶಾಂತ ನಿರಂಜನಾದಿತ್ಯಪ್ಪಾ!!!

ಅನ್ನಪಾನವೆಲ್ಲಾ ನಿನ್ನಿಂದ [ನಿ]

-ನ್ನ ಸೇವೆಗೀದೇಹ ಸಂಬಂಧ!
ಪಾಪ ಪುಣ್ಯ ನಿನಗಾನಂದ!
ನನ್ನದೇನಿಹುದು ಗೋವಿಂದ? (ನಾ)
-ವೆಯ ನಾಯಕ ನೀ ಮುಕುಂದ! (ಉ)
-ಲ್ಲಾಸವಿತ್ತರೆ ಯಾತ್ರಾನಂದ!
ನಿನ್ನ ನಾಮವೆನಗಾನಂದ! [ನಿ]
-ನ್ನಿಂದ ಜಗಕೆಲ್ಲಾ ಆನಂದ! [ಪಾ]
-ದ ನಿರಂಜನಾದಿತ್ಯಾನಂದ!!!

ಕಮಲವಾಗಿ ಧ್ಯಾನಿಸಮ್ಮಾ (ವಿ)

-ಮಲಮಿತ್ರ ಆದಿತ್ಯನಮ್ಮಾ!
ಲವಲವಿಕೆ ಇರಲಮ್ಮಾ!
ವಾಯುದೇವ ಸಹಾಯಮ್ಮಾ!
ಗಿರಿಯಂತೆ ನಿಲ್ಲಬೇಕಮ್ಮಾ!
ಧ್ಯಾನ ನಿಷ್ಠಾಮ ಸುಖವಮ್ಮಾ!
ನಿತ್ಯದಭ್ಯಾಸ ಅಗತ್ಯಮ್ಮಾ!
ಸರ್ವಸಿದ್ಧಿ ಪ್ರದವಿದಮ್ಮಾ! [ಅ]
ಮ್ಮಾ! ಜೈ ನಿರಂಜನಾದಿತ್ಯಮ್ಮಾ!!!

ಸತ್ಸಂಘ ಸಾರಂಗ! (ತ)

-ತ್ಸಂಘ ನಿರ್ಮಲಾಂಗ! [ಅ]
-ಘಹರ ದಿವ್ಯಾಂಗ!
ಸಾಯುಜ್ಯ ಪ್ರದಾಂಗ!
ರಂಗ ಅಂತರಂಗ! [ಜ]
-ಗ ನಿರಂಜನಾಂಗ!!!

ಮಗುವಿದು ನಿನ್ನದಯ್ಯಾ!

ಗುಣ, ದೋಷರಿಯದಯ್ಯಾ!
ವಿಷಯಾಸೆ ಕಾಟವಯ್ಯಾ!
ದುರಿತದೂರ ನೀನಯ್ಯಾ!
ನಿನ್ನಂತಿದನು ಮಾಡಯ್ಯಾ! [ಬ]
-ನ್ನಪಡಿಸಬಾರದಯ್ಯಾ!
ದಯೆ ನಿನ್ನದಿರಲಯ್ಯಾ! [ಅ]
-ಯ್ಯಾ ನಿರಂಜನಾದಿತ್ಯಯ್ಯಾ!!!

ನಿರಂಜನಾದಿತ್ಯ ನಿಲಯ!

ರಂಗನಾಥನಿಷ್ಟ ನಿಲಯ!
ಜಗಳವಿಲ್ಲದ ನಿಲಯ!
ನಾಮ ಸ್ಮರಣೆಯ ನಿಲಯ!
ದಿವ್ಯ ಜೀವನದ ನಿಲಯ! [ಸ]
-ತ್ಯ, ಧರ್ಮ, ಕರ್ಮದ ನಿಲಯ!
ನಿಸ್ಸಂಘ, ನಿರ್ಮೋಹ ನಿಲಯ!
ಲಕ್ಷ್ಯಾತ್ಮ ಶಾಂತಿಯ ನಿಲಯ! [ಪ್ರಿ]
-ಯ, ನಿರಂಜನಾದಿತ್ಯಾಲಯ!!!

ಮಿತ್ರರಿಗೆಲ್ಲಾ ಸಂದೇಶ! (ಹ)

-ತ್ರ ಬರಲಿಕೀ ಸಂದೇಶ! (ಹ)
-ರಿ ಕೃಪೆಯಿದು ಸಂದೇಶ! (ಮಿ)
-ಗೆ ಭಾಗ್ಯವಿದೀ ಸಂದೇಶ! ‘(ಎ)
-ಲ್ಲಾ ನಿರಂಜನ’ ಸಂದೇಶ!
ಸಂಘರಿಯಲೀ ಸಂದೇಶ!
‘ದೇವ ಶ್ರೀ ಗುರು’ ಸಂದೇಶ! (ಈ)
-ಶ ನಿರಂಜನಾದಿತ್ಯೇಶ!!!

ಮಿತ್ರರಿಗೆಲ್ಲಾ ಸಂದೇಶ! (ಮಿ)

-ತ್ರನಂತಾಗಲುಪದೇಶ! (ಅ)
-ರಿಗಳಾರರ ವಿನಾಶ! (ಮಿ)
-ಗೆ ಸಂತೋಷಕವಕಾಶ! ‘(ಎ)
-ಲ್ಲಾ ನಿರಂಜನ ನಿವಾಸ’!
ಸಂಘಕಿವಶ್ವಾಸೋಛ್ವಾಸ!
ದೇಶ, ಕಾಲಾತೀತ ಈಶ! (ಈ)
-ಶ, ನಿರಂಜನಾದಿತ್ಯೇಶ!!!

ವಿಶ್ವ ಸಮ್ಮೇಳನವಾಗುತಿದೆ ನಿತ್ಯ! (ನ)

-ಶ್ವರದಿಂದ ಬೇರಾಗಬೇಕತ್ಯಗತ್ಯ!
ಸತ್ಯದಲಿ ನೆಲಸಬೇಕನುನಿತ್ಯ! (ಹಿ)
-ಮ್ಮೇಳಗಳಿಲ್ಲದಾ ಬಾಳು ಸದಾ ಸ್ತುತ್ಯ! (ಒ)
-ಳ, ಹೊರಗೆಲ್ಲೆಲ್ಲೂ ಅದರದೇ ನೃತ್ಯ!
ನರಜನ್ಮ ಸಾರ್ಥಕಗೈವುದು ಸತ್ಯ!
ವಾದ, ಭೇದಗಳೆಂಬುದು ಎಲ್ಲಾ ಮಿಥ್ಯ!
ಗುರಿಗಾಗಿ ಸದಾ ಇರಬೇಕು ಕೃತ್ಯ!
ತಿಳಿದುಳಿವುದರಿಂತಮರ ಮರ್ತ್ಯ! (ಸ)
-ದೆ ಬಡಿಯುತಿರಬೇಕಾಸೆಯ ನಿತ್ಯ!
ನಿಶ್ಚಲ ಸ್ಥಿತಿಗೆ ನಾಮ ಜಪ ಪಥ್ಯ! (ಸ)
-ತ್ಯ, ನಿತ್ಯ ಶ್ರೀ ನಿರಂಜನಾದಿತ್ಯ ಸ್ತುತ್ಯ!!!

ನಗರ ಭಜನೆ ಮಾಡಿ!

ಗರ್ವ ಬಿಟ್ಟೆಲ್ಲೊಡಗೂಡಿ!
ರಮಾರಮಣನ ಪಾಡಿ!
ಭಕ್ತಿಭಾವ ಬಿಡಬೇಡಿ!
ಜಗಕಿದು ಸುಖ ನೋಡಿ! (ಮ)
-ನೆ ಮಾತುಗಳಾಡಬೇಡಿ!
ಮಾನಾವಮಾನೆನಬೇಡಿ! (ಗು)
-ಡಿ ನಿರಂಜನಗೆ ಮಾಡಿ!!!

ಅಪಚಾರವನುಪಚಾರವೆಂದರಿತು ನಿರ್ವಿಚಾರನಾಗಪ್ಪಾ!

ಪರಮಾತ್ಮನೆಲ್ಲಕ್ಕೂ ಕಾರಣಕರ್ತನಾಗಿರುತಿರುವನಪ್ಪಾ!
ಚಾಡಿಮಾತುಗಳನೆಂದೆಂದಿಗೂ ಕೇಳದಿರುವವನಾಗಿರಪ್ಪಾ!
ರಘುಪತಿ ರಾಘವ ರಾಜಾರಾಮ ಪತಿತ ಪಾವನನೆನ್ನಪ್ಪಾ!
ವರ ಮಾರುತಿ ಬಲ ಭೀಮನಾಗಿರುವುದು ಶ್ರೀರಾಮನಿಂದಪ್ಪಾ!
ನುಡಿ, ನಡೆಗಳ ನಿರತ ಪರಿಶುದ್ಧವಾಗಿರಿಸಬೇಕಪ್ಪಾ!
ಪರನಿಂದೆಯಿಂದಾರಿಗೂ ಯಾವ ಲಾಭವೂ ಆಗದೆಂದರಿಯಪ್ಪಾ!
ಚಾತುರ್ಯದಿಂದ ಎಂದಿಗೂ ಮನಕೆ ಚಿರಶಾಂತಿ ದೊರಕದಪ್ಪಾ!
ರಮಿಸಬೇಕು ಸತತವೀ ಮನಸು ಹರಿ ಭಜನೆಯಲಪ್ಪಾ!
ವೆಂಕಟರಮಣ ಸಂಕಟಹರಣನೆಂಬುದ ನಂಬಿ ಬಾಳಪ್ಪಾ!
ದಶೇಂದ್ರಿಯಾಟದಲಿ ಜನ್ಮ ವ್ಯರ್ಥ ಹಾಳುಮಾಡದಿರ ಬೇಕಪ್ಪಾ!
ರಿಪುಗಳಾರದಿಂದನ್ಯ ಶತ್ರುಗಳು ಬೇರಿಲ್ಲವೆಂದರಿಯಪ್ಪಾ!
ತುರೀಯಾತೀತನಾಗಲಿದನೆಲ್ಲಾ ಜೈಸಲೇಬೇಕು ತಿಳಿಯಪ್ಪಾ!
ನಿತ್ಯ, ಸತ್ಯ, ಸಚ್ಚಿದಾನಂದ ಸ್ವರೂಪವೇ ತುರೀಯಾತೀತವಪ್ಪಾ! (ನಿ)
-ರ್ವಿಕಲ್ಪ, ನಿರಂಜನ ಪರಮಾತ್ಮನ ರೂಪವಿದೆಂದರಿಯಪ್ಪಾ!
ಚಾಮುಂಡಾಂಬೆ ಸತತವೀ ರೂಪಿನಲಿ ತಲ್ಲೀನಳಾಗಿಹಳಪ್ಪಾ!
ರಮಣೀಯವಾಗಿಹವಳನುಗ್ರಹವೆಲ್ಲರಿಗಿರಬೇಕಪ್ಪಾ!
ನಾಥರಿಲ್ಲದನಾಥರನುದ್ಧರಿಪ ಜಗನ್ಮಾತೆಯವಳಪ್ಪಾ!
ಗರ್ವ ಬಿಟ್ಟವಳಡಿಗಳಿಗೆ ಶರಣಾಗದುಪಾಯವಿಲ್ಲಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯ ನಿತ್ಯವಳ ಮಡಿಲ ಮುದ್ದು ಮಗುವಪ್ಪಾ!!!

ಸದ್ಗತಿ ಪ್ರಧಾನ ದೀಪಾವಳಿ! (ಉ)

-ದ್ಗಮನ ದರ್ಶಕ ದೀಪಾವಳಿ! (ಪ)
-ತಿ ಹಿತ ಸತಿಯ ದೀಪಾವಳಿ!
ಪ್ರಶಾಂತಿ ಮನಕೆ ದೀಪಾವಳಿ!
ಧಾಸ್ಯ ಭಾವಭಕ್ತಿ ದೀಪಾವಳಿ!
‘ನ ಗುರೋರಧಿಕಂ’ ದೀಪಾವಳಿ!
ದೀಪ, ಧೂಪಸೇವಾ ದೀಪಾವಳಿ!
ಪಾದ ಪೂಜಾನಂದ ದೀಪಾವಳಿ!
ವರ್ತಮಾನಕಿದೇ ದೀಪಾವಳಿ! (ತಿ)
-ಳಿ, ನಿರಂಜನನೇ ದೀಪಾವಳಿ!!!

ಲಕ್ಷ್ಮಿದೇವಿಯ ಪತಿ ಪ್ರೇಮ! (ಲ)

-ಕ್ಷಿ



ಯ ಧರ್ಮ, ಕರ್ಮ ನಿಷ್ಕಾಮ!
ದೇವಿಗವನ ಜಪಾರಾಮ!
ವಿಶ್ವವ್ಯಾಪಕಾ ದಿವ್ಯ ನಾಮ!
ಯದುಪನವ ರಾಧೇ ಶ್ಯಾಮ!
ಪರಂಧಾಮ ವೈಕುಂಠ ಧಾಮ! (ಪ)
-ತಿತ ಪಾವನ ಸೀತಾರಾಮ!
ಪ್ರೇ

ಈ ಹೃದಯ ಆತ್ಮಾರಾಮ! (ಪ್ರೇ)
-ಮ, ನಿರಂಜನಾದಿತ್ಯಾರಾಮ!!!

ಅಂತ್ಯಕಾಲದ ದತ್ತ ನೆನಪು! [ಸ]

-ತ್ಯ ಶ್ರೀ ಲಕ್ಷ್ಮಿಪತಿಯ ನೆನಪು!
ಕಾಯ

ಳಿವಾಗಿದೇ ನೆನಪು!
ಲಕ್ಷ್ಯದಲಿರಬೇಕೀ ನೆನಪು!
ದತ್ತಾನುಗ್ರಹದಿಂದೀ ನೆನಪು! (ಮ)
-ದ, ಮತ್ಸರ ನಾಶಕೀ ನೆನಪು! (ಅ)
-ತ್ತ, ಇತ್ತ ಸರ್ವತ್ರವೀ ನೆನಪು!
ನೆರೆ ಶಾಂತಿಪ್ರದವೀ ನೆನಪು!
ನರ ಜನ್ಮ ಸಾರ್ಥಕಾ ನೆನಪು! (ಭಾ)
-ಪು! ನಿರಂಜನಾದಿತ್ಯ ನೆನಪು!!!

ಎದ್ದರೂ, ಬಿದ್ದರೂ ನಿನಗಾಗಿ! (ಗೆ)

-ದ್ದರೂ, ಸೋತರೂ ನಾ ನಿನಗಾಗಿ!
ರೂಪ ನಾಮವಿದು ನಿನನಾಗಿ!
ಬಿಡಬೇಡೆನ್ನ ನಾ ನಿನಗಾಗಿ! (ಇ)
-ದ್ದರಿರಬೇಕು ನಾ ನಿನಗಾಗಿ! (ನಿ)
-ರೂಪ ನೀಡೆನಗೆ ನಿನಗಾಗಿ! (ಅ)
-ನಿತ್ಯ ಸಾಕೆನಗೆ ನಿನಗಾಗಿ! (ಅ)
-ನನ್ಯ ಭಕ್ತಿ ಕೊಡು ನಿನಗಾಗಿ!
ಗಾನ, ಧ್ಯಾನವೆಲ್ಲಾ ನಿನಗಾಗಿ! (ತ್ಯಾ)
-ಗಿ, ನಿರಂಜನಾದಿತ್ಯನಿಗಾಗಿ!!!

ಮುದ್ದು ಮಗುವಿಗೆ ಮದ್ದಿಕ್ಕುವುದೇನಯ್ಯಾ? (ಸ)

-ದ್ದು ಮಾಡದೆ ಇರಿಸಿದಂತಿಲ್ಲವೇನಯ್ಯಾ!
ಮರಣವೆಂದಾದರೂ ಬರಲೇ ಬೇಕಯ್ಯಾ!
ಗುಣಾವಗುಣವೆಣಿಸಬೇಡವೇನಯ್ಯಾ!
ವಿಷಯ ವಾಸನೆಗಾರು ಕಾರಣವಯ್ಯಾ? (ಹ)
-ಗೆತವನ ಸಾಧಿಪವ ತಂದೆಯೇನಯ್ಯಾ?
ಮಗುವ ತನ್ನಂತೆ ಮಾಳ್ಪವ ತಂದೆಯಯ್ಯಾ! (ಕ)
-ದ್ದಿಲ್ಲ, ಕಾಡಿಲ್ಲ, ಬೇಡಿಲ್ಲ, ನಿನ್ನ ಕಂದಯ್ಯಾ! (ಹ)
-ಕ್ಕು ಸಾಧಿಪಹಂಕಾರವಿವಗಿಲ್ಲವಯ್ಯಾ! (ನೋ)
-ವು ಮಾಡದೆ ಕಾಪಾಡೆಂದು ಬೇಡುವನಯ್ಯಾ!
ದೇಶ, ಕಾಲ, ಸಂದರ್ಭ ನಿನಗುಂಟೇನಯ್ಯಾ!
ನತಜನ ಪರಿಪಾಲಕ ನಿನೊಬ್ಬಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ರೂಪ ನಿನ್ನದಯ್ಯಾ!!!

ಕೊಬ್ಬರಿ ಮಿಠಾಯಿ ನೈವೇದ್ಯ! (ಅ)

-ಬ್ಬರವಿಲ್ಲದಿಷ್ಟ ನೈವೇದ್ಯ! (ಹ)
-ರಿ ಭಕ್ತನ ಪೂಜಾ ನೈವೇದ್ಯ!
ಮಿತ್ರರು ಸವಿದ ನೈವೇದ್ಯ!
ಥಾವೆಲ್ಲಾದರಲ್ಲಿ ನೈವೇದ್ಯ! (ತಾ)
-ಯಿ, ತಂದೆ ನಿನೇಂದ ನೈವೇದ್ಯ!
ನೈಜ ಭಕ್ತಿಯುಕ್ತ ನೈವೇದ್ಯ!
ವೇದ ವೇದ್ಯಗಿಂದು ನೈವೇದ್ಯ! (ವೇ)
-ದ್ಯ ನಿರಂಜನಾದಿತ್ಯಾರಾಧ್ಯ!!!

ನ್ಯಾಯಾನ್ಯಾಯವೆಲ್ಲಾ ನಿನಗೊಂದೇ!

ಯಾಕೆ ನಾ ನಿನ್ನಂತಾಗಿಲ್ಲ ತಂದೇ?
ನ್ಯಾಯಾನ್ಯಾಯ ಮನಸಿನದೆಂದೇ!
ಯತ್ನಿಪೆನದನರಿಯಲು ತಂದೇ!
ವೆಗ್ಗಳದನುಗ್ರಹ ಮಾಡಿಂದೇ! (ಕ)
-ಲ್ಲಾಗಬೇಕಲ್ಲವೇ ಮನ ತಂದೇ?
ನಿತ್ಯ ನಿರ್ಮಲ ನೀನೆನ್ನ ತಂದೇ!
ನಮಿಪೆ ನಿನ್ನ ಪಾದಕ್ಕೆ ತಂದೇ!
ಗೊಂದಲದ ಬಾಳು ಸಾಕು ತಂದೇ!
ದೇವ! ನಿರಂಜನಾದಿತ್ಯಾ ತಂದೇ!!!

ನಿತ್ಯ ಶಾಂತ್ಯಾತ್ಮ ಜ್ಞಾನದಿಂದ! (ಸ)

-ತ್ಯ ಅನುಭವದಿಂದಾನಂದ!
ಶಾಂತಿ ನಿವೃತ್ತಿ ಮಾರ್ಗಾನಂದ!
ತ್ಯಾಗೈಹಿಕಾನಂದತ್ಯಾನಂದ! (ಆ)
-ತ್ಮ ಜ್ಯೋತ್ಯಾಗುದಿಸುವಾನಂದ!
ಜ್ಞಾನ ಸಿದ್ಧಿಯಿದಾತ್ಮಾನಂದ!
ನಶ್ವರಳಿದಮರಾನಂದ! (ಇ)
-ದಿಂಗಿರವರಿತರಾನಂದ! (ಸ)
-ದಾ, ನಿರಂಜನಾದಿತ್ಯಾನಂದ!!!

ಅಮೃತ ಬರುವ ತನಕ ಮಥನ!

ಮೃತ್ಯು ವಿಷಕಂಜಿ ಬಿಟ್ಟರೇ ಮಥನ?
ತಡವೇಕೆಂದು ನಿಂದಿತೇನಾ ಮಥನ?
ಬಸವಳಿದರೂ ಸಾಗಿತು ಮಥನ! (ತಿ)
-ರುಪತೀಶನಿಷ್ಟದಂತಾಯ್ತು ಮಥನ!
ವರ ಲಕ್ಷ್ಮಿ ಬಂದರೂ ಆಯ್ತು ಮಥನ!
ತಣ್ಗದಿರನೆದ್ದರೂ ಆಯ್ತು ಮಥನ!
ನತಾಶರಾಗದೆ ಗೈದರು ಮಥನ! (ಅ)
-ಕಳಂಕಮೃತ ಸಿದ್ಧಿಗಾಗಿ ಮಥನ!
ಮಹೇಶ್ವರಾನುಗ್ರಹದಿಂದಾ ಮಥನ! (ಪ)
-ಥ ವ್ಯತ್ಯಾಸ ಮಾಡದೆ ಮಾಡು ಮಥನ!
ನರ ನಿರಂಜನಾದಿತ್ಯಪ್ಪ ಮಥನ!!!

ಪ್ರತಿದಿನ ಹುಟ್ಟು ಸಾವಿನ ಹಬ್ಬ! (ಅ)

-ತಿಶಯವಿಲ್ಲೊಂದು ದಿನದ ಹಬ್ಬ!
ದಿನ ನಿತ್ಯೆಲ್ಲೆಲ್ಲೂ ಆಗ್ವುದೀ ಹಬ್ಬ!
ನನ್ನ, ನಿನ್ನಹಂಕಾರಜ್ಞಾನ ಹಬ್ಬ!
ಹುಸಿಯ ದಿಟವೆಂಬುದೆಂಥಾ ಹಬ್ಬ! [ಗು]
-ಟ್ಟು ತಿಳಿದವಗಾತ್ಮಾನಂದ ಹಬ್ಬ!
ಸಾವು, ನೋವಿನ ದೇಹಕೇಕೆ ಹಬ್ಬ!
ವಿಧಿ ವಿಲಾಸದಿದು ವ್ಯರ್ಥ ಹಬ್ಬ!
ನನ್ನ ನೀನರಿವುದೇ ನಿಜ ಹಬ್ಬ! [ಅ]
-ಹರ್ನಿಶಿ ಮಾಡುತಿರಬೇಕೀ ಹಬ್ಬ! [ಹ]
-ಬ್ಬ ನಿರಂಜನಾದಿತ್ಯಗಿದೇ ಹಬ್ಬ!!!

ವಿಮಲ ನಾಮಮಲಪ್ರೇಮ ಶ್ರೀರಾಮ!

ಮನಕೆ ಶಾಂತಿ, ವಿಶ್ವಪ್ರೀತಿ ರಘುರಾಮ!
ಲಕ್ಷಣ ಸೇವಾ ಲಕ್ಷ್ಮಣ ಲಕ್ಷ್ಯಾರಾಮ!
ನಾರದವನಿಷ್ಟ ಭಜನಾ ‘ಹರೇ ರಾಮ’!
ಮರ್ಕಟ ಭಂಟನಿಷ್ಟ ಮಂತ್ರಾ ಶ್ರೀರಾಮ!
ಮದನ ವೈರಿಯಾನಂದಾತ್ಮ ಶ್ರೀರಾಮ!
ಲಕ್ಷ್ಯ ಮುನಿಜನಕೀಸುಂದರ ರಾಮ!
ಪ್ರೇಮನಾಮ ಸರ್ವರಿಗೆ ಸೀತಾರಾಮ!
ಮದನಮೋಹನ ದಿವ್ಯ ರೂಪಾ ರಾಮ!
ಶ್ರೀರಾಮ ಪಾವನ ನಾಮ ರಾಜಾರಾಮ!
ರಾಮ ಕೃಷ್ಣ ಏಕರೂಪ ಆತ್ಮಾರಾಮ!
ಮಹಿಮಾ ನಿರಂಜನಾದಿತ್ಯ ಶ್ರೀರಾಮ!!!

ಅರಿತುಕೋ! ನಡೆದುಕೋ ಆನಂದದಿದ್ದುಕೊ!!! (ಹ) !!

-ರಿ ಹರರೆಲ್ಲಾ ನಿನ್ನೋಳಗೆಂದು ಅರಿತುಕೊ! (ಮಾ)
-ತು ಕಥೆಯಿಂದವರು ಸಿಗರೆಂದರಿತುಕೊ!
ಕೋಬ್ಬಿ ಕುಣಿದರಾನಂದವಲ್ಲೆಂದರಿತುಕೊ!
ನಯ ವಿನಯದಿಂದೆಲ್ಲರಲಿ ನಡೆದುಕೊ! (ಪ)
-ಡೆದ ತಾಯ್ತಂದೆಯರಾಜ್ಞೆಯಂತೆ ನಡೆದುಕೊ!
ದುಷ್ಟ ಸಹವಾಸವಿಲ್ಲದಂತೆ ನಡೆದುಕೊ!
ಕೋಟ್ಟು ಕೆಟ್ಟೆನ್ನದೆಚ್ಚರದಿಂದ ನಡೆದುಕೊ!
ಆ ನಂದಕಂದನ ನೆನೆದಾನಂದದಿದ್ದುಕೊ!
ನಂಬಿ ಗುರು ಚರಣವನಾನಂದದಿದ್ದುಕೊ!
ದತ್ತ ಭಜನೆ ನಿತ್ಯ ಮಾಡ್ಯಾನಂದದಿದ್ದುಕೊ!
ದಿವ್ಯಾತ್ಮ ಚಿಂತನೆಯಿಂದ ಆನಂದದಿದ್ದುಕೊ! (ಸ)
-ದ್ದು ಮಾಡದೆ ಒಂದೆಡೆ ಜಪಾನಂದದಿದ್ದುಕೊ! (ಅ)
-ಕೊ! ನಿರಂಜನಾದಿತ್ಯನಂತಾನಂದದಿದ್ದುಕೊ!!!

ನಿರಂಜನ ನಿರಂಜನ ನಿರಂಜನ!

ರಂಗುರಗಾಂರ್ಪ ಮೂರ್ತಿ ನಿರಂಜನ!
ಜಗದೆಲ್ಲಾ ಮಾತಾಧಾರ ನಿರಂಜನ!
ನರ, ಸುರಾದಿಗಳೆಲ್ಲಾ ನಿರಂಜನ!
ನಿರ್ವಿಶೇಷ, ಸರ್ವಪೋಷ ನಿರಂಜನ!
ರಂಗನಾಥ, ಗಂಗಾನಾಥ ನಿರಂಜನ!
ಜನ್ಮದಾತ, ಮುಕ್ತಿದಾತ ನಿರಂಜನ!
ನರನಾಥ, ಗುರುನಾಥ ನಿರಂಜನ!
ನಿಜಭಕ್ತಿ, ಸರ್ವಶಕ್ತಿ ನಿರಂಜನ!
ರಂಗನಂತರಂಗ ಲಿಂಗ ನಿರಂಜನ!
ಜರಾಮರಣ ವಿದೂರ ನಿರಂಜನ!
ನಮೋ ನಿರಂಜನಾದಿತ್ಯ ನಿರಂಜನ!!!

ಕಮಲನಾಭ ವಿಮಲ ಶೋಭಾ ಬಾ!

ಮಹಾಬಲೇಶ್ವರ ಬಹು ಬೇಗ ಬಾ!
ಲಯಗೊಳಿಸಲರಿಗಳೋಡಿ ಬಾ!
ನಾನು, ನೀನೆಂಬುದನಟ್ಟಲೋಡಿ ಬಾ!
ಭವ ಭಯ ಬಂಧನ ಬಿಡಿಸು ಬಾ!
ವಿರಕ್ತಿ ಭಕ್ತಿಯಿತ್ತು ಸಲಹು ಬಾ!
ಮನಕೆ ನಿತ್ಯ ಶಾಂತಿಕೊಡಲು ಬಾ!
ಲಕ್ಷ್ಯ ಸಿದ್ಧಿಯನಿತ್ತುದ್ಧರಿಸು ಬಾ!
ಶೋಕ ನಾಶಾಪಾಶ ಹರಿಯ ಬಾ!
ಭಾಗ್ಯ ಭೋಗ್ಯ, ನಿನ್ನ ಪಾದ ತೋರು ಬಾ!
ಬಾ! ನಿರಂಜನಾದಿತ್ಯ ಬೇಗೋಡಿ ಬಾ!!!

ಉಂಡು ತಿಂದು ಭಂಡನಾಗಬೇಡ! [ಗಂ]

-ಡುಗಲಿ ನೀನಾಗದಿರಬೇಡ!
ತಿಂಗಳು ದಿನವೆಣಿಸಬೇಡ! (ಬ)
-ದುಕು ಬಾಳಿಗಾಗಿ ಅಳಬೇಡ! [ಅ]
-ಭಂಗ ಹಾಡ್ಯನಂಗನಾಗಬೇಡ! (ಹ)
-ಡಗು ಹತ್ತಿ ಎದೆಗೆಡಬೇಡ!
ನಾಮ ಜಪ ಮಾತ್ರ ಬಿಡಬೇಡ! (ಹ)
-ಗಲಿರುಳೆಂಬ ಭೇದ ಬೇಡ!
ಬೇರೆ ಯೋಚನೆಯ ಮಾಡಬೇಡ! (ಬಿ)
-ಡ ನಿರಂಜನಾದಿತ್ಯ ಕೈ ಬಿಡ!!!

ತಿರುಪತಿ ಪ್ರಸಾದ ಬಹಳಾನಂದ! (ಬ)

-ರುವುದನಿರೀಕ್ಷಿತವಾದರಾನಂದ!
ಪತಿತ ಪಾವನವಿದು ಆತ್ಯಾನಂದ!
ತಿನುತವನ ಸ್ಮರಿಸಿದರಾನಂದ!
ಪ್ರಗತಿ ಸಾಧನೆಗಿದಿದ್ದರಾನಂದ!
ಸಾಧು ಸಂತರಿಗಿದನುಭವಾನಂದ!
ದರ್ಶನ ಪಡೆಯಲಿದುತ್ಸಾಹಾನಂದ!
ಬಳಲಿಕೆ ಹೋಗಲಿದ ಪೇಕ್ಷ್ಯಾನಂದ!
ಹರ್ಷಪ್ರದಾಯಕವಿದಮೃತಾನಂದ! (ವೇ)
-ಳಾವೇಳೆಯಿಲ್ಲದಿದು ಸತತಾನಂದ!
ನಂಬಿಗೆಯಿಂದಿದು ಲಭಿಸುವಾನಂದ! (ಅ)
-ದ ನಿರಂಜನಾದಿತ್ಯನರಿತಾನಂದ!!!

ಮಂಗಳಾರತಿ ಸಾರಂಗನಿಗೆ!

ಗತಿ, ಮತಿದಾತಾ ರಂಗನಿಗೆ! (ಕ)
-ಳಾತೀತ ಆತ್ಮ ಸ್ವರೂಪನಿಗೆ!
ರಘುಕುಲ ದೀಪಾದಿತ್ಯನಿಗೆ!
ತಿರೆಯನು ಕಾಯ್ವಾನಂದನಿಗೆ!
ಸಾವಿರ ಕಿರಣಾ ಶೋಭನಿಗೆ!
ರಂಜಿಸುವರವಿಂದಾಪ್ತನಿಗೆ!
ಗಗನಾಂಗಣದಿ ರಾಜಿವಗೆ!
ನಿತ್ಯ ಸತ್ಯ ಚಿದಾನಂದನಿಗೆ! (ಯೋ)
-ಗೇಶ ನಿರಂಜನಾದಿತ್ಯನಿಗೆ!!!

ನಿರಂಜನಾದಿತ್ಯಾ! ಜನನ ಮರಣ ರಾಹಿತ್ಯ!

ರಂಗು ರಂಗಾಗಿ ರಾರಾಜಿಸುತಿಹೆ ಪ್ರತಿನಿತ್ಯ!
ಜಗದ ಜೀವನಯಾತ್ರೆಗೆ ನೀನಿರ್ಪುದಗತ್ಯ!
ನಾರಾಯಣನೆಂಬ ವರ ನಾಮ ನಿನ್ನದು ಸ್ತುತ್ಯ!
ದಿಗಂಬರ ಗುರುಮೂರ್ತಿ ನಿನ್ನ ಕೃಪೆ ಅಗತ್ಯ!
ತ್ಯಾಗರಾಜ ನಿನ್ನನು ವರ್ಣಿಸುವನಾವ ಮರ್ತ್ಯ?
ಜರಾದಿವ್ಯಾಧಿ ನಿನಗಿಲ್ಲವೆಂಬುದು ಸತ್ಯ!
ನರ, ನಾರಿಯರಿಂದಾಗುತಿದೆ ನಿನಗಾತಿಥ್ಯ!
ನಮಿಸಿ ನಿನಗನವರತ ಮಾಳ್ಪರು ಕೃತ್ಯ!
ಮಮತೆದೋರಿ ಪೊರೆಯುತಿರುವೆ ನೀನು ಪ್ರೀತ್ಯ!
ರಮಿಸಿರುವನು ನಿನ್ನಲಿ ಸದಾ ರಾಮ ಭೃತ್ಯ! (ತೃ)
-ಣ ಸಮಾನವಾಯಿತವನಿಗೆ ರಾವಣ ಹತ್ಯ!
ರಾಜೀವಸಖನಿನ್ನನುರಾಗಕೆಲ್ಲಕೂ ಪಥ್ಯ!
ಹಿತಕರ ಸುಖಕರ ನಿನ್ನಾದರ್ಶ ಸಾರಥ್ಯ! (ಸ)
-ತ್ಯ, ಶಿವ ಸುಂದರ ಶ್ರೀ ಗುರು ನಿರಂಜನಾದಿತ್ಯ!!!

ತುಳಸೀ ಹಾರ ಧಾರೀ ಹರಿ! (ಖ)

-ಳಕುಲ ಸಂಹಾರೀ ಉದಾರಿ!
ಸೀತಾನಂದಕಾರೀ ಖರಾರಿ!
ಹಾನಿ, ವೃದ್ಧಿಗಳಧಿಕಾರಿ!
ರತಿಪತಿ ಪಿತ ಶೃಂಗಾರಿ! (ಸು)
-ಧಾಮಾರಿಷ್ಟ ದೂರೀ ಮುರಾರಿ!
ರೀತಿ, ನೀತಿಯ ಗೀತಾಧಾರಿ!
ಹರಿ ಹರಜರೊಟ್ಟುಸೇರಿ! (ಗು)
-ರಿ ನಿರಂಜನಾದಿತ್ಯೋದ್ಧಾರಿ!!!

ಶ್ರೀಧರನರವತ್ತೊಂದನೆಯ ಜಯಂತ್ಯುತ್ಸವ!

ಧರ್ಮ ಸಂಸ್ಕೃತಿಯ ಶ್ರೀ ಜಯಂತಿಯ ಜನ್ಮೋತ್ಸವ!
ರಮಾರಮಣಗಿದಾನಂದದ ಪವಿತ್ರೋತ್ಸವ!
ನರ ನಾರಿಯರ ಗುರುಭಕ್ತಿಯಮೃತೋತ್ಸವ!
ರಸ ಗೀತಾತ್ರಯದತಿ ಮಧುರ ಪಾನೋತ್ಸವ!
ವರ ಗುರು ಸ್ವಾಮಿಯ ಆಶೀರ್ವಾದ ಲಾಭೋತ್ಸವ! (ಸ)
-ತ್ತೊಂದೇ ಶಾಶ್ವತವೆಂದರಿತಾನಂದಿಪೋತ್ಸವ!
ದತ್ತ ಗುರುದೇವನ ಸಚ್ಚಿದಾನಂದದೋತ್ಸವ!
ನೆನೆನೆನೆದು ನಲಿವ ಭಕ್ತರಾನಂದೋತ್ಸವ!
ಯತಿಪತಿಯ ಶ್ರೀ ಪಾದಪೂಜೆಯಾನಂದೋತ್ಸವ!
ಜಯ ಶ್ರೀಧರಸ್ವಾಮಿಗೆಂಬ ಹರ್ಷೋದ್ಗಾರೋತ್ಸವ!
‘ಯಂದರೋ ಮಹಾನುಭಾವುಲೆಂ’ದಾನಂದಿಪೋತ್ಸವ! (ಅ)
-ತ್ಯುತ್ತಮ ಪುಣ್ಯದಿನವಿದೆಲ್ಲರ ಭಾಗ್ಯೋತ್ಸವ! (ಸ)
-ತ್ಸಹವಾಸವಿದೆಲ್ಲರ ಜನ್ಮ ಪಾವನೋತ್ಸವ!
ವರ ಗುರು ಶ್ರೀಧರ ನಿರಂಜನಾದಿತ್ಯೋತ್ಸವ!!!

ಜಗನ್ನಾಥ ರುಕ್ಮಿಣಿಯರಾರಪ್ಪಾ?

ಗರ್ವರಹಿತ ದಂಪತಿಗಳವರಪ್ಪಾ! (ಮ)
-ನ್ನಾಥ ಸೀತಾರಾಮ ಸೇವಕರಪ್ಪಾ!
ಥಳಥಳಿಪ ರೂಪವರದಪ್ಪಾ!
ರುಚಿಸದವರಿಗೀ ಇಹವಪ್ಪಾ! (ರು)
-ಕ್ಮಿಣಿಯರಸ ಗೀತಾಪ್ರಿಯನಪ್ಪಾ! (ಮ)
-ಣಿವರು ಸದಾ ಗುರುಪಾದಕಪ್ಪಾ!
ಯಮ, ನಿಯಮ ಪಾಲಿಸುವರಪ್ಪಾ!
ರಾತ್ರಿ, ದಿವಸ ಆತ್ಮಚಿಂತೆಯಪ್ಪಾ!
ರಘುರಾಮ ದಾಸ ಕೃಪೆಯಿದಪ್ಪಾ! [ಅ]
-ಪ್ಪಾ! ನಿರಂಜನಾದಿತ್ಯಾನುಗ್ರಹಪ್ಪಾ!!!

ಕುಮಾರ ಗುರು ದರ್ಶನ!

ಮಾನವೀ ರೂಪ ದರ್ಶನ!
ರಮಣೀಯವೀ ದರ್ಶನ!
ಗುರುಚಿತ್ತವೀ ದರ್ಶನ! (ವ)
-ರಷೈದಾದ್ಮೇಲೀ ದರ್ಶನ!
ದನ, ಜನಕೀ ದರ್ಶನ! (ಸ್ಪ)
-ರ್ಶ ಪಾವನವೀ ದರ್ಶನ!
ನಮನ ಶ್ರೀ ನಿರಂಜನ!!!

ಪ್ರೀತಿಯ ಸಿಹಿ ಸೇಬು!

ತಿನಬೇಕೆಲ್ಲಾ ಸೇಬು!
ಯಶದಾಯಕಾ ಸೇಬು!
ಸಿದ್ಧಿ, ಮನಕಾ ಸೇಬು!
ಹಿತಾತ್ಮ ಪ್ರೇಮಾ ಸೇಬು!
ಸೇವೆಗುತ್ತಮಾ ಸೇಬು! (ಸೇ)
-ಬು ನಿರಂಜನಾ ಸೇಬು!!!

ಆರತಿ ಹೊತ್ತಿಗೆ ಅವಧೂತ ಬಂದ!

ರಮ್ಯವಾದೊಂದು ವಾಹನದಲ್ಲಿ ಬಂದ!
ತಿರುಕ ವೇಷದಲ್ಲಿ ಅವನು ಬಂದ!
ಹೊರಗಿಂದೊಳಗೆ ನೋಡುತ್ತಾತ ಬಂದ! (ಅ)
-ತ್ತಿತ್ತ, ದಿಟ್ಟಿಸದೆ ನೆಟ್ಟಗಾತ ಬಂದ!
ಗೆಜ್ಜೆ, ತಾಳ, ಭಜನೆ ಕೇಳುತ್ತ ಬಂದ!
ಅವನೇ ತಾನಾಗ್ಯಾನಂದದಿಂದ ಬಂದ!
ವರ ತೇಜಸ್ವಿಯಾಗಿ ಅವನು ಬಂದ!
ಧೂಪವಾಘ್ರಾಣಿಸುತ್ತಾ ಸನ್ಯಾಸಿ ಬಂದ!
ತಲೆ ಕೂದಲು ಕೆದರಿಕೊಂಡು ಬಂದ!
ಬಂದ, ನಿಂದ, ಕುಳಿತ ಆನಂದದಿಂದ!
ದತ್ತ ನಿರಂಜನಾದಿತ್ಯ ನಿತ್ಯಾನಂದ!!!

ರಾಮನ ಕಾಣಿಕೆ ರಾಮಯ್ಯಗಯ್ಯಾ!

ಮಮತಾಬಂಧನವಗಿಲ್ಲವಯ್ಯಾ!
ನಮಸ್ಕಾರ ಪ್ರಿಯನು ಅದನಯ್ಯಾ!
ಕಾಲವನವಶವಾಹುದಯ್ಯಾ! (ಋ)
-ಣಿಗಳವನಿಗೆಲ್ಲಾ ಜೀವರಯ್ಯಾ!
ಕೆಲಸ ಕಾರ್ಯಕಾಧಾರವನಯ್ಯಾ!
ರಾಜರಾಜಸಾರ್ವಭೌಮಾದಿತ್ಯಯ್ಯಾ!
ಮನೆಮನೆಗೂ ಅವನ ದೃಷ್ಟ್ಯಯ್ಯಾ! (ಕೈ)
-ಯ್ಯ ಜೋಡಿಸಲಪ್ಪಿಕೊಳ್ಳುವನಯ್ಯಾ!
ಗತಿ, ಮತಿದಾತನಾಗಿಹನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯಾಶೀರ್ವಾದಯ್ಯಾ!!!

ಕಪ್ಪ, ಕಾಣಿಕೆಯನೊಪ್ಪಿಕೊಂಡಾ ರಾಮ! (ಅ)

-ಪ್ಪಣೆಯಂತಿರುವವರಿಗೆಲ್ಲಾ ರಾಮ!
ಕಾಯುವನೆಲ್ಲರನಾ ಪಟ್ಟಾಭಿ ರಾಮ! (ರಾ)
-ಣಿ ಸೀತಾಮಾತಾ ಸಮೇತನಾ ಶ್ರೀರಾಮ!
ಕೆಲಸ ಕಾರ್ಯಕಾರಣ ಕರ್ತಾ ರಾಮ!
ಯಮನಾಗಿ ರಾವಣನ ಕೊಂದಾ ರಾಮ! (ತ)
-ನೊ



ಳಗೈಕ್ಯ ಗೈದ ಮಾರುತಿಯಾ ರಾಮ! (ತ)
-ಪ್ಪಿಲ್ಲದ ವಿಭೀಷಣನ ಕಾಯ್ದಾ ರಾಮ!
ಕೊಂಡಾಡಿದರೆಲ್ಲ ‘ಹರೇ ರಾಮ ರಾಮ ’! (ಕೂ)
-ಡಾಡಿ ಪಾಡಿದರು ‘ಜಯ ಸೀತಾರಾಮ ’!
ರಾಮ ಪಟ್ಟಾಭಿಷೇಕ ಬಹಳಾರಾಮ! (ರಾ)
-ಮ, ನಿರಂಜನಾದಿತ್ಯಾತ್ಮ ರಾಜಾರಾಮ!!!

ಶ್ರೀರಂಗನಾಥನಿಷ್ಟದಂತಿರುವೆ ನೀನಮ್ಮಾ!

ರಂಗನಾಥನೇ ಕಾರ್ಯಕಾರಣಕರ್ತನಮ್ಮಾ!
ಗರ್ವಿಯಿದನರಿಯದೇ ಕೆಡುತಿಹನಮ್ಮಾ!
ನಾಮವವನದು ಪರಮ ಪಾವನವಮ್ಮಾ! (ಮ)
-ಥನ ಮಾಡಬೇಕದರಿಂತರಂಗವಮ್ಮಾ!
ನಿರವಧಿ ಸುಖವಿದರಿಂದ ಪ್ರಾಪ್ತಿಯಮ್ಮಾ! (ಕ)
-ಷ್ಟವೆಂದಳುತಿದ್ದರದು ತಪ್ಪಲಾರದಮ್ಮಾ!
ದಂಭ, ದರ್ಪದಿಂದೇನೂ ಪ್ರಯೋಜನವಿಲ್ಲಮ್ಮಾ!
ತಿಳಿದಿದನು ಶರಣಾಗಬೇಕವಗಮ್ಮಾ!
ರುಚಿಪುದಿದು ಪೂರ್ಣ ಶರಣಾದಮೇಲಮ್ಮಾ!
ವೆಗ್ಗಳದ ಭೋಗ, ಭಾಗ್ಯವೆಲ್ಲಾ ನಶ್ವರಮ್ಮಾ!
ನೀಲಮೇಘ ಶ್ಯಾಮನ ಲೀಲೆ ವಿಚಿತ್ರವಮ್ಮಾ!
ನಮಸ್ಕಾರವನಾ ಪಾಕಕ್ಕೆ ಸದಾ ಮಾಡಮ್ಮಾ! (ಅ)
-ಮ್ಮಾ! ರಂಗನಾಥ, ನಿರಂಜನಾದಿತ್ಯರೊಂದಮ್ಮಾ!!!

ಚಿಕ್ಕ ಮಕ್ಕಳಕ್ಕರೆಯಕ್ಕರ ಶಾಲೆ! (ಅ)

-ಕ್ಕ ಪಕ್ಕದೂರಿನವರ ಭಾಗ್ಯ ಶಾಲೆ!
ಮತ ಭೇದಗಳಿಲ್ಲದೇಕೈಕ್ಯ ಶಾಲೆ! (ಅ)
-ಕ್ಕ ರುಕ್ಮಿಣಿಯಮ್ಮನಾತ್ಮ ಪ್ರೇಮ ಶಾಲೆ! (ಥ)
-ಳಕು, ಹುಳುಕೇನಿಲ್ಲದ ಪಾಠ ಶಾಲೆ! (ಚೊ)
-ಕ್ಕಟವಾಗಿಟ್ಟಿಹುದು ಮಕ್ಕಳನೀ ಶಾಲೆ! (ಕ)
-ರೆಸಿ ಮಕ್ಕಳನಾದರಿಸುವ ಶಾಲೆ! (ನ)
-ಯ, ವಿನಯಾನಂದ ಬಾಲಪಾಠ ಶಾಲೆ! (ಮಿ)
-ಕ್ಕ, ಹಾಳು ಹವ್ಯಾಸಗಳಿಲ್ಲದ ಶಾಲೆ!
‘ರಘುಪತಿ ರಾಘವ’ ಹಾಡುವ ಶಾಲೆ! (ವಿ)
-ಶಾಲ ಮೈಸೂರಿಗೊಂದಾದರ್ಶ ಶಾಲೆ! (ಲೀ)
-ಲೆ, ನಿರಂಜನಾದಿತ್ಯ ರಂಗನ ಶಾಲೆ!!!

ರಂಗನಾಥನಿಗೊಂದು ಪುಷ್ಪವನ!

ಗತಿ, ಸ್ಥಿತಿ, ಚ್ಯುತಿ ಜೀವನ ವನ!
ನಾಮ, ರೂಪ, ಕುಸುಮಗಳ ವನ!
ಥಳ ಕಿಲ್ಲದನಿಜಾನಂದ ವನ!
ನಿಶಿದಿನ ಭೇದವಿಲ್ಲದ ವನ!
ಗೊಂಬೆಯಾಟದ ಗುರುಲೀಲಾ ವನ!
ದುರಿತಕಂಜದಾತ್ಮ ಪ್ರೇಮ ವನ!
ಪುಣ್ಯ ಪಾಪಗಳಂಟಿಲ್ಲದ ವನ! (ನಿ)
-ಷ್ಪಕ್ಷಪಾತ ನೀತಿಯಮೋಘ ವನ!
ವರಭಕ್ತರ ಹೃತ್ಕುಮುದ ವನ!
ನಮೋ ನಿರಂಜನಾದಿತ್ಯಾಪ್ತ ವನ! (ವ)


ಹ

ತೊ


ನಜಾಪ್ತ ನಿರಂಜನಾದಿತ್ಯ ವನ!!!

ಶ್ರೀರಂಗಪಟ್ಟಣಕೆ ಬಾರೋ!

ರಂಗನಾಥನಡಿಯ ಸೇರೋ!
ಗರ್ವ, ಮೋಹ ಜಯಿಸಿ ಬಾರೋ!
ಪತಿತ ಪಾವನನ ಸೇರೋ! (ಅ)
-ಟ್ಟಹಾಸ, ಸಿಟ್ಟು, ಸುಟ್ಟು ಬಾರೋ! (ಜಾ)
-ಣನಾಗಿವನ ಹತ್ರ ಸೇರೋ!
ಕೆಟ್ಟ ಯೋಚನೆ ಬಿಟ್ಟು ಬಾರೋ!
ಬಾಲ ನೀನೆಂದವನ ಸೇರೋ! (ಬಾ)
-ರೋ, ನಿರಂಜನಾಪ್ತನ ಸೇರೋ!!!

ಚಿನ್ನದ ಗಣಿ ನೀನಯ್ಯಾ! (ಮ)

-ನ್ನಣೆಯಾ ಚಿನ್ನಕಾಗಯ್ಯಾ!
ದಡ್ಡನದರಿಯನಯ್ಯಾ!
ಗಣಿ ಮಣ್ಣು ಮಿಶ್ರವಯ್ಯಾ! (ದ)
-ಣಿಯದೇ ನೀ ಶೋಧಿಸಯ್ಯಾ!
ನೀನಾಗ ಶುದ್ಧ ಚಿನ್ನಯ್ಯಾ!
ನಗ, ನಾಣ್ಯಗಳಾಗಯ್ಯಾ! (ಅ)
-ಯ್ಯಾ! ನಿರಂಜನಾ ಚಿನ್ನಯ್ಯಾ!!!

ಜ್ಞಾನಿ ದುಃಖಿಯಲ್ಲವಯ್ಯಾ

ನಿಜಾಭಾವ ದುಃಖವಯ್ಯಾ!
ದುಃಖ ಮನೋವೃತ್ತಿಯಯ್ಯಾ! (ಸು)
-ಖಿ, ಜ್ಞಾನ ಸ್ವರೂಪನಯ್ಯಾ! (ಗಾ)
-ಯನ ಜ್ಞಾನ ಗಾನಕಯ್ಯಾ! (ಬೆ)
-ಲ್ಲ ತಿಂದಾಗಾ ರುಚಿಯಯ್ಯಾ! (ಆ)
-ವ ಸುಖ ಪಾಂಡಿತ್ಯವಯ್ಯಾ? (ಅ)
-ಯ್ಯಾ! ನಿರಂಜನಾದಿತ್ಯಯ್ಯಾ!!!

ನಮ್ಮ ಮನೆಗೆ ಬರಬೇಕಪ್ಪಾ! (ನಿ)

-ಮ್ಮಲ್ಲೇ ಸದಾ ಇದ್ದೇನೆ ನೋಡಪ್ಪಾ!
ಮನೆಯವರಲೈಕ್ಯ ಬೇಕಪ್ಪಾ!
ನೆನೆಯುತೆನ್ನ ನಿತ್ಯ ನೋಡಪ್ಪಾ!
ಗೆಳೆತನನ್ಯರಲಿ ಬೇಡಪ್ಪಾ!
ಬಲು ಮೋಸವೆಲ್ಲೆಲ್ಲೂ ನೋಡಪ್ಪಾ!
ರಘುರಾಮನಗಲ ಬೇಡಪ್ಪಾ!
ಬೇಕು ಅನನ್ಯ ಭಕ್ತಿ ನೋಡಪ್ಪಾ!
ಕಥೆ ಕಲಾಪಗಳು ಬೇಡಪ್ಪಾ! (ಅ)
-ಪ್ಪಾ! ನಿರಂಜನಾದಿತ್ಯ ನೋಡಪ್ಪಾ!!!

ಮನಸು ಬೆಂಕಿಯಾಗಬೇಕು!

ನಶ್ವರದಾಸೆ ಸುಡಬೇಕು!
ಸುಖ ದುಃಖ ಸಮಾಗಬೇಕು!
ಬೆಂದು ವೃತ್ತಿ ಭಸ್ಮಾಗಬೇಕು!
ಕಿರಣಾಗಿ ಬೆಳಗಬೇಕು!
ಯಾವುದೂ ಅಂಟದಿರಬೇಕು!
ಗತಿ, ಸ್ಥಿತಿಯೊಂದಾಗಬೇಕು!
ಬೇಕು, ಬೇಡ ಸಾಕಾಗಬೇಕು! (ಸಾ)
-ಕು, ನಿರಂಜನಾದಿತ್ಯ ಬೇಕು!!!

ಭಾನುವಾರ ದರ್ಶನಾನುಗ್ರಹ! (ಸಾ)

-ನುರಾಗದಲವನಾನುಗ್ರಹ!
ವಾರಿಜಮಿತ್ರನಿಷ್ಟಾನುಗ್ರಹ!
ರವಿಕುಲಾತ್ಮಾರಾಮಾನುಗ್ರಹ!
ದಯೆಯಿಂದವ ಕಾಯ್ವಾನುಗ್ರಹ! (ದ)
-ರ್ಶನಿಷ್ಟ ಸಿದ್ಧಿಪ್ರದಾನುಗ್ರಹ!
ನಾಮಸ್ಮರಣೆಯಿಂದಾನುಗ್ರಹ!
ನುಡಿಯಂತೆ ನಡೆಗಾನುಗ್ರಹ!
ಗ್ರಹಶಾಂತಿಗಿದೊಂದನುಗ್ರಹ! (ಗ್ರ)
-ಹ, ನಿರಂಜನಾದಿತ್ಯಾನುಗ್ರಹ!!!

ನೊಂದ ಮನಕೆಂದಿಗಾನಂದವಯ್ಯಾ!

ದಯೆ ಗುರುವಿನದಾದಂದಿಗಯ್ಯಾ!
ಮನಸಿನಾಶೆ ನಾಶಾದಂದಿಗಯ್ಯಾ!
ನಶ್ವರಾನಂದ ನಂದಿದಂದಿಗಯ್ಯಾ!
ಕೆಂದಾವರೆಯಾಪ್ತಾಪ್ತಾದಂದಿಗಯ್ಯಾ!
ದಿನ, ರಾತ್ರ್ಯಾತ್ಮಾನಂದಾದಂದಿಗಯ್ಯಾ!
ಗಾಢವಾದಜ್ಞಾನ ಹೋದಂದಿಗಯ್ಯಾ!
ನಂಬಿಗೆಗಿಂಬು ದೊರೆತಂದಿಗಯ್ಯಾ!
ದತ್ತನಿಷ್ಟವೆಲ್ಲವೆಂದೆಂದಿಗಯ್ಯಾ!
ವರ ಪ್ರಸಾದವೆಲ್ಲಾದಂದಿಗಯ್ಯಾ! (ಅ)
-ಯ್ಯಾ! ನಿರಂಜನಾನಂದಾದಂದಿಗಯ್ಯಾ!!!

ಅನ್ನಾಶ್ರಯವೀವಾತಾತ! (ಮ)

-ನ್ನಾಥ ಶ್ರೀ ಗುರು ದತ್ತಾತ!
ಶ್ರಮ ಪೋಗೊಳಿಪಾತಾತ!
ಯದುನಾಥ ಶ್ರೀ ಕೃಷ್ಣಾತ!
ವೀರ್ಯವೃದ್ಧಿ ಗೈವಾತಾತ!
ವಾಸನಾ ಕ್ಷಯ ಕರ್ತಾತ!
ತಾಯಿ, ತಂದೆ, ಬಂಧುವಾತ! (ಪಿ)
-ತ ನಿರಂಜನಾದಿತ್ಯಾತ!!!

ಡಾ|| ಜಾಕೀರ್ ಹುಸೇನರಾತ್ಮಕ್ಕೆ ಶಾಂತಿ!

ಜಾತಿ ಭೇದವಿಲ್ಲದಾ ಆತ್ಮಕ್ಕೆ ಶಾಂತಿ!
ಕೀಳು ಮೇಲೆನ್ನದಿದ್ದಾ ಆತ್ಮಕ್ಕೆ ಶಾಂತಿ! (ಕ)
-ರ್ಕಶ ಮಾತಿಲ್ಲದಾ ಆತ್ಮಕ್ಕೆ ಶಾಂತಿ!
ಹುಟ್ಟು ಸಾವೇನೆಂದರಿತಾತ್ಮಕ್ಕೆ ಶಾಂತಿ!
ಸೇವೆಯೇ ದೈವವಾಗಿದ್ದಾತ್ಮಕ್ಕೆ ಶಾಂತಿ!
ನನ್ನದೆಂಬುದಿಲ್ಲದಿದ್ದಾತ್ಮಕ್ಕೆ ಶಾಂತಿ!
ರಾಜಭೋಗ ಕಡೆಗಂಡಾತ್ಮಕ್ಕೆ ಶಾಂತಿ! (ಆ)
-ತ್ಮ, ಅಖಂಡವೆಂದರಿತಾತ್ಮಕ್ಕೆ ಶಾಂತಿ! (ಅ)
-ಕ್ಕೆ ಸರ್ವ ಕಲ್ಯಾಣವೆಂದಾತ್ಮಕ್ಕೆ ಶಾಂತಿ!
ಶಾಂತಿಪ್ರಿಯನ ಆ ದಿವ್ಯಾತ್ಮಕ್ಕೆ ಶಾಂತಿ! (ಪ್ರೀ)
-ತಿ ಶ್ರೀ ನಿರಂಜನಾದಿತ್ಯಾತ್ಮಕ್ಕೆ ಶಾಂತಿ!!!

ಕಣಿ ಕೇಳಿ ಕುಣಿಯಬೇಡ! (ಗು)

-ಣಿಯಾಗದೆ ನೀನಿರಬೇಡ!
ಕೇಡನ್ಯರಿಗೆ ಮಾಡಬೇಡ! (ಗಾ)
-ಳಿ ಗೋಪುರವ ಕಟ್ಟಬೇಡ!
ಕುಚೋದ್ಯಕ್ಕೆಡೆ ಕೊಡಬೇಡ! (ದ)
-ಣಿಸುತನ್ಯರ ಬಾಳಬೇಡ!
ಯದುಪನಡಿ ಬಿಡಬೇಡ!
ಬೇಡಿ, ಕಾಡಿ, ದುಡುಕಬೇಡ! (ಬಿ)
-ಡ ನಿರಂಜನಂಜಿಕೆ ಬೇಡ!!!

ನಿರಂಜನಾದಿತ್ಯ ತತ್ವ ಮತ!

ರಂಜನಾ ವಿಷಯ ತ್ಯಾಗಾರಾಮ!
ಜಗಕಗತ್ಯವೀ ಶಾಂತಿ ತತ್ವ!
ನಾನು, ನೀನೆಂಬುದಿಲ್ಲದ ಮತ!
ದಿವ್ಯ ನಾಮಜಪದಕಗತ್ಯ! (ಸ)
-ತ್ಯ, ನಿತ್ಯ, ಮುಕ್ತಿಯಮರ ನದಿ!
ತನು, ಮನ, ತಾನಲ್ಲೆಂಬ ಜ್ಞಾನಾ!
ತ್ವಮೇವ ಸರ್ವಮೆಂಬುದು ನಿಜ!
ಮಹಿಮಾನುಭವಾನಂದ ಕರಂ!
‘ತತ್ತ್ವಂ’ ನಿರಂಜನಾದಿತ್ಯ ಮೌನಿ!!!

ಸರ್ವ ಮತ ಸಮ್ಮತಮ್ಮಾ! (ಓ)

-ರ್ವ ದೇವನೆಲ್ಲರಿಗಮ್ಮಾ!
ಮತ ಗುದ್ದಾಟಕಲ್ಲಮ್ಮಾ!
ತತ್ವ ತಿಳಿಯಬೇಕಮ್ಮಾ!
ಸಚ್ಚಿದಾನಂದಾ ರೂಪಮ್ಮಾ! (ಒ)
-ಮ್ಮತ ನಿತ್ಯ ಶಾಂತಿಯಮ್ಮಾ!
ತರಣಿಗಾವ ಭೇದಮ್ಮಾ? [ಅ]
-ಮ್ಮಾ! ನಿರಂಜನಾದಿತ್ಯಮ್ಮಾ!!!

ಸನ್ಯಾಸಿ ಆಗಬೇಕಯ್ಯಾ!

ನ್ಯಾಸಾಭ್ಯಾಸಾಗಬೇಕಯ್ಯಾ!
ಸಿಟ್ಟು ಭಸ್ಮಾಗಬೇಕಯ್ಯಾ!
ಆಶೆ ನಾಶಾಗಬೇಕಯ್ಯಾ!
ಗರ್ವ ಶೂನ್ಯಾಗಬೇಕಯ್ಯಾ!
ಬೇಡದಾತಾಗಬೇಕಯ್ಯಾ!
ಕಡು ತ್ಯಾಗ್ಯಾಗಬೇಕಯ್ಯಾ! [ಅ]
-ಯ್ಯಾ! ನಿರಂಜನಾದಿತ್ಯಯ್ಯಾ!!!

ಗಾನಮೃತ ಪಾನ ಮಾಡಯ್ಯಾ

ನಾಮರೂಪಾತ್ಮನ ನೋಡಯ್ಯಾ!
ಮೃದು ಮಧುರ ನಾದವಯ್ಯಾ!
ತತ್ವ ಸ್ಥಿತಿಗಿದುತ್ತಮವಯ್ಯಾ!
ಪಾಪ ಪುಣ್ಯವಿಲ್ಲದಕಯ್ಯಾ!
ನರ, ನಾರಿ ಭೇದವಿಲ್ಲಯ್ಯಾ!
ಮಾನಾಭಿಮಾನ ಶೂನ್ಯವಯ್ಯಾ!
ಡಮರಿನಾ ಧ್ವನಿಯಿದಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯದಯ್ಯಾ!!!

ಕಾಲ ಕಾಯುವುದು ಕಷ್ಟವಯ್ಯಾ!

ಲಕ್ಷ್ಯ ಸದಾ ನಿನ್ನಲೆನ್ನದಯ್ಯಾ!
ಕಾಣುವುದೆಂದಾ ಸಾಕಾರವಯ್ಯಾ!
ಯುಕ್ತಾನುಗ್ರಹವಾಗಬೇಕಯ್ಯಾ! (ಸಾ)
-ವು, ಇಂದೋ ಮುಂದೋ ಕಾದಿಹುದಯ್ಯಾ!
ದುರಾಗ್ರಹವೆನಗಿಲ್ಲವಯ್ಯಾ!
ಕಣ್ಣಿಂದ ಕಂಡೊಂದಾಗಬೇಕಯ್ಯಾ! (ಭ್ರ)
-ಷ್ಟನೆಂದೆನ್ನ ನೀ ದೂಡಬೇಡಯ್ಯಾ!
ವರ ಗುರು ನೀನಲ್ಲವೇನಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯ ಬಾರಯ್ಯಾ!!!

ಶ್ರೀ ಗುರುವರ ಕರುಣಾಕರ!

‘ಗು’ ಕಾರಜ್ಞಾನಾಂಧಕಾರ ಹರ!
‘ರು’ಕಾರ ಜ್ಞಾನಾನುಗ್ರಹಕಾರ!
ವನಜಭವ, ಶ್ರೀಹರಿ, ಹರ!
ರಘುಪತಿ ರಾಘುವ ಶ್ರೀಕರ!
ಕರಿ ಚರ್ಮಾಂಬರ ಮಾರಹರ!
ರುದ್ರಗಣನಾಯಕ ಶಂಕರ! (ಗ)
-ಣಾಧಿಪತಿ ಸರ್ವವಿಘ್ನಹರ!
ಕರ್ಮ, ಧರ್ಮಾವತಾರ ದಿವಾಕರ! (ಕಾ)
-ರಣಿ ನಿರಂಜನಾದಿತ್ಯ ಹರ!!!

ರಾಮಾರಾಮ ನಾಮ ಗುಣಧಾಮ!

ಮಾರುತಿ ಪ್ರೇಮಾನಂದ ಸುಧಾಮ!
ರಾಜೀವ ಸಖ ಮುಖ ಶ್ರೀ ರಾಮ!
ಮಧುಮರ್ದನ ಮಾಧವಾ ರಾಮ!
ನಾದಾನಂದ ನಂದಕಂದಾ ರಾಮ!
ಮಲಹರ, ಬಲಕರಾ ರಾಮ!
ಗುರಿಗಿದೊಂದೇ ನಾಮ ಶ್ರೀರಾಮ! (ರ)
-ಣಧೀರ, ಗಂಭೀರ, ರಾಜಾರಾಮ!
ಧಾರಿಣೀಸುತೆಯಾಪ್ತ ಶ್ರೀರಾಮ!
ಮಮ ನಿರಂಜನಾದಿತ್ಯಾ ರಾಮ!!!

ಬೇಡೆಂದಾಗ ಬಡಿಸಬೇಡಯ್ಯಾ! (ನೀ)

-ಡೆಂದಾಗ ಗಡಿಬಿಡಿ ಬೇಡಯ್ಯಾ!
ದಾರಿಬಿಟ್ಟು ನಡಿಯಬೇಡಯ್ಯಾ!
ಗತಿಗೆಟ್ಟು ನಡುಗಬೇಡಯ್ಯಾ!
ಬರಡು ಮಾತು ಆಡಬೇಡಯ್ಯಾ! (ಕೇ)
-ಡಿಗರಲ್ಲೊಡನಾಡಬೇಡಯ್ಯಾ!
ಸದಾತ್ಮ ಧ್ಯಾನ ಬಿಡಬೇಡಯ್ಯಾ!
ಬೇಸರಾತುರ ಮಾಡಬೇಡಯ್ಯಾ! (ಒ)
-ಡಕು ತೊಡಕಿಗಂಜಬೇಡಯ್ಯಾ! (ಅ)
-ಯ್ಯಾ! ನಿರಂಜನಾದಿತ್ಯನಾಗಯ್ಯಾ!!!

ಚಕ್ರ ತಿರುಗುತಿದೆ, ಗಾಳಿ ಬೀಸುತಿದೆ! (ಆ)

-ಕ್ರಮಿಸಿದುರಿ ಬಿಸಿಲು ತಂಪಾಗುತಿದೆ!
ತಿತಿ, ಸೂರ್ಯಾಸ್ತಮಾನಕ್ಕೊಳಗಾಗುತಿದೆ!
ರುಧಿರ ವರ್ಣಾಕಾಶದಲಿ ಕಾಣುತಿದೆ!
ಗುಡಿ ಗೋಪುರದ ಗಂಟೆ ಸದ್ದಾಗುತಿದೆ!
ತಿರುಮಲೇಶನ ಭಜನೆ ಕೇಳುತಿದೆ! (ಎ)
-ದೆಯೊಳಗೆ ಮಧುರ ನಾದವಾಗುತಿದೆ!
ಗಾನ, ತಾಳ, ಮೇಳಗಳಿಂದಿಂಪಾಗುತಿದೆ! (ನ)
-ಳಿನನಾಭನಿಗಲಂಕಾರವಾಗುತಿದೆ!
ಬೀದಿಗಳೆಲ್ಲೆಲ್ಲೂ ಚೊಕ್ಕಟವಾಗುತಿದೆ!
ಸುಮನೋಹರ ಸುವಾಸನೆ ಬರುತಿದೆ!
ತಿಮ್ಮಪ್ಪನ ಉತ್ಸವ ಸಾಗಿ ಬರುತಿದೆ! (ಇ)
-ದೆ, ನಿರಂಜನನಿಗಾನಂದವಾಗುತಿದೆ!!!

ನಿರಂಜನಾದಿತ್ಯ ತತ್ವ ಮತ!

ರಂಜನಾ ವಿಷಯ ತ್ಯಾಗಮತ!
ಜಗಕಗತ್ಯವೀ ಶಾಂತಿ ಮತ!
ನಾನು, ನೀನೆಂಬುದಿಲ್ಲದ ಮತ!
ದಿವ್ಯನಾಮ ನೆನಪಿನ ಮತ! (ಸ)
-ತ್ಯ, ನಿತ್ಯ ಮುಕ್ತಿಯಮೃತ ಮತ!
ತನು, ಮನ ತಾನಲ್ಲೆಂಬ ಮತ!
ತ್ವಮೇವ ಸರ್ವಮೆಂಬಾಪ್ತ ಮತ!
ಮಹಿಮಾನುಭವಕಪ್ಪ ಮತ!
‘ತತ್ವಂ’ ನಿರಂಜನಾದಿತ್ಯ ಮತ!!!

ಕಾಪಾಡುವ ದೇವ ನೀನಪ್ಪಾ!

ಪಾಮರರು ನಾವು ನೋಡಪ್ಪಾ! (ಪ)
-ಡುತಿಹೆವು ದುಃಖ ನಾವಪ್ಪಾ!
ವರ ಕಟಾಕ್ಷವ ಬೀರಪ್ಪಾ!
ದೇಗುಲ ದೇಹ ನಿನ್ನದಪ್ಪಾ!
ವರ ಪಾದಸೇವೆ ನೀಡಪ್ಪಾ!
ನೀನನಾಥ ನಾಥ ಕಾಣಪ್ಪಾ!
ನಮಸ್ಕಾರ ನಿನ್ನಡಿಗಪ್ಪಾ! (ಅ)
-ಪ್ಪಾ! ಶ್ರೀ ನಿರಂಜನಾದಿತ್ಯಪ್ಪಾ!!!

ಸಿಪ್ಪೆ ತೆಗೆದು ಹಣ್ಣು ತಿನ್ನಣ್ಣಾ! (ತಿ)

-ಪ್ಪೆಗೆಸೆಯಬೇಕು ಬೀಜವಣ್ಣಾ!
ತೆರೆದಿಹುದಂಗಡಿ ನೋಡಣ್ಣಾ! (ಬ)
-ಗೆ ಬಗೆಯ ಹಣ್ಣಿನಾಶೆ ಬೇಡಣ್ಣಾ!
ದುಸ್ಸಾರವಾದುದನು ಬಿಡಣ್ಣಾ!
ಹಣದಾಸೆ ಇರಬಾರದಣ್ಣಾ! (ಹ)
-ಣ್ಣು ಉತ್ತಮವಾಗಿರಬೇಕಣ್ಣಾ!
ತಿಳಿದಿದನಾನಂದ ಪಡಣ್ಣಾ! (ಉ)
-ನ್ನತದ ಧ್ಯೇಯವಿರಬೇಕಣ್ಣಾ! (ಹ)
-ಣ್ಣಾ! ನಿರಂಜನಾದಿತ್ಯಾನಂದಣ್ಣಾ!!!

ನರ ಹೊರಳಿದಾಗಾರಾಮ ಬೇಕು!

ರಘುಪತಿಯ ಜಪ ಮಾಡಬೇಕು!
ಹೊರಗೊಳಗೆ ದೀರ್ಘಶ್ವಾಸ ಬೇಕು!
ರಗಳೆ ಮಾತು ಕಮ್ಮಿಯಾಗಬೇಕು! (ಹು)
-ಳಿ ಪದಾರ್ಥವ ತಿನ್ನದಿರಬೇಕು!
ದಾರಿ ನಡೆವಾಗೋಡದಿರಬೇಕು!
ಗಾಳಿ ಸಂಚಾರ ಶುದ್ಧವಿರಬೇಕು!
ರಾತ್ರಿಯಾಹಾರ ಲಘುವಾಗಬೇಕು!
ಮಲ ಶೋಧನೆ ಸಲೀಸಾಗಬೇಕು!
ಬೇಳೆ ಪದಾರ್ಥಗಳ ಬಿಡಬೇಕು! (ಬೇ)
-ಕು, ನಿರಂಜನಾದಿತ್ಯ ಕೃಪೆ ಬೇಕು!!!

ಸಹವಾಸ ಸಾರ್ಥಕ ಮಾಡಿಕೋ!

ಹಗಲಿರುಳವನ ನೋಡಿಕೋ!
ವಾದ ಮಾಡದವನಂತಿದ್ದುಕೋ!
ಸತತವನಡಿಗೆರಗಿಕೋ!
ಸಾಧನೆಯಿದ ಸದಾಮಾಡಿಕೋ! (ವ್ಯ)
-ರ್ಥ ಕಾಲಕ್ಷೇಪ ಮಾಡದಿದ್ದುಕೋ!
ಕಲಿ, ಮಲ ತೊಳೆಯುತಿದ್ದುಕೋ!
ಮಾತು, ಕಥೆಯವನಂತಾಡಿಕೋ! (ಹಾ)
-ಡಿ, ಪಾಡಿ ಅವನನೊಲಿಸಿಕೋ! (ಅ)
-ಕೋ, ನಿರಂಜನಾದಿತ್ಯ ಕೂಡಿಕೋ!!!

ಎಲ್ಲಾ ಕ್ಷೇತ್ರವೆನ್ನ ಡಬ್ಬದಲ್ಲಿ! (ಅ)

-ಲ್ಲಾತನಿಲ್ಲಾತನಾ ಡಬ್ಬದಲ್ಲಿ!
ಕ್ಷೇಮ ಪ್ರಸಾದವಾಡಬ್ಬದಲ್ಲಿ!
ತ್ರಯಂಬಕನಿಷ್ಟಾ ಡಬ್ಬದಲ್ಲಿ! (ಠಾ)
-ವೆನಗೆಲ್ಲೆಲ್ಲೀಗಾ ಡಬ್ಬದಲ್ಲಿ! (ಉ)
-ನ್ನತಿಯ ಸಾಧನಾ ಡಬ್ಬದಲ್ಲಿ!
ಡಮರುಧರನಾ ಡಬ್ಬದಲ್ಲಿ! [ಅ]
-ಬ್ಬರವೇನೇನಿಲ್ಲಾ ಡಬ್ಬದಲ್ಲಿ!
ದತ್ತನಿಹ ಸದಾ ಡಬ್ಬದಲ್ಲಿ! (ಇ)
-ಲ್ಲಿ ನಿರಂಜನಾದಿತ್ಯದರಲ್ಲಿ!!!

ಮದುವೆಯಾಗುವುದು ಶಾಂತಿ!

ದುರ್ಗತಿ ತಪ್ಪುವುದು ಶಾಂತಿ! (ಜೀ)
-ವೆರಡೊಂದಾಗುವುದು ಶಾಂತಿ!
ಯಾವಾತಂಕವಿಲ್ಲದ್ದು ಶಾಂತಿ!
ಗುರುದೇವನೊಪ್ಪಿದ್ದು ಶಾಂತಿ! (ನೋ)
-ವು ಇಲ್ಲದಂತಾದದ್ದು ಶಾಂತಿ!
ದುರ್ವ್ರಯಗಳಿಲ್ಲದ್ದು ಶಾಂತಿ!
ಶಾಂತಿಗಾಗಿಮಾಡಿದ್ದು ಶಾಂತಿ! (ಪ್ರೀ)
-ತಿ ನಿರಂಜನಾದಿತ್ಯ ಶಾಂತಿ!!!

ಮಾಲಿಕನಿಗೇನು ಬೇಕು! (ಮಾ)

-ಲಿನೊಡೆತನವೇ ಸಾಕು!
ಕರ್ಮವನಿಗಾಗಿ ಬೇಕು!
ನಿರ್ಮಲಮನಸೇ ಸಾಕು! (ತ್ಯಾ)
-ಗೇಶನಾಗಿ ಇರಬೇಕು! (ಅ)
-ನುಮಾನ ಸತ್ತರೆ ಸಾಕು!
ಬೇವು ಬೆಲ್ಲ ತಿನ್ನಬೇಕು! (ಬೇ)
-ಕು! ಶ್ರೀ ನಿರಂಜನ ಸಾಕು!!!

ಕೆಂಪು, ಕಪ್ಪು ಸಿಪ್ಪೆಯೊಳಗಮೃತ!

ಪುರುಷ, ಸ್ತ್ರೀಯರೆಲ್ಲರೊಳಮೃತ!
ಕಷ್ಟ, ನಷ್ಟವಾವುದಿಲ್ಲದಮೃತ! (ಉ)
-ಪ್ಪು, ಖಾರ, ಹುಳಿಯೇನಿಲ್ಲದಮೃತ!
ಸಿಹಿ, ಕಹಿ, ಸಮರಸದಮೃತ! (ಸ)
-ಪ್ಪೆ, ಸಂಬಾರಗಳೇನಿಲ್ಲದಮೃತ! (ಬಾ)
-ಯೊಳಗೆ ಬಿದ್ದರಪ್ಪಾನಂದಾಮೃತ! (ಹ)
-ಳಸಿ, ಹಾಳಾಗದ ವಿಮಲಾಮೃತ!
ಗತಿ, ಸ್ಥಿತಿ, ಚ್ಯುತಿಯಲ್ಲದಮೃತ!
ಮೃತ್ಯುಂಜಯ ರಸವೆಂಬಅಮೃತ! (ಹಿ)
-ತ ನಿರಂಜನಾದಿತ್ಯಾನಂದಾಮೃತ!!!

ಸೊಗಸಾಗಿಹುದಮ್ಮಾ ದೋಸೆ!

ಗರ್ಗರ್ಯಾಗಿಹುದಮ್ಮಾ ದೋಸೆ!
ಸಾಕಾಗದಿಹುದಮ್ಮಾ ದೋಸೆ!
ಗಿರೀಶಾರ್ಪಣವಮ್ಮಾ ದೋಸೆ!
ಹುದುಗು ಸರಿಯಮ್ಮಾ ದೋಸೆ!
ದತ್ತನಿಗಿಷ್ಟವಮ್ಮಾ ದೋಸೆ! (ಅ)
-ಮ್ಮಾ! ನಿನ್ನಾನಂದವಮ್ಮಾ ದೋಸೆ!
ದೋಷರಹಿತವಮ್ಮಾ ದೋಸೆ! (ದೋ)
-ಸೆ, ನಿರಂಜನಾದಿತ್ಯಾ ದೋಸೆ!!!

ಒಳಗಿನ ಗುಟ್ಟು ಶಿವನೇ ಬಲ್ಲ! (ಬೆ)

-ಳಗುತಿಹಳು ಮಾಯೆ ಹೊರಗೆಲ್ಲ!
ಗಿರೀಶ್ವರ ಇನ್ನೂ ಮೌನ ಬಿಟ್ಟಿಲ್ಲ!
ನಟರಾಜನಿಷ್ಟ ಬಲ್ಲವರಿಲ್ಲ!
ಗುಹೇಶ್ವರನಾಗಿ ನೋಡುವನೆಲ್ಲ! (ಹು)
-ಟ್ಟು ಸಾವಿನಾಟ ಭೂಮಂಡಲವೆಲ್ಲ!
ಶಿವನಲ್ಲದಿನ್ಯಾರೂ ಕಾಯ್ವರಿಲ್ಲ!
ವರ ನಾಮಕೀರ್ತನೆ ಮಾಡಿರೆಲ್ಲ!
ನೇಮ ನಿಷ್ಠೆ ವ್ಯರ್ಥವಾಗುವುದಿಲ್ಲ!
ಬರುವನೆಮಗಾಗಿ ಆ ಪ್ರಪುಲ್ಲ! (ಬ)
-ಲ್ಲ ನಿರಂಜನಾದಿತ್ಯನಿದನೆಲ್ಲ!!!

ಗರ್ಭವಾಗಬೇಕು ಮುಟ್ಟುಹೋಗಬೇಕು! [ಅ]

-ರ್ಭಕ ದಿನದಿನಕೂ ಬಲಿಯಬೇಕು!
ವಾದ ಹೋಗಬೇಕು ಬೋಧ ಬರಬೇಕು!
ಗತಿ ಸಾಗಬೇಕು, ಸ್ಥಿತಿ ನಿಲಬೇಕು!
ಬೇನೆ ಬರಬೇಕು ಪ್ರಸವಾಗಬೇಕು!
ಕುಲ, ಶೀಲ, ಸರಳವಾಗಿರಬೇಕು! (ಕಾ)
-ಮುಕನಾಗದೆ ಸಾಧನೆಯಾಗಬೇಕು! (ಕ)
-ಟ್ಟುಕಳಚಿ ಬಂಧಮುಕ್ತನಾಗಬೇಕು!
ಹೋಮ, ನೇಮ, ರಾಮನಾಮವಾಗಬೇಕು!
ಗಮನ ನಿಜರೂಪದತ್ತಾಗಬೇಕು!
ಬೇಕು ಬೇಡೆನ್ನದ ತೃಪ್ತಿ ಇರಬೇಕು!
ಕುಮಾರ ನಿರಂಜನಾದಿತ್ಯಾಗಬೇಕು!!!